ಪೊಲೀಸ್‌ ಗೌರವ ವಂದನೆ ವೇಳೆ ಹಾರದ ಗುಂಡು

Team Udayavani, Aug 22, 2019, 5:03 PM IST

ಪಾಟ್ನಾ: ಬಿಹಾರದ ಮಾಜಿ ಮುಖ್ಯಮಂತ್ರಿ ಜಗನ್ನಾಥ್‌ ಮಿಶ್ರಾ ಅಂತ್ಯಕ್ರಿಯೆ ವೇಳೆ ಗನ್‌ಸೆಲ್ಯೂಟ್‌ ನೀಡಬೇಕಿದ್ದು, ಈ ವೇಳೆ ಗುಂಡು ಹಾರದೆ, ಬಿಹಾರ ಪೊಲೀಸರಿಗೆ ಫ‌ಜೀತಿಗಿಟ್ಟುಕೊಂಡಿತು.

ಮಿಶ್ರಾ ಅವರು ಸೋಮವಾರ ನಿಧನರಾಗಿದ್ದು, ಗುರುವಾರ ಸ್ವಗ್ರಾಮ ಬುಲುವಾ ಬಜಾರ್‌ನಲ್ಲಿ ಸಕಲ ಸರಕಾರಿ ಗೌರವದೊಂದಿಗೆ ಅಂತ್ಯಕ್ರಿಯೆಗೆ ಸಿದ್ಧತೆಯಾಗಿತ್ತು. ಗಣ್ಯರಾದ ಬಿಹಾರ ಸಿಎಂ ನಿತೀಶ್‌ ಕುಮಾರ್‌, ಉಪಮುಖ್ಯಮಂತ್ರಿ ಸುಶೀಲ್‌ ಕುಮಾರ್‌ ಮೋದಿ ಅವರೂ ಇದ್ದರು.

ಗನ್‌ಸೆಲ್ಯೂಟ್‌ಗೆ ಎಲ್ಲರೂ ಎದ್ದು ನಿಂತಿದ್ದು, ಪೊಲೀಸರೂ ಸಿದ್ಧವಾಗಿದ್ದರು. 21 ಗನ್‌ಸೆಲ್ಯೂಟ್‌ ನೀಡಬೇಕಿದ್ದರೂ ಆರಂಭದಲ್ಲೇ ಫೈರ್‌ ಆಗದ್ದರಿಂದ ಕೊನೆಗೆ ಗನ್‌ ಸೆಲ್ಯೂಟ್‌ ಇಲ್ಲದೇ ಮುಂದುವರಿಸಲಾಯಿತು. ಈ ಬಗ್ಗೆ ಸ್ಥಳೀಯ ಶಾಸಕ ಯದುವಂಶ ಕುಮಾರ್‌ ಯಾದವ್‌ ಅವರು ಕಿಡಿಕಾರಿದ್ದು, ಇದು ಬೇಜವಬ್ದಾರಿಯ ಪರಮಾವಧಿ. ಈ ಬಗ್ಗೆ ತನಿಖೆ ನಡೆಸಬೇಕೆಂದು ಒತ್ತಾಯಿಸಿದ್ದಾರೆ