ಡೆನ್ಮಾರ್ಕ್ ಓಪನ್ ಬ್ಯಾಡ್ಮಿಂಟನ್: ಸಿಂಧು, ಶ್ರೀಕಾಂತ್, ಚಿರಾಗ್ ಮುನ್ನಡೆ
Team Udayavani, Oct 20, 2021, 5:43 AM IST
ಒಡೆನ್ಸೆ (ಡೆನ್ಮಾರ್ಕ್): ಮಂಗಳವಾರ ಆರಂಭಗೊಂಡ 850,000 ಡಾಲರ್ ಬಹುಮಾನದ “ಡೆನ್ಮಾರ್ಕ್ ಓಪನ್’ ಬ್ಯಾಡ್ಮಿಂಟನ್ ಪಂದ್ಯಾವಳಿಯಲ್ಲಿ ಪಿ.ವಿ. ಸಿಂಧು, ಕೆ. ಶ್ರೀಕಾಂತ್ ಸೇರಿದಂತೆ ಭಾರತದ ಬಹುತೇಕ ಆಟಗಾರರು ಮುನ್ನಡೆ ಸಾಧಿಸಿದ್ದಾರೆ.
ಸಣ್ಣದೊಂದು ಬ್ರೇಕ್ ಬಳಿಕ ಆಡ ಲಿಳಿದ ಸ್ಟಾರ್ ಆಟಗಾರ್ತಿ ಪಿ.ವಿ. ಸಿಂಧು ಮೊದಲ ಸುತ್ತಿನ ಪಂದ್ಯದಲ್ಲಿ ಟರ್ಕಿಯ ನೆಸ್ಲಿಹಾನ್ ಯಿಗಿಟ್ ವಿರುದ್ಧ 21-12, 21-10 ಅಂತರದ ಸುಲಭ ಜಯ ಗಳಿಸಿದರು.
“ಆಲ್ ಇಂಡಿಯನ್’ ಸ್ಪರ್ಧೆ
ಪುರುಷರ ಸಿಂಗಲ್ಸ್ನ “ಆಲ್ ಇಂಡಿಯನ್’ ಸ್ಪರ್ಧೆಯೊಂದರಲ್ಲಿ 2017ರ ಚಾಂಪಿಯನ್ ಕೆ. ಶ್ರೀಕಾಂತ್ 21-14, 21-11 ಅಂತರದಿಂದ ಬಿ. ಸಾಯಿ ಪ್ರಣೀತ್ ಆಟವನ್ನು ಕೊನೆ ಗೊಳಿಸಿದರು. ಇನ್ನೊಂದು ಸಿಂಗಲ್ಸ್ ನಲ್ಲಿ ಸಮೀರ್ ವರ್ಮ ಥಾಯ್ಲೆಂಡ್ನ ವಿದಿಸರ್ನ್ ಅವರನ್ನು 21-17, 21-14 ಅಂತರದಿಂದ ಹಿಮ್ಮೆಟ್ಟಿಸಿದರು.
ಇದನ್ನೂ ಓದಿ:ಭವಿಷ್ಯದ ನಾಯಕರಲ್ಲಿ ಮೂವರು ಭಾರತೀಯರು
ಡಬಲ್ಸ್ನಲ್ಲಿ 2 ಜಯ
ಪುರುಷರ ಡಬಲ್ಸ್ನಲ್ಲೂ ಭಾರತಕ್ಕೆ ಎರಡು ಗೆಲುವು ಒಲಿಯಿತು. ಸಾತ್ವಿಕ್ ಸಾಯಿರಾಜ್ ರಾಂಕಿರೆಡ್ಡಿ-ಚಿರಾಗ್ ಶೆಟ್ಟಿ ಜೋಡಿ ಇಂಗ್ಲೆಂಡಿನ ಕಾಲಂ ಹೆಮ್ಮಿಂಗ್-ಸ್ಟೀವನ್ ಸ್ಟಾಲ್ವುಡ್ ವಿರುದ್ಧ 23-21, 21-15 ಅಂತರದ ಜಯ ಒಲಿಸಿಕೊಂಡರು.
ಭರವಸೆಯ ಯುವ ಆಟಗಾರರಾದ ಎಂ.ಆರ್. ಅರ್ಜುನ್-ಧ್ರುವ ಕಪಿಲ ಇಂಗ್ಲೆಂಡಿನ ಇನ್ನೊಂದು ಜೋಡಿಯಾದ ಬೆನ್ ಲೇನ್-ಸೀನ್ ವೆಂಡಿ ವಿರುದ್ಧ 21-19, 21-15 ಅಂತರದ ಮೇಲುಗೈ ಸಾಧಿಸಿದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
ಮಗಳ ಸಾವಿಗೆ ನೀವೇ ಕಾರಣವೆಂದು ಗಂಡನ ಮನೆಗೆ ಬೆಂಕಿಯಿಟ್ಟ ಕುಟುಂಬಸ್ಥರು: ಅತ್ತೆ – ಮಾವ ಮೃತ್ಯು
Dandeli: ಯಂತ್ರದಡಿ ಸಿಲುಕಿದ ಕಾರ್ಮಿಕ: ಕಾಲುಗಳಿಗೆ ಗಂಭೀರ ಗಾಯ
Americaದಲ್ಲಿ ಮುಂದುವರಿದ ಹತ್ಯೆ: ಅಮೆರಿಕದಲ್ಲಿ ಮತ್ತೊಬ್ಬ ವಿದ್ಯಾರ್ಥಿ ಶವ ಪತ್ತೆ!
PSL ಗೆದ್ದ ಇಸ್ಲಾಮಾಬಾದ್ ಯುನೈಟೆಡ್: ಪಂದ್ಯದ ವೇಳೆ ಸಿಗರೇಟ್ ಸೇದಿದ ಆಟಗಾರನ ವಿಡಿಯೋ ವೈರಲ್
ಉಚಿತವಾಗಿ ಕೆಲಸಕ್ಕೆ ಬರಲು ನಿರಾಕರಿಸಿದ್ದಕ್ಕೆ ಕಾರ್ಮಿಕರ ಗುಡಿಸಲಿಗೆ ಬೆಂಕಿಯಿಟ್ಟ ವ್ಯಕ್ತಿ