ಬೀದರ: ಕೋವಿಡ್ ಆರ್ಭಟ; 4 ಸಾವು, 64 ಪಾಸಿಟಿವ್ ಕೇಸ್; ಮೃತರ ಸಂಖ್ಯೆ 123ಕ್ಕೆ ಏರಿಕೆ

Team Udayavani, Aug 21, 2020, 7:21 PM IST

ಸಾಂದರ್ಭಿಕ ಚಿತ್ರ

ಬೀದರ: ಗಡಿ ನಾಡು ಬೀದರನಲ್ಲಿ ತನ್ನ ಆರ್ಭಟವನ್ನು ಮುಂದುವರೆಸಿರುವ ಹೆಮ್ಮಾರಿ ಕೋವಿಡ್ ಸೋಂಕು ಶುಕ್ರವಾರ ನಾಲ್ವರನ್ನು ಬಲಿ ಪಡೆದಿದ್ದು, 64 ಹೊಸ ಜನರಿಗೆ ಒಕ್ಕರಿಸಿ ಮತ್ತಷ್ಟು ತಲ್ಲಣ ಮೂಡಿಸಿದೆ.

ಮೃತರೆಲ್ಲರೂ ಹಿರಿಯ ನಾಗರೀಕರೆ ಆಗಿದ್ದಾರೆ. ಬೀದರನ ಓಲ್ಡ್ ಸಿಟಿಯ 58 ವರ್ಷದ ಮಹಿಳೆ, ಭಾಲ್ಕಿ ತಾಲೂಕಿನ ಆಳಂದಿ ಗ್ರಾಮದ 72 ವರ್ಷದ ವ್ಯಕ್ತಿ, ಬಸವಕಲ್ಯಾಣ ಬುಧವಾರಪೇಟದ 58 ವರ್ಷದ ವ್ಯಕ್ತಿ ಹಾಗೂ ಹುಮನಾಬಾದ ತಾಲೂಕಿನ ಸೋನಕೇರಾ ಗ್ರಾಮದ 65 ವರ್ಷದ ಮಹಿಳೆ ಮೃತಪಟ್ಟಿದ್ದಾರೆ. ಸೋಂಕಿನ ಲಕ್ಷಣ ಕಂಡು ಬಂದ ಹಿನ್ನಲೆ ಬ್ರಿಮ್ಸ್ ಆಸ್ಪತ್ರೆಗೆ ದಾಖಲಾಗಿದ್ದರು. ಆದರೆ, ಚಿಕಿತ್ಸೆ ಫಲಿಸದೇ ಕೊನೆಯುಸಿ ರೆಳೆದಿದ್ದಾರೆ. ಇದರೊಂದಿಗೆ ಜಿಲ್ಲೆಯಲ್ಲಿ ಕೊರೊನಾದಿಂದ ಮೃತಪಟ್ಟವ ಸಂಖ್ಯೆ 123ಕ್ಕೆ ಏರಿಕೆ ಆಗಿದೆ.

ಶುಕ್ರವಾರ 64 ಹೊಸ ಪಾಸಿಟಿವ್ ಪ್ರಕರಣಗಳು ಪತ್ತೆಯಾಗಿವೆ. ಬೀದರ ನಗರ- ತಾಲೂಕಿನ 27, ಭಾಲ್ಕಿ ತಾಲೂಕಿನ 10, ಬಸವಕಲ್ಯಾಣ- ಹುಲಸೂರು ತಾಲೂಕಿನ 10, ಔರಾದ- ಕಮಲನಗರ ತಾಲೂಕಿನ 9, ಹುಮನಾಬಾದ- ಚಿಟಗುಪ್ಪ ತಾಲೂಕಿನ 7 ಹಾಗೂ ಅನ್ಯ ರಾಜ್ಯ- ಜಿಲ್ಲೆಯ ಒಂದು ಪ್ರಕರಣ ಇದರಲ್ಲಿ ಸೇರಿವೆ.

ಜಿಲ್ಲೆಯ ಒಟ್ಟು ಸೋಂಕಿತರ ಸಂಖ್ಯೆ 3949ಗೆ ಏರಿಕೆ ಆಗಿದೆ. ಇಂದು 172 ಜನರು ಸೋಂಕಿನಿಂದ ಗುಣಮುಖರಾಗಿ ಬಿಡುಗಡೆಯಾಗಿದ್ದು, ಈವರೆಗೆ 3002 ಸೋಂಕಿತರು ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆ ಆದಂತಾಗಿದೆ. ಇನ್ನೂ 820 ಸಕ್ರೀಯ ಪ್ರಕರಣಗಳಿವೆ. ಈವರೆಗೆ ಜಿಲ್ಲೆಯ 59,502 ಜನರ ಗಂಟಲ ಮಾದರಿ ತಪಾಸಣೆ ಮಾಡಲಾಗಿದ್ದು, ಈ ಪೈಕಿ 54,991 ಮಂದಿಯದ್ದು ನೆಗೆಟಿವ್ ಬಂದಿದೆ. ಇನ್ನೂ 562 ಜನರ ವರದಿ ಬರುವುದು ಬಾಕಿ ಇದೆ.