ಬಿಡಬ್ಲ್ಯೂಎಫ್ ವಿಶ್ವ ಕೂಟ ಮುಂದೂಡಿಕೆ
Team Udayavani, May 3, 2020, 6:06 AM IST
ಸಾಂದರ್ಭಿಕ ಚಿತ್ರ.
ಹೊಸದಿಲ್ಲಿ: ಮುಂದಿನ ವರ್ಷದ ಸಂಭಾವ್ಯ ಒಲಿಂಪಿಕ್ಸ್ ಸಲುವಾಗಿ 2021ರ ಆಗಸ್ಟ್ನಲ್ಲಿ ಸ್ಪೇನ್ನಲ್ಲಿ ನಡೆಯಬೇಕಿರುವ ಬ್ಯಾಡ್ಮಿಂಟನ್ ವಿಶ್ವ ಚಾಂಪಿಯನ್ಶಿಪ್ ಕೂಟವನ್ನು ಕೆಲವು ತಿಂಗಳ ಮಟ್ಟಿಗೆ ಮುಂದೂಡಲಾಗಿದೆ. ಇದನ್ನು 2021ರ ನ. 29ರಿಂದ ಡಿ. 5ರ ತನಕ ನಡೆಸಲು ಬ್ಯಾಡ್ಮಿಂಟನ್ ವರ್ಲ್ಡ್ ಫೆಡರೇಶನ್ (ಬಿಡಬ್ಲ್ಯುಎಫ್) ನಿರ್ಧರಿಸಿದೆ.
ಸಾಮಾನ್ಯವಾಗಿ ಒಲಿಂಪಿಕ್ಸ್ ವರ್ಷದಂದು ಬ್ಯಾಡ್ಮಿಂಟನ್ ವಿಶ್ವ ಚಾಂಪಿಯನ್ಶಿಪ್ ನಡೆಯುವುದಿಲ್ಲ. ಆದರೆ ಕೋವಿಡ್-19 ಕಾರಣದಿಂದ 2020ರ ಟೋಕಿಯೊ ಒಲಿಂಪಿಕ್ಸ್ ಕ್ರೀಡಾಕೂಟ 2021ಕ್ಕೆ ಮುಂದೂಡಲ್ಪಟ್ಟಿದೆ. ಇದು ಜುಲೈ-ಆಗಸ್ಟ್ನಲ್ಲಿ ನಡೆಯುವ ಸಂಭವವಿದೆ. ಆಗ ವಿಶ್ವ ಬ್ಯಾಡ್ಮಿಂಟನ್ ಪಂದ್ಯಾವಳಿಗೆ ತೊಡಕಾಗಲಿದೆ. ಹೀಗಾಗಿ ಇದನ್ನು ವರ್ಷಾಂತ್ಯಕ್ಕೆ ಮುಂದೂಡಲು ನಿರ್ಧರಿಸಲಾಗಿದೆ.