ಗೋವಾದಲ್ಲಿ ತೆಂಗಿನಕಾಯಿ ಬೆಲೆ 55ಕ್ಕೆ ಏರಿಕೆ..!
Team Udayavani, Jun 11, 2021, 8:30 PM IST
ಪ್ರಾತಿನಿಧಿಕ ಚಿತ್ರ
ಪಣಜಿ: ಗೋವದವರ ಆಹಾರದ ಅವಿಭಾಜ್ಯ ಅಂಗವಾಗಿರುವ ತೆಂಗಿನ ಕಾಯಿಯ ದರ ಗಗನಕ್ಕೇರಿದೆ. ಸರ್ವೆಸಾಧಾರಣವಾಗಿ 25 ರೂಗಳಿಗೆ ಸಿಗುತ್ತಿದ್ದ ದೊಡ್ಡ ಗಾತ್ರದ ತೆಂಗಿನ ಕಾಯಿ ಸದ್ಯ 55 ರೂಗಳಿಗೆ ತಲುಪಿದೆ.
ಗೋವಾ ರಾಜಧಾನಿ ಪಣಜಿಯಲ್ಲಿ ದೊಡ್ಡ ಗಾತ್ರದ ತೆಂಗಿನ ಕಾಯಿಯನ್ನು 55 ರೂಗಳಿಗೆ ಮಾರಾಟ ಮಾಡಲಾಗುತ್ತಿದೆ. ಸದ್ಯ ತೆಂಗಿನ ಕಾಯಿಯ ಉತ್ಪಾದನೆ ಮತ್ತು ಆವಕ ಕಡಿಮೆಯಾಗಿರುವುದರಿಂದ ತೆಂಗಿನ ಕಾಯಿಯ ದರದಲ್ಲಿ ಭಾರಿ ಹೆಚ್ಚಳವಾಗಿದೆ ಎಂದು ವ್ಯಾಪಾರಸ್ಥರು ಅಭಿಪ್ರಾಯಪಟ್ಟಿದ್ದಾರೆ.
ಇದನ್ನೂ ಓದಿ : ಅನಿವಾರ್ಯವಾದರೆ ಶೀಘ್ರವೇ ಮತ್ತೊಂದು ಪ್ಯಾಕೇಜ್ ಘೋಷಣೆ :ಸಿಎಂ
ಗೋವಾಕ್ಕೆ ಪ್ರಮುಖವಾಗಿ ಕರ್ನಾಟಕ ಮತ್ತು ಕೇರಳದಿಂದ ಭಾರಿ ಪ್ರಮಾಣದಲ್ಲಿ ತೆಂಗಿನ ಕಾಯಿ ಪೂರೈಕೆಯಾಗುತ್ತದೆ. ಆದರೆ ಕಳೆದ ಹಲವು ದಿನಗಳಿಂದ ಕರ್ನಾಟಕ ಕೇರಳದಲ್ಲಿ ಕಠಿಣ ಲಾಕ್ ಡೌನ್ ಜಾರಿಯಾಗಿದ್ದರಿಂದ ಅಲ್ಲಿಂದ ಗೋವಾಕ್ಕೆ ತೆಂಗಿನಕಾಯಿ ಪೂರೈಕೆ ಬಂದ್ ಆಗಿದೆ. ಇದರಿಂದಾಗಿ ಗೋವಾದ ಜನತೆ ಸ್ಥಳೀಯವಾಗಿ ಲಭಿಸುವ ತೆಂಗಿನ ಕಾಯಿಯನ್ನೇ ಅವಂಭಿಸುವಂತಾಗಿದೆ.
ಕಳೆದ ಕೆಲ ದಿನಗಳ ಹಿಂದೆ ತೌಕ್ತೆ ಚಂಡಮಾರುತದ ಪರಿಣಾಮ ಗೋವಾದಲ್ಲಿ ನದಿಯ ದಡದಲ್ಲಿರುವ ಬಹುತೇಕ ತೆಂಗಿನ ಮರಗಳ ಕಾರಿಗಳು ನದಿಯಲ್ಲೇ ಬಿದ್ದು ತೇಲಿ ಹೋಗಿದೆ. ಇಷ್ಟೇ ಅಲ್ಲದೆಯೇ ಹೆಚ್ಚಿನ ತೆಂಗಿನ ಮರಗಳು ಮುರುದುಬಿದ್ದಿದೆ. ಹೀಗೆ ಗೋವಾದಲ್ಲಿ ಸ್ಥಳೀಯವಾಗಿ ತೆಂಗಿನ ಕಾಯಿಯ ಉತ್ಪಾದನೆ ಕೂಡ ಇಳಿಕೆಯಾಗಿದ್ದು, ಇದರಿಂದಾಗಿ ದರ ಹೆಚ್ಚಳವಾಗಿದೆ ಎಂದು ವ್ಯಾಪಾರಸ್ಥರು ಅಭಿಪ್ರಾಯಪಟ್ಟಿದ್ದಾರೆ.
ಇದನ್ನೂ ಓದಿ : ಮಮತಾ ಬ್ಯಾನರ್ಜಿ ನಮ್ಮ ನಾಯಕಿ; ಬಿಜೆಪಿ ತೊರೆದ ರಾಯ್ ಮತ್ತೆ ಟಿಎಂಸಿ ಸೇರ್ಪಡೆ