Udayavni Special

ಹೆಚ್ಚಿದ ಸೋಂಕು.. ಡ್ಯೂಟಿಗೆ ಬಂಕು..


Team Udayavani, Jul 8, 2020, 6:27 AM IST

hechida-sonku

ಬೆಂಗಳೂರು: ಬೆಂಗಳೂರಿನಲ್ಲಿ ಹೆಚ್ಚುತ್ತಿರುವ ಕೋವಿಡ್‌ 19 ಸೋಂಕು ಪ್ರಕರಣಗಳಿಗೂ, ಬಿಎಂಟಿಸಿಯಲ್ಲಿ ಚಾಲನಾ ಸಿಬ್ಬಂದಿ “ಡ್ಯೂಟಿ’ಗೆ ಚಕ್ಕರ್‌ ಹಾಕುವುದಕ್ಕೂ ಸಂಬಂಧ ಇದೆಯಾ? – ಅತ್ಯಂತ ನಿಕಟ ಸಂಬಂಧ ಇದೆ. ಈ ಕಾರಣಕ್ಕಾಗಿಯೇ ಚಾಲನಾ ಸಿಬ್ಬಂದಿ ಹಾಜರಾತಿಯಲ್ಲಿ ಕಳೆದ ಒಂದು ವಾರದಿಂದ ಗಣನೀಯ ಪ್ರಮಾಣದಲ್ಲಿ ಕುಸಿತ ಕಂಡುಬರುತ್ತಿದೆ ಎನ್ನುತ್ತವೆ ಬಿಎಂಟಿಸಿ ಮೂಲಗಳು. ಪ್ರಕರಣಗಳ ಸಂಖ್ಯೆ ಇದೇ ರೀತಿ ಏರಿಕೆ ಕ್ರಮದಲ್ಲಿ ಸಾಗಿದರೆ,  ಇನ್ನಷ್ಟು ಸಿಬ್ಬಂದಿ ಬಂಕ್‌ ಮಾಡುವ ಸಾಧ್ಯತೆಯಿದ್ದು, ಆಗ ಅದು ಕಾರ್ಯಾಚರಣೆ ಮೇಲೆ ಪರಿಣಾಮ ಬೀಳುವ ಸಾಧ್ಯತೆಯೂ ಇದೆ.

ನಗರಕ್ಕೆ ಹೊಂದಿಕೊಂಡಂತೆ ಕೆಲವರು ಮಂಡ್ಯ, ಮೈಸೂರು, ರಾಮನಗರ, ಚಾಮರಾಜನಗರ,  ಗುಂಡ್ಲುಪೇಟೆ, ತುಮಕೂರು ಮತ್ತಿತರ ಕಡೆ ನೆಲೆಸಿದ್ದಾರೆ. ನಿತ್ಯ ಬೆಂಗಳೂರಿಗೆ ಬಂದು, ಕರ್ತವ್ಯದ ಮೇಲೆ ಬಸ್‌ಗಳಲ್ಲಿ ಊರೆಲ್ಲ ತಿರುಗಾಡಿ, ವಾಪಸ್‌ ತಮ್ಮ ಊರುಗಳಿಗೆ ತೆರಳಬೇಕಾಗಿದೆ. ಆದರೆ, ಕೋವಿಡ್‌ 19 ಪ್ರಕರಣಗಳು ವ್ಯಾಪಕವಾಗಿ  ಹರಡುತ್ತಿರುವುದರಿಂದ ಈ ಸಿಬ್ಬಂದಿಯನ್ನು ಸ್ಥಳೀಯರು ಅನುಮಾನ ಮತ್ತು ಆತಂಕದಿಂದ ನೋಡುವ ಸ್ಥಿತಿ ನಿರ್ಮಾಣವಾಗಿದೆ. ಇನ್ನು ಕೆಲವೆಡೆ ಸ್ವತಃ ಸಿಬ್ಬಂದಿ ಭಯದಿಂದ ಮನೆಯಿಂದ ಹೊರಬೀಳಲು ಹಿಂದೇಟು ಹಾಕುತ್ತಿದ್ದಾರೆ.

ಊರುಗಳು ಸೀಲ್‌ಡೌನ್‌: ಮತ್ತೂಂದೆಡೆ ಕೋವಿಡ್‌ 19ಯೇತರ ಕಾಯಿಲೆಗಳಿಂದ ಬಳಲುತ್ತಿರುವವರು ರಜೆಗಳು ಖಾಲಿ ಆಗಿರುವುದರಿಂದ ಇಕ್ಕಟ್ಟಿಗೆ ಸಿಲುಕಿದ್ದಾರೆ. ಹೊರಬಿದ್ದರೆ, ನೂರಾರು ಜನರೊಂದಿಗೆ ಇಡೀ ಬೆಂಗಳೂರು ಸುತ್ತು  ಹಾಕಬೇಕು. ಅದು ಜೀವಕ್ಕೇ ಆಪತ್ತು ತಂದೀತು ಎಂಬ ಭೀತಿ. ಇನ್ನೊಂದೆಡೆ ಮನೆಯಲ್ಲೇ ಕುಳಿತರೆ ಜೀವನ ನಿರ್ವಹಣೆಗೆ ಆಪತ್ತು. ಇದರಿಂದ ದಿಕ್ಕುತೋಚದಂತಾಗಿದ್ದಾರೆ. ಈ ಮಧ್ಯೆ “ಸರ್‌, ಊರು ಸೀಲ್‌ಡೌನ್‌ ಆಗಿದೆ. ಬರಲು ಆಗುವುದಿಲ್ಲ…’, “ನನಗೆ ಹುಷಾರಿಲ್ಲ. ಜ್ವರದ ಲಕ್ಷಣಗಳಿವೆ…’, “ಮೈಕೈ ನೋವು ಹಾಗೂ ಶೀತ ಇರುವುದರಿಂದ ಬರಲು ಆಗುವುದಿಲ್ಲ ಸರ್‌…’ ಎಂಬ ನೆಪದಲ್ಲಿ ರಜೆ ಚೀಟಿಗಳು ಮೇಲಧಿಕಾರಿಗಳಿಗೆ ಬರು ತ್ತಿವೆ.

ಅತ್ತ ನಿರಾಕರಿಸುವಂತೆಯೂ  ಇಲ್ಲ; ಇತ್ತ ರಜೆ ನೀಡುವಂತೆಯೂ ಇಲ್ಲದ ಸ್ಥಿತಿ ಇದೆ. ನಿಯಮದ ಪ್ರಕಾರ ಚಾಲನಾ ಸಿಬ್ಬಂದಿ ಕಡ್ಡಾಯವಾಗಿ ಕೇಂದ್ರಭಾಗದಲ್ಲೇ ಇರಬೇಕು. ಇದಕ್ಕೆ ಪೂರಕವಾಗಿ ಮನೆ ಬಾಡಿಗೆ ಭತ್ಯೆ ನೀಡಲಾಗುತ್ತಿದೆ. ಹಾಗಾಗಿ, ಚಾಲನಾ ಸಿಬ್ಬಂದಿ  ಕಾರಣಗಳನ್ನೂ ನೀಡುವಂತಿ ಲ್ಲ. ಆದರೂ ಮಾನವೀಯತೆ ದೃಷ್ಟಿಯಿಂದ ಪರಿಗಣಿ ಸಲಾಗುತ್ತಿದೆ. ಇನ್ನು 50 ವರ್ಷ ಮೇಲ್ಪಟ್ಟವರಿಗೆ ಅವರ ಖಾತೆಯಲ್ಲಿದ್ದ ರಜೆಗಳನ್ನು ಎಂದಿನಂತೆ ನೀಡಲಾಗುತ್ತಿದೆ. ಈ ವರ್ಗದ ಸಿಬ್ಬಂದಿ ಸಂಖ್ಯೆ  600- 700 ಮಾತ್ರ ಎಂದು ಸಂಚಾರ ವಿಭಾಗದ ಅಧಿಕಾರಿಯೊಬ್ಬರು ತಿಳಿಸಿದರು.

3-4 ಸಾವಿರ ಸಿಬ್ಬಂದಿ ಗೈರು!: “ಕಳೆದ ಒಂದು ವಾರದಲ್ಲಿ ಕರ್ತವ್ಯಕ್ಕೆ ಹಾಜರಾಗುವ ಸಿಬ್ಬಂದಿಯಲ್ಲಿ ಅದರಲ್ಲೂ ರಾತ್ರಿಪಾಳಿಯಲ್ಲಿ ಗಣನೀಯ ಪ್ರಮಾಣ  ದಲ್ಲಿ ಗೈರುಹಾಜರಾತಿ ಕಂಡುಬರುತ್ತಿದೆ. ಈ ಹಿನ್ನೆಲೆಯಲ್ಲಿ ಅನುಸೂಚಿಗಳ  ಸಂಖ್ಯೆಯೂ ಕಡಿತಗೊಂಡಿದೆ. ಆದರೆ, ಇದಕ್ಕೆ ಪೂರಕವಾಗಿ ಪ್ರಯಾಣಿಕರ ಸಂಖ್ಯೆಯೂ ಕಡಿಮೆಯಾಗಿದ್ದರಿಂದ ಸಮಸ್ಯೆ ಆಗಿಲ್ಲ ದಿರಬಹು ದು. ಆದಾಯದಲ್ಲಂತೂ ಖೋತಾ ಆಗಿದ್ದು, ಇದೇ ಸ್ಥಿತಿ ಮುಂದುವರಿದರೆ ಡೀಸೆಲ್‌ ಖರ್ಚು  ಕೂಡ ಬರದಂತಾಗಲಿದೆ’ ಎಂದು ಬಿಎಂಟಿಸಿ ಅಧಿಕಾರಿಯೊಬರು “ಉದಯವಾಣಿ’ಗೆ ಮಾಹಿತಿ ನೀಡಿದರು.

“ಬಿಎಂಟಿಸಿ ಬಸ್‌ಗಳಲ್ಲಿ ಈ ಮೊದಲು ನಿತ್ಯ ಸರಾಸರಿ ಹತ್ತು ಲಕ್ಷ ಪ್ರಯಾಣಿಕರು ಸಂಚರಿಸುತ್ತಿದ್ದರು. ಇದರಿಂದ 1.20 ಕೋಟಿ  ರೂ. ಆದಾಯ ಬರುತ್ತಿತ್ತು. ಆದರೆ, ಎರಡು-ಮೂರು ದಿನಗಳಿಂದ ಪ್ರಯಾಣಿಕರ ಸಂಖ್ಯೆ ಸುಮಾರು ಏಳು ಲಕ್ಷಕ್ಕೆ ಕುಸಿದಿದ್ದು, ಒಂದು ಕೋಟಿಗಿಂತ ಕಡಿಮೆ ಆದಾಯ ಹರಿದುಬರುತ್ತಿದೆ. ರಾತ್ರಿಪಾಳಿಯಲ್ಲಿ ಹೆಚ್ಚು ಬಿಸಿ ತಟ್ಟಿದೆ. ಅಂದಾಜು  3-4 ಸಾವಿರ ಚಾಲನಾ ಸಿಬ್ಬಂದಿ ಗೈರುಹಾಜರಾಗಿದ್ದಾರೆ’ ಎಂದು ಸಂಸ್ಥೆ ಅಧಿಕಾರಿಗಳು ವಿವರಿಸಿದರು.

ರೂಂ ಮಾಡಿಕೊಂಡಿರಿ…!: ನಿತ್ಯ ನೀವು (ಚಾಲನಾ ಸಿಬ್ಬಂದಿ) ನೂರಾರು ಜನರೊಂದಿಗೆ ಬೆಂಗಳೂರು ಸುತ್ತಾಡಿ ಊರಿಗೆ ಬರುತ್ತೀರಾ. ಇದರಿಂದ ಸೋಂಕು ಹರಡುವ ಸಾಧ್ಯತೆ ಹೆಚ್ಚಿರುತ್ತದೆ. ಸ್ವಲ್ಪ ದಿನ ಅಲ್ಲಿಯೇ ರೂಂ ಮಾಡಿಕೊಂಡು  ಇದ್ದುಬಿಡಿ… – ಹೀಗಂತ ಊರಿನವರು ಸೂಚಿಸುತ್ತಿದ್ದಾರೆ ಎಂದು ಗುಂಡ್ಲುಪೇಟೆಯ ಮಹೇಶ್‌ ಅಲವತ್ತುಕೊಂಡರು.

“ರಾತ್ರಿ ಪಾಳಿ ಕೆಲಸ ಮಾಡುವುದರಿಂದ ಬೆಳಗ್ಗೆ ಡ್ಯೂಟಿಗೆ ಹೋದವನು, ಮರುದಿನ ಮಧ್ಯಾಹ್ನ ವಾಪಸ್ಸಾಗುತ್ತೇನೆ. ಆಗ  ಊರಿನವರು ಅನುಮಾನದಿಂದ ನೋಡುತ್ತಾರೆ. ಕೆಲವರು ಬೆಂಗಳೂರಿನಲ್ಲೇ ಸ್ವಲ್ಪ ದಿನದ ಮಟ್ಟಿಗೆ ರೂಂ ಮಾಡಿಕೊಂಡು ಇರಬಹುದಲ್ಲಾ? ಎಂದು ಉಚಿತ ಸಲಹೆಯನ್ನೂ ನೀಡಿದ್ದಾರೆ. ಆದರೆ, ಈಗಿನ ಸ್ಥಿತಿಯಲ್ಲಿ ಹೆಂಡತಿ, ಮಕ್ಕಳನ್ನು  ಬಿಟ್ಟು ಬೆಂಗಳೂರಿನಲ್ಲಿ ಇರುವುದು ಹೇಗೆ ಎಂದು ಅವರು ಕೇಳಿದರು.

ಸ್ಥಳೀಯರಲ್ಲಿ ಮನೆ ಮಾಡಿದ ಆತಂಕ: ಬಿಎಂಟಿಸಿ ಮಾತ್ರವಲ್ಲ; ವಿವಿಧ ಇಲಾಖೆಗಳಲ್ಲಿ ಕಾರ್ಯನಿರ್ವಹಿಸುವ ಸಾವಿರಾರು ಸರ್ಕಾರಿ ನೌಕರರು ನಗರಕ್ಕೆ ಹೊಂದಿಕೊಂಡ ಊರುಗಳಿಂದ ನಿತ್ಯ ಬೆಂಗಳೂರಿಗೆ ಬಂದುಹೋಗುತ್ತಾರೆ.  ಇತ್ತೀಚಿನ ದಿನಗಳಲ್ಲಿ ನಗರದಲ್ಲಿ ಪ್ರಕರಣಗಳು ಹೆಚ್ಚಾಗುತ್ತಿರುವುದರಿಂದ ಸ್ಥಳೀಯರಿಗೆ ಆತಂಕ ಮನೆ ಮಾಡಿದೆ. ಆದರೆ, ನೌಕರರು ನೇರವಾಗಿ ಕಚೇರಿಗಳಿಗೆ ಹೋಗಿಬರುತ್ತಾರೆ. ಹಾಗಾಗಿ, ಅವರ ಬಗ್ಗೆ ಅಷ್ಟೇನೂ ತಕರಾರುಗಳು  ಕೇಳಿಬರುತ್ತಿಲ್ಲ ಎಂದು ದೊಡ್ಡಬಳ್ಳಾಪುರ, ರಾಮನಗರ ಸೇರಿದಂತೆ ನಾನಾ ಕಡೆಗಳಿಂದ ಆಗಮಿಸುವ ಸರ್ಕಾರಿ ನೌಕರರು “ಉದಯವಾಣಿ’ಗೆ ಸ್ಪಷ್ಟಪಡಿಸಿದ್ದಾರೆ.

* ವಿಜಯಕುಮಾರ್‌ ಚಂದರಗಿ

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

Ayodhya-bhoomi-pujan-696×392

ಹಬ್ಬದ ಸಡಗರದಲ್ಲಿದ್ದ ಅಯೋಧ್ಯೆ ನಿನ್ನೆ ರಾತ್ರಿ ನಿದ್ರಿಸಲೇ ಇಲ್ಲ

maharasta

ಮಹಾರಾಷ್ಟ್ರ ಕೊಂಕಣ-ರಾಜ್ಯದ ಗಡಿಯಲ್ಲಿ ಧಾರಾಕಾರ ಮಳೆ: ನದಿ ನೀರಿ‌ನ ಮಟ್ಟದಲ್ಲಿ ಏರಿಕೆ

ಅಯೋಧ್ಯೆ: ಸಾಧು ಸಂತರ ಸಮ್ಮುಖದಲ್ಲಿ ರಾಮಮಂದಿರಕ್ಕೆ ಪ್ರಧಾನಿ ಮೋದಿ ಶಿಲಾನ್ಯಾಸ

ಅಯೋಧ್ಯೆ ಕನಸು ಸಾಕಾರ: ಸಾಧು ಸಂತರ ಸಮ್ಮುಖದಲ್ಲಿ ರಾಮಮಂದಿರಕ್ಕೆ ಪ್ರಧಾನಿ ಮೋದಿ ಶಿಲಾನ್ಯಾಸ

govinda

ಮಹಾತ್ಮ ಗಾಂಧೀಜಿಗೆ ‘ರಾಮ ನಾಮ’ ಪ್ರಿಯವಾಗಿತ್ತು: ಉಪಮುಖ್ಯಮಂತ್ರಿ ಗೋವಿಂದ ಕಾರಜೋಳ

kuamarswami

ರಾಮಮಂದಿರ ನಿರ್ಮಾಣವಾಗಬೇಕೆಂಬ ಭಾರತೀಯರ ಶತಮಾನಗಳ ಕನಸು ಇಂದು ನನಸು: H.D ಕುಮಾರಸ್ವಾಮಿ

kanayadi

ಶ್ರೀರಾಮಕ್ಷೇತ್ರ ಕನ್ಯಾಡಿ: ಸೀತಾ-ರಾಮ ಪರಿವಾರ ದೇವರುಗಳ ಅಮೃತಶಿಲೆ ಮೂರ್ತಿಗಳ ಪ್ರತಿಷ್ಠಾಪನೆ

58

ಅಯೋಧ್ಯೆಗೆ ಆಗಮಿಸಿದ ಪ್ರಧಾನಿ ಮೋದಿ; ಯಾರೆಲ್ಲ ಭಾಗವಹಿಸಲಿದ್ದಾರೆ




ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ಸುಲಿಗೆಗೆ ನಿಂತ ಆಸ್ಪತ್ರೆ ಗಳ ವಿರುದ ಆಕ್ರೋಶ

ಸುಲಿಗೆಗೆ ನಿಂತ ಆಸ್ಪತ್ರೆಗಳ ವಿರುದ್ಧ ಆಕ್ರೋಶ

ಆಫ್ರಿಕನ್‌ ಪ್ರಜೆಗಳ ಅಕ್ರಮಗಳ ಬಯಲು

ಆಫ್ರಿಕನ್‌ ಪ್ರಜೆಗಳ ಅಕ್ರಮಗಳ ಬಯಲು

ಸೋಂಕಿತರಿಗಿಂತ ಗುಣಮುಖರ ಸಂಖ್ಯೆ ದ್ವಿಗುಣ

ಸೋಂಕಿತರಿಗಿಂತ ಗುಣಮುಖರ ಸಂಖ್ಯೆ ದ್ವಿಗುಣ

ವಾಟಾಳ್ ನಾಗರಾಜ್ ಅವರಿಗೆ ಪತ್ನಿ ವಿಯೋಗ

ವಾಟಾಳ್ ನಾಗರಾಜ್ ಅವರಿಗೆ ಪತ್ನಿ ವಿಯೋಗ

ಸ್ವ್ಯಾಬ್ ಪರೀಕ್ಷೆಗೆ ವಿಜ್ಞಾನ ವಿದ್ಯಾರ್ಥಿಗಳಿಗೆ ತರಬೇತಿ

ಸ್ವ್ಯಾಬ್ ಪರೀಕ್ಷೆಗೆ ವಿಜ್ಞಾನ ವಿದ್ಯಾರ್ಥಿಗಳಿಗೆ ತರಬೇತಿ

MUST WATCH

udayavani youtube

ಆಸ್ಪತ್ರೆಯಲ್ಲೂ B. S. Yediyurappa ಕರ್ತವ್ಯ ಪ್ರಜ್ಞೆ ; ಪ್ರಮುಖ Files ಪರಿಶೀಲನೆ

udayavani youtube

MGM ಕಾಲೇಜಿನ ನವೀಕೃತ ನೂತನ ರವೀಂದ್ರ ಮಂಟಪದ ಪ್ರಾರಂಭೋತ್ಸವ | Udayavani

udayavani youtube

MALASIYAN ಹಣ್ಣುಗಳನ್ನು ಬೆಳೆದು ಯಶಸ್ಸನ್ನು ಕಂಡ Khajane Agricultural farm

udayavani youtube

ಸುಶಾಂತ್ ಸಾವಿನ ಸುತ್ತ ಅನುಮಾನದ ಹುತ್ತ | Sushant Singh Rajput Death Mystery

udayavani youtube

“ಕಟ್ಟಿಹುದು ಬುತ್ತಿ ಉಣಲುಂಟು ತಾಳು” ಎಂದು ಜೀವನ ಪಾಠ | Life Lessons by Farmer



ಹೊಸ ಸೇರ್ಪಡೆ

57 ಕೋವಿಡ್‌ ಪ್ರಕರಣ ದೃಢ; ಕಾರವಾರದಲ್ಲೇ ಅಧಿಕ

57 ಕೋವಿಡ್‌ ಪ್ರಕರಣ ದೃಢ; ಕಾರವಾರದಲ್ಲೇ ಅಧಿಕ

ನಿನ್ನೆ 155 ಜನರಿಗೆ ಕೋವಿಡ್ ಸೋಂಕು

ನಿನ್ನೆ 155 ಜನರಿಗೆ ಕೋವಿಡ್ ಸೋಂಕು

ಮೆಕ್ಕೆಜೋಳ ಬೆಳೆದ ರೈತರಿಗೆ ಅಲ್ಪಾವಧಿ ಆರ್ಥಿಕ ನೆರವು

ಮೆಕ್ಕೆಜೋಳ ಬೆಳೆದ ರೈತರಿಗೆ ಅಲ್ಪಾವಧಿ ಆರ್ಥಿಕ ನೆರವು

Ayodhya-bhoomi-pujan-696×392

ಹಬ್ಬದ ಸಡಗರದಲ್ಲಿದ್ದ ಅಯೋಧ್ಯೆ ನಿನ್ನೆ ರಾತ್ರಿ ನಿದ್ರಿಸಲೇ ಇಲ್ಲ

ಮತ್ತೆ 99 ಜನರಿಗೆ ಸೋಂಕು ಪತ್ತೆ

ಮತ್ತೆ 99 ಜನರಿಗೆ ಸೋಂಕು ಪತ್ತೆ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.