1114 ವಲಸಿಗರು ಮನೆಗೆ

Team Udayavani, May 31, 2020, 10:37 AM IST

ಸಾಂದರ್ಭಿಕ ಚಿತ್ರ

ಯಡ್ರಾಮಿ: ಯಡ್ರಾಮಿ ಪಟ್ಟಣ ಹಾಗೂ ತಾಲೂಕಿನ ಒಂಭತ್ತು ಹಳ್ಳಿಗಳು ಸೇರಿದಂತೆ ಒಟ್ಟು 20 ಕ್ವಾರಂಟೈನ್‌ ಕೇಂದ್ರಗಳಲ್ಲಿ ಇದ್ದ 1200ಕ್ಕೂ ಹೆಚ್ಚು ವಲಸೆ ಕಾರ್ಮಿಕರಲ್ಲಿ 1114 ಕಾರ್ಮಿಕರನ್ನು ಬಿಡುಗಡೆ ಮಾಡಲಾಗಿದೆ.

ಕ್ವಾರಂಟೈನ್‌ ಮಾಡಲಾದವರ ಪೈಕಿ ಕೆಲ ವಲಸಿಗರ ಗಂಟಲು ದ್ರವದ ಮಾದರಿಯನ್ನು ಕೋವಿಡ್ ಪರೀಕ್ಷೆಗೆ ಕಳುಹಿಸಲಾಗಿತ್ತು. ಕ್ವಾರಂಟೈನ್‌ ಅವಧಿ ಮುಗಿದ ಹಿನ್ನೆಲೆಯಲ್ಲಿ ವಲಸಿಗರು ತಮ್ಮನ್ನು ಬಿಡುಗಡೆ ಮಾಡಿ ಎಂದು ಕೇಳಿಕೊಂಡಿದ್ದರು. ಆದರೆ ಪರೀಕ್ಷಿಸಿದವರ ವರದಿ ಬರುವ ತನಕವೂ ಅವರನ್ನು ಕ್ವಾರಂಟೈನ್‌ನಲ್ಲಿ ಇರಿಸದೇ ಮನೆಗಳಿಗೆ ಕಳಿಸಿದ್ದು ಆಶ್ಚರ್ಯವನ್ನಂಟು ಮಾಡಿದೆ.

ಕ್ವಾರಂಟೈನ್‌ ವಲಸಿಗರನ್ನು ತುರ್ತು ಬಿಡುಗಡೆ ಮಾಡಬೇಕೆಂದು ಸರ್ಕಾರ ಆದೇಶಿಸಿತ್ತು. ಈ ಕಾರಣಕ್ಕಾಗಿಯೇ ಬಿಡುಗಡೆಗೊಳಿಸಿದ್ದೇವೆ. ಕೆಲವರ ವರದಿ ಬರುವುದಿದೆ. ಸರ್ಕಾರದ ನಿಯಮದಂತೆ ವಲಸಿಗರನ್ನು ಅವರ ಮನೆಗಳಿಗೆ ಕಳುಹಿಸಿದ್ದೇವೆ. ಇನ್ನೂ ಕೆಲವರನ್ನು ಬಿಡಬೇಕಿದೆ.
 ಸಿದ್ಧು ಪಾಟೀಲ,
ತಾಲೂಕು ವೈದ್ಯಾಧಿಕಾರಿ