2022ರ ತನಕ ಗ್ರೇಮ್ ಸ್ಮಿತ್ ದಕ್ಷಿಣ ಆಫ್ರಿಕಾ ಕ್ರಿಕೆಟ್ಗೆ ನಿರ್ದೇಶಕ
Team Udayavani, Apr 18, 2020, 6:15 AM IST
ಜೋಹಾನ್ಸ್ಬರ್ಗ್: ದಕ್ಷಿಣ ಆಫ್ರಿಕಾ ಕ್ರಿಕೆಟ್ ತಂಡದ ಮಾಜಿ ನಾಯಕ ಗ್ರೇಮ್ ಸ್ಮಿತ್ ದಕ್ಷಿಣ ಆಫ್ರಿಕಾ ಕ್ರಿಕೆಟ್ ಮಂಡಳಿಗೆ 2022ರ ತನಕ ನಿರ್ದೇಶಕರಾಗಿ ಆಯ್ಕೆಯಾಗಿದ್ದಾರೆ.
ಶುಕ್ರವಾರ ಅವರನ್ನು ನೇಮಕ ಮಾಡಲಾಗಿದ್ದು ಮುಂಬರುವ ಎಪ್ರಿಲ್ 2022ಕ್ಕೆ ಅವರ ಕಾರ್ಯಾವಧಿ ಮುಕ್ತಾಯಗೊಳ್ಳಲಿದೆ. ಸ್ಮಿತ್ ಈ ಹಿಂದೆ ಹಂಗಾಮಿ ನಿರ್ದೇಶಕರಾಗಿ ಯಶಸ್ವಿಯಾಗಿ ಕೆಲಸ ನಿರ್ವಹಿಸಿದ್ದರು. “ಸ್ಮಿತ್ ಕಳೆದ 6 ತಿಂಗಳಲ್ಲಿ ತಮ್ಮ ಅನುಭವ, ವೃತ್ತಿಪರತೆ, ಕಠಿನ ಶ್ರಮದಿಂದ ಸಾಕಷ್ಟು ಪ್ರಭಾವ ಬೀರಿದ್ದಾರೆ ಎಂದು ಸಿಎಸ್ಎ ಹಂಗಾಮಿ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಡಾ| ಜಾಕ್ಸ್ ಫೌಲ್ ತಿಳಿಸಿದ್ದಾರೆ.
ಆಯ್ಕೆಯ ಬಗ್ಗೆ ಪ್ರತಿಕ್ರಿಯಿಸಿದ ಗ್ರೇಮ್ ಸ್ಮಿತ್, “ಈ ಆಯ್ಕೆ ನನ್ನ ಮುಂದಿನ ಸವಾಲುಗಳನ್ನು ಪರಿಪೂರ್ಣಗೊಳಿಸಲು ಸಿಕ್ಕಿದ ಅವಕಾಶ’ ಎಂದು ಪ್ರತಿಕ್ರಿಯಿಸಿದ್ದಾರೆ.