ಚಾಮರಾಜನಗರ :18 ಹೊಸ ಕೋವಿಡ್ ಪ್ರಕರಣ ದೃಢ! 284 ಸಕ್ರಿಯ ಪ್ರಕರಣ
Team Udayavani, Oct 26, 2020, 5:42 PM IST
ಚಾಮರಾಜನಗರ: ಜಿಲ್ಲೆಯಲ್ಲಿ ಸೋಮವಾರ 18 ಹೊಸ ಕೋವಿಡ್ ಪ್ರಕರಣಗಳು ದೃಢಪಟ್ಟಿವೆ. 48 ಮಂದಿ ಗುಣಮುಖರಾಗಿದ್ದಾರೆ. 284 ಸಕ್ರಿಯ ಪ್ರಕರಣಗಳಿವೆ. ಓರ್ವ ವೃದ್ಧೆ ಸೋಂಕಿನಿಂದಾಗಿ ಮೃತಪಟ್ಟಿದ್ದಾರೆ.
ಕೊಳ್ಳೇಗಾಲ ತಾಲೂಕು ನರೀಪುರ ಗ್ರಾಮದ 76 ವರ್ಷದ ವೃದ್ಧೆ ಅ. 24ರಂದು ಕೋವಿಡ್ ಆಸ್ಪತ್ರೆಗೆ ದಾಖಲಾಗಿದ್ದರು. ಚಿಕಿತ್ಸೆ ಫಲಕಾರಿಯಾಗದೇ ಸೋಮವಾರ ಮೃತಪಟ್ಟಿದ್ದಾರೆ ಎಂದು ಜಿಲ್ಲಾಧಿಕಾರಿ ಕಚೇರಿ ಪ್ರಕಟಣೆ ತಿಳಿಸಿದೆ.
ಜಿಲ್ಲೆಯಲ್ಲಿ ಇದುವರೆಗೆ ಒಟ್ಟು 5798 ಮಂದಿಗೆ ಸೋಂಕು ತಗುಲಿತ್ತು. ಇವರಲ್ಲಿ 5392 ಮಂದಿ ಗುಣಮುಖರಾಗಿದ್ದಾರೆ. 284 ಜನರು ಚಿಕಿತ್ಸೆ ಪಡೆಯುತ್ತಿದ್ದಾರೆ. ಇವರಲ್ಲಿ 23 ಮಂದಿ ಐಸಿಯುನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. 128 ಮಂದಿ ಹೋಂ ಐಸೋಲೇಷನ್ಗೊಳಪಟ್ಟಿದ್ದಾರೆ.
ಸೋಮವಾರ ಒಟ್ಟು 642 ಮಾದರಿಗಳನ್ನು ಪರೀಕ್ಷೆಗೊಳಪಡಿಸಲಾಗಿತ್ತು.
ಇಂದಿನ ಪ್ರಕರಣಗಳು: 18
ಇಂದು ಗುಣಮುಖ: 48
ಒಟ್ಟು ಗುಣಮುಖ: 5392
ಇಂದಿನ ಸಾವು: 01
ಒಟ್ಟು ಸಾವು: 122
ಸಕ್ರಿಯ ಪ್ರಕರಣಗಳು: 284
ಒಟ್ಟು ಸೋಂಕಿತರು: 5798