ಈ ಬಾರಿಯ ಕನ್ನಡ ರಾಜ್ಯೋತ್ಸವ ಪುರಸ್ಕಾರ ಅರ್ಹ ಸಾಧಕರಿಗೆ ಸಂದಿದೆ ಎಂಬ ಅಭಿಪ್ರಾಯ ನಿಮ್ಮದೇ?

Team Udayavani, Oct 30, 2019, 4:17 PM IST

ಮಣಿಪಾಲ: ಎಲೆ ಮರೆ ಕಾಯಿಗಳಂತಿರುವ ಹಲವು ಸಾಧಕರು ಈ ಬಾರಿಯ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ. 1500ಕ್ಕೂ ಹೆಚ್ಚು ಅರ್ಜಿಗಳು ಸಲ್ಲಿಕೆಯಾಗಿದ್ದವು. ಅದರಲ್ಲಿ ಸಚಿವ ಸಿ.ಟಿ ರವಿ ನೇತೃತ್ವದ ರಾಜ್ಯೋತ್ಸವ ಪ್ರಶಸ್ತಿ ಆಯ್ಕೆ ಸಮಿತಿ 64 ಗಣ್ಯರನ್ನು ಆಯ್ಕೆ ಮಾಡಿದೆ. ಇದರಲ್ಲಿ ಬಹುತೇಕರು ಸದ್ದಿಲ್ಲದೆ ತಮ್ಮ ಕಾಯಕದಲ್ಲಿ ತೊಡಗಿಕೊಂಡವರು. ಈ ಹಿನ್ನಲೆಯಲ್ಲಿ “ಈ ಬಾರಿಯ ಕನ್ನಡ ರಾಜ್ಯೋತ್ಸವ ಪುರಸ್ಕಾರ ಅರ್ಹ ಸಾಧಕರಿಗೆ ಸಂದಿದೆ ಎಂಬ ಅಭಿಪ್ರಾಯ ನಿಮ್ಮದೇ?” ಎಂಬ ಪ್ರಶ್ನೆಯನ್ನು ಉದಯವಾಣಿ ಕೇಳಿತ್ತು. ಆಯ್ದ ಅಭಿಪ್ರಾಯಗಳು ಇಂತಿವೆ.

ಲೋಕೇಶ್ ಗೌಡ:  ರೂಪೇಶ್ ರಾಜಣ್ಣ ನವರು ಕನ್ನಡ ತಾಯಿಯ ಸೇವೆಗೆ ಅಪಾರವಾದ ಕೋಡುಗೆ ನೀಡಿದ್ದಾರೆ.  ಈ ಪುರಸ್ಕಾರ ಅವರಿಗೆ ಕೊಡಬೇಕಿತ್ತು.

ಶ್ರೀಕಾಂತ್ ದರ್ಶನ್: ಕನ್ನಡಿಗ ರೂಪೇಶ್ ರಾಜಣ್ಣನವರಿಗೆ ಕನ್ನಡ ರಾಜ್ಯೋತ್ಸವ ಪುರಸ್ಕಾರ  ದೊರಕಬೇಕಿತ್ತು. ಕನ್ನಡವೇ ದೇವರು ಕರ್ನಾಟಕ ದೇವಾಲಯ ಎಂದು ನಂಬಿರುವವರು ಅವರು.

ಪ್ರವೀಣ್ ಕುಮಾರ್:  ಬಿಜೆಪಿ ನಾಯಕರ ಬೆಂಬಲಿಗರಿಗೆ ಈ ಬಾರಿ ಕನ್ನಡ ರಾಜ್ಯೋತ್ಸವ ಪುರಸ್ಕಾರ ಲಭಿಸಿದೆ.

ಹಬೀಬ್ :  ಸಮಾಜಕ್ಕಾಗಿ ಹಗಳಿರುಳು ಯಾವುದೇ ಪಲಾಪೆಕ್ಷೆಯಿಲ್ಲದೇ ದುಡಿಯುವ ಜನರಿಗೆ ನೀಡಿದರೆ ಮಾತ್ರ ಅದಕ್ಕೊಂದು ಮಾರ್ಯದೆ. ಈಗೀಗ ಅದು ಮಾರಾಟದ ವಸ್ತು ಆಗಿ ಹೋಗುತ್ತಿದೆ. ಬ್ಲಡ್ ಹೆಲ್ಪ್ ಕೇರ್ ಕರ್ನಾಟಕ ಈ ಸಂಸ್ಥೆಗೆ ರಾಜ್ಯೋತ್ಸವ ಪ್ರಶಸ್ತಿ ನೀಡಬೇಕಿತ್ತು. ಅದೇಷ್ಟೋ ರಕ್ತದಾನಿಗಳನ್ನು ಒಟ್ಟುಗೂಡಿಸಿ ಕ್ಷಿಪ್ರ ಸಮಯಕ್ಕೆ ಅವಶ್ಯಕತೆ ಇರುವ ರೋಗಿಗಳಿಗೆ ರಕ್ತವನ್ನು ನೀಡುತ್ತ ಬಂದಿರುವ ಒಂದು ಸಂಸ್ಥೆ ಇದು.

ಪ್ರಶಾಂತ್ ಜೆ.ಎಸ್:  ಅರ್ಹರಿಗೆ ಸಲ್ಲಲಿಲ್ಲಾ ಅಂತಾದರೆ, ಪ್ರಜೆಗಳ ಅಭಿಪ್ರಾಯಕ್ಕೆ ಸರ್ಕಾರಗಳು ಮನ್ನಣೆ ಕೊಟ್ಟಿದ್ದು ಯಾವತ್ತಾದರೂ ಇದೆಯಾ ?

ನಾಗಭೂಷಣ ಬಿ ಎಂ :  ಪಟ್ಟಿ ನೋಡಿದಾಗ ಅರ್ಹ ಸಾಧಕರಿಗೆ ಸಂದಿದೆ ಎಂಬುದು ತಿಳಿಯುತ್ತದೆ.

ಗಾಯತ್ರಿ ರಮೇಶ್:  ನಿಜವಾದ ಸಾಧಕರು ಪ್ರಶಸ್ತಿ ಹಿಂದೆ ಹೋಗಬಾರದು. ಅರ್ಜಿ ಸಲ್ಲಿಸಿ ಲಾಬಿ ಮಾಡಿ ಪ್ರಶಸ್ತಿ ಪಡೆಯುವುದು ಉತ್ತಮ ಬೆಳವಣಿಗೆಯಲ್ಲ.