ಗ್ರಾಮೀಣ ರಸ್ತೆ-ದುರಸ್ತಿಗೆ ಆದ್ಯತೆ: ಗುತ್ತೇದಾರ

Team Udayavani, Feb 14, 2022, 12:30 PM IST

ಆಳಂದ: 2021-22ನೇ ಸಾಲಿನ ಕೆಕೆಆರ್‌ ಡಿಬಿ ಯೋಜನೆಯ 2.35 ಕೋಟಿ ರೂ. ಅನುದಾನದ ಅಡಿಯಲ್ಲಿ 2.35 ಕೋಟಿ ರೂ. ವೆಚ್ಚದ ಧಂಗಾಪುರ-ಭೂಸನೂರ ಮುಖ್ಯ ರಸ್ತೆ ನಿರ್ಮಾಣದ ಭೂಮಿ ಪೂಜೆಯನ್ನು ಶಾಸಕ ಸುಭಾಷ ಆರ್‌. ಗುತ್ತೇದಾರ ನೆರವೇರಿಸಿದರು.

ಆಳಂದ ಮತ್ತು ಅಫಜಲಪುರ ತಾಲೂಕಿಗೆ ಸಂಪರ್ಕ ಕಲ್ಪಿಸುವ ಪ್ರಮುಖವಾಗಿ ಧಂಗಾಪುರ-ಭೂಸನೂರ ರಸ್ತೆ ಕಾಮಗಾರಿಗೆ ಚಾಲನೆ ನೀಡುವುದರ ಮೂಲಕ ಈ ಭಾಗದ ಜನರ ಬಹು ದಿನಗಳ ಬೇಡಿಕೆ ಈಡೇರಿಸಿದ ತೃಪ್ತಿ ನನ್ನದಾಗಿದೆ ಎಂದು ಹೇಳಿದರು.

ಪ್ರಮುಖ ಧಾರ್ಮಿಕ ಯಾತ್ರಾ ಸ್ಥಳವಾಗಿರುವ ಗಾಣಗಾಪುರಕ್ಕೆ ದೇಶದ ಮೂಲೆ ಮೂಲೆಯಿಂದ ಜನ ಬರುತ್ತಾರೆ. ಅವರ ಅನೂಕೂಲಕ್ಕಾಗಿ ಉತ್ತಮ ಗುಣಮಟ್ಟದ ರಸ್ತೆ ಅವಶ್ಯಕತೆ ಇತ್ತು. ಈ ಭಾಗದ ಜನರು ಬಹಳ ಸಲ ಈ ಕುರಿತು ಹೇಳಿದ್ದರು. ಈಗ ರಸ್ತೆ ನಿರ್ಮಾಣ ಕಾರ್ಯ ಆರಂಭವಾಗಿದೆ ಎಂದರು.

ಬಿಜೆಪಿ ಮುಖಂಡ ವೀರಣ್ಣ ಮಂಗಾಣಿ, ರಾಜಶೇಖರ ಮಲಶೆಟ್ಟಿ, ವನಿತೇಶ ಗುತ್ತೇದಾರ, ಅಶೋಕ ಗುತ್ತೇದಾರ, ಎಇಇ ಅರುಣಕುಮಾರ ಬಿರಾದಾರ ಹಾಗೂ ಗ್ರಾ.ಪಂ ಅಧ್ಯಕ್ಷರು, ಸದಸ್ಯರು, ಇದ್ದರು.