ಸದ್ದೆಂದರೆ ಎಷ್ಟು ದೊಡ್ಡದು! ಸದ್ದು ಗದ್ದಲದ ನಡುವೆಕೇಳುವ ಸಾಮರ್ಥ್ಯ ರಕ್ಷಣೆ


Team Udayavani, May 31, 2020, 5:00 AM IST

ಸದ್ದೆಂದರೆ ಎಷ್ಟು ದೊಡ್ಡದು! ಸದ್ದು ಗದ್ದಲದ ನಡುವೆಕೇಳುವ ಸಾಮರ್ಥ್ಯ ರಕ್ಷಣೆ

ಸದ್ದುಗಳು ಕಿವಿಗೆ ಹಿತಕರವೂ ಆಗಿರಬಹುದು; ಹಾನಿಕಾರಕವೂ ಆಗಬಹುದು. ಕಿವಿಗೆ ಹಿತಕರವಲ್ಲದ ಸದ್ದುಗಳನ್ನು ಗದ್ದಲ ಎಂಬುದಾಗಿ ಕರೆಯಬಹುದು. ಕಿವಿಯು ಗದ್ದಲವನ್ನು ಕೇಳಿಸಿಕೊಳ್ಳುವುದರ ಪರಿಣಾಮವು ಕೇವಲ ಕಿರಿಕಿರಿಗೆ ಮಾತ್ರ ಸೀಮಿತವಾಗದೆ ಆಲಿಸುವ ಸಾಮರ್ಥ್ಯಕ್ಕೆ ಹಾನಿಯನ್ನೂ ಉಂಟು ಮಾಡಬಹುದು. ಗದ್ದಲದ ಪರಿಣಾಮವಾಗಿ ವ್ಯಕ್ತಿಯ ಕಿವಿಯ ಸಂರಚನೆಗೆ ಮಾತ್ರ ಹಾನಿಯಾಗುವುದಲ್ಲ; ಇತರ ಜೀವಾಧಾರಕ ಅಂಗಾಂಗಗಳಿಗೂ ತೊಂದರೆ ಉಂಟಾಗಬಹುದು. ಸತತವಾಗಿ ಗದ್ದಲವನ್ನು ಕೇಳಿಸಿಕೊಳ್ಳುವುದರಿಂದ ತಲೆನೋವು, ಖಿನ್ನತೆ, ಅಪಘಾತಗಳು ಉಂಟಾಗುವ ಸಾಧ್ಯತೆ ಹೆಚ್ಚಳ, ನಾಡಿಮಿಡಿತ, ಹೃದಯ ಬಡಿತದ ಗತಿ ಹೆಚ್ಚಳ ಮುಂತಾದ ಹೃದಯ ಸಂಬಂಧಿ ತೊಂದರೆಗಳು, ರಕ್ತನಾಳಗಳಿಗೆ ಸಂಬಂಧಿಸಿದ ಹೃದ್ರೋಗಗಳು ಹಾಗೂ ಅಧಿಕ ರಕ್ತದೊತ್ತಡಗಳೂ ತಲೆದೋರಬಹುದು.

ಗದ್ದಲದ ವಿವಿಧ ಮೂಲಗಳಾವುವು?
– ಮನೆ, ಆಸ್ಪತ್ರೆ, ಕಚೇರಿ ಮುಂತಾದ ಕಡೆ ವಸ್ತು, ಉಪಕರಣಗಳಿಂದ ಉಂಟಾಗುವ ಒಳಾಂಗಣ ಗದ್ದಲ.
– ಔದ್ಯಮಿಕ ಗದ್ದಲ, ಟ್ರಾಫಿಕ್‌ ಗದ್ದಲ, ಸಾಮುದಾಯಿಕ ಗದ್ದಲಗಳಂತಹ ಹೊರಾಂಗಣ ಗದ್ದಲಗಳು.

ಗದ್ದಲದ ಮಟ್ಟ ಅಧಿಕ ಎಂಬುದರ
ವಿವಿಧ ಸೂಚಕಗಳು ಯಾವುವು?
– ವಾಹನಗಳ ಅಧಿಕ ದಟ್ಟಣೆಗಿಂತ ಮಿಗಿಲಾದ ಗದ್ದಲ.
– ಕನಿಷ್ಠ 3 ಅಡಿಗಳಷ್ಟು ದೂರ ನಿಂತಿರುವವರು ಪರಸ್ಪರ ಸಂಭಾಷಿಸುವಾಗ ಧ್ವನಿಯೇರಿಸಿ ಮಾತನಾಡಬೇಕಾದ ಅನಿವಾರ್ಯತೆ.
– ಕೆಲಸದ ಪಾಳಿಯ ಬಳಿಕ ಟಿವಿ ಸದ್ದನ್ನು ಹೆಚ್ಚಿಸಬೇಕಾಗಿ ಬರುವುದು.
– ವರ್ಷಗಳ ಕಾಲ ಗದ್ದಲದಿಂದ ಕೂಡಿದ ಉದ್ಯೋಗ ಸ್ಥಳದಲ್ಲಿ ಕೆಲಸ ನಿರ್ವಹಿಸಿದ ಬಳಿಕ ಜನಸಂದಣಿಯಿರುವಲ್ಲಿ ಮಾತುಕತೆ ನಡೆಸಲು ಕಷ್ಟವಾಗುವುದು.

ಸದ್ದಿನ ಮಟ್ಟಕ್ಕೆ ಯಾವುದಾದರೂ ಮಾನದಂಡ ಇದೆಯೇ?
ವ್ಯಕ್ತಿಯು ಸದ್ದಿಗೆ ಎಷ್ಟು ಕಾಲ ಒಡ್ಡಿಕೊಳ್ಳಬಹುದು ಮತ್ತು ಸದ್ದಿನ ನಿರ್ದಿಷ್ಟ ಸ್ವೀಕಾರಾರ್ಹ ಮಟ್ಟವನ್ನು ಗುರುತಿಸಲು ಸದ್ದು ಹಾನಿಕಾರಕವಾಗುವ ಅಪಾಯದ ಮಾನದಂಡವಿದೆ. ಹಗಲು ಮತ್ತು ರಾತ್ರಿಯ ವೇಳೆಗಳಲ್ಲಿ ಸದ್ದಿನ ಪ್ರಮಾಣ ಎಷ್ಟು ಇರಬೇಕು ಎಂಬುದರ ಸೂಚಕವಾಗಿಯೂ ಮಾನದಂಡಗಳಿವೆ.

ಗದ್ದಲದ ಮಟ್ಟವನ್ನು ತಿಳಿದುಕೊಳ್ಳುವುದು ಹೇಗೆ?
ಸೌಂಡ್‌ ಲೆವೆಲ್‌ ಮೀಟರ್‌ ಅಥವಾ ಸದ್ದಿನ ಪ್ರಮಾಣ ಮಾಪಕ ಎಂದು ಕರೆಯುವ ಉಪಕರಣದ ಸಹಾಯದಿಂದ ಸದ್ದಿನ ಮಟ್ಟವನ್ನು ಅಳೆಯಬಹುದು. ಇದು ನಿರ್ದಿಷ್ಟ ಸ್ಥಳವೊಂದರಲ್ಲಿ ನಿರ್ದಿಷ್ಟ ಕಾಲದಲ್ಲಿ ಸದ್ದಿನ ಮಟ್ಟವನ್ನು ಅಳೆಯುತ್ತದೆ. ವ್ಯಕ್ತಿಯು ನಿರ್ದಿಷ್ಟ ಕಾಲದಲ್ಲಿ ಎಷ್ಟು ಪ್ರಮಾಣದ ಸದ್ದಿಗೆ ತೆರೆದುಕೊಂಡಿದ್ದಾನೆ ಎಂಬುದನ್ನು ಅಳೆಯಲು ನಾಯ್ಸ ಡೊಸಿಮೀಟರ್‌ ಉಪಯೋಗಿಸಬಹುದಾಗಿದೆ.

100% ಡೋಸ್‌ ರೇಟ್‌ ಮುಟ್ಟಲು ಅಗತ್ಯವಾದ ಸಮಯ ಒಎಸ್‌ಎಚ್‌ಎ ಪಿಇಎಲ್‌ ಎನ್‌ಐಒಎಸ್‌ಎಚ್‌ ಆರ್‌ಇಎಲ್‌ (3 ಡೆಸಿಬಲ್‌ ವಿನಿಮಯ ದರ)
8 ತಾಸುಗಳು 90 ಡೆಸಿಬಲ್‌ಗ‌ಳು 85 ಡೆಸಿಬಲ್‌ಗ‌ಳು
4 ತಾಸುಗಳು 95 ಡೆಸಿಬಲ್‌ಗ‌ಳು 88 ಡೆಸಿಬಲ್‌ಗ‌ಳು
2 ತಾಸುಗಳು 100 ಡೆಸಿಬಲ್‌ಗ‌ಳು 91 ಡೆಸಿಬಲ್‌ಗ‌ಳು
1 ತಾಸು 105 ಡೆಸಿಬಲ್‌ಗ‌ಳು 94 ಡೆಸಿಬಲ್‌ಗ‌ಳು
30 ನಿಮಿಷಗಳು 110 ಡೆಸಿಬಲ್‌ಗ‌ಳು 97 ಡೆಸಿಬಲ್‌ಗ‌ಳು
15 ನಿಮಿಷಗಳು 115 ಡೆಸಿಬಲ್‌ಗ‌ಳು 100 ಡೆಸಿಬಲ್‌ಗ‌ಳು

ಭಾರೀ ಸದ್ದಿಗೆ ತೆರೆದುಕೊಂಡಾಗ
ಆಲಿಸುವ ವ್ಯವಸ್ಥೆಗೆ ಏನಾಗುತ್ತದೆ?
ಯಾವನೇ ವ್ಯಕ್ತಿಯು ಅನುಮತಿಸಿದ ಮಟ್ಟಕ್ಕಿಂತ ಹೆಚ್ಚಿನದಾದ ಭಾರೀ ಸದ್ದನ್ನು ಆಲಿಸಿದಾಗ ಆತ ಅಥವಾ ಆಕೆ ಶ್ರವಣ ಶಕ್ತಿಗೆ ಸಂಬಂಧಿಸಿದ ಸಮಸ್ಯೆಗಳಿಗೆ ಈಡಾಗಬಹುದು. ಈ ಸಮಸ್ಯೆಗಳು ತಾತ್ಕಾಲಿಕ ಶ್ರವಣ ಶಕ್ತಿ ನಷ್ಟದಿಂದ ತೊಡಗಿ ಖಾಯಂ ಶ್ರವಣ ಶಕ್ತಿ ನಷ್ಟದ ವರೆಗೆ ಆಗಿರಬಹುದು. ವ್ಯಕ್ತಿಯು ಭಾರೀ ಸದ್ದುಗದ್ದಲಕ್ಕೆ ಅನೇಕ ವರ್ಷಗಳ ಕಾಲ ತೆರೆದುಕೊಂಡಿದ್ದಾಗ ಶ್ರವಣ ಶಕ್ತಿ ನಷ್ಟವು ಖಾಯಂ ಆಗಿಬಿಡುವ ಸಾಧ್ಯತೆಗಳೇ ಅಧಿಕ.

ಸದ್ದಿನ ಪ್ರಮಾಣ ಹೆಚ್ಚಿದ್ದಾಗ
ಏನು ಮಾಡಬೇಕು?
ಸದ್ದುಗದ್ದಲವು ಅತಿಯಾಗಿದ್ದಾಗ ನೆನಪಿಡಬೇಕಾದ ಮೂರು ಪ್ರಾಮುಖ್ಯ ನಿಯಮಗಳು ಇಲ್ಲಿವೆ:
1. ವಾಲ್ಯೂಮ್‌ ಕಡಿಮೆ ಮಾಡಿ
2. ನಿಮ್ಮ ಕಿವಿಗಳನ್ನು ರಕ್ಷಿಸಿಕೊಳ್ಳಿ, ಅಥವಾ
3. ದೂರ ಹೋಗಿ
ಸನ್ನಿವೇಶವನ್ನು ಆಧರಿಸಿ ಈ ಮೂರು ನಿಯಮಗಳಲ್ಲಿ ಯಾವುದಾದರೊಂದರ ಪ್ರಕಾರ ನಾವು ನಡೆದುಕೊಳ್ಳುವ ಮೂಲಕ ನಮ್ಮ ಕಿವಿಗಳನ್ನು ರಕ್ಷಿಸಿಕೊಳ್ಳಬಹುದು. ಉದಾಹರಣೆಗೆ, ನೀವು ಯಂತ್ರೋಪಕರಣಗಳ ಭಾರೀ ಸದ್ದು ಇರುವ ಕಾರ್ಖಾನೆಯಲ್ಲಿ ಕೆಲಸ ಮಾಡುತ್ತೀರಾದರೆ, ನಿಮ್ಮ ಕಿವಿಗಳನ್ನು ರಕ್ಷಿಸಿಕೊಳ್ಳಬಲ್ಲಂತಹ ಉಪಕರಣವನ್ನು ಧರಿಸಿಕೊಳ್ಳಬಹುದು. ಮನೆಯಲ್ಲಿ ಮಕ್ಕಳು ಮ್ಯೂಸಿಕ್‌ ಸಿಸ್ಟಂನ ವಾಲ್ಯೂಮ್‌ ಗರಿಷ್ಠ ಮಟ್ಟಕ್ಕೆ ಇರಿಸಿದ್ದು, ನೀವು ಮಾತನಾಡಿದ್ದು ಕೇಳುತ್ತಿಲ್ಲವಾದರೆ ವಾಲ್ಯೂಮ್‌ ಕಡಿಮೆ ಮಾಡಿ ಬಳಿಕ ಮಾತನಾಡುವುದು ಒಳ್ಳೆಯದು.

ಗದ್ದಲವನ್ನು ಅಳೆಯಲು
ಯಾರನ್ನು ಸಂಪರ್ಕಿಸಬೇಕು?
ಕೆಲಸದ ಸ್ಥಳಗಳಲ್ಲಿ ಸದ್ದಿನ ಪ್ರಮಾಣದ ಬಗ್ಗೆ ನಿಯಮಿತವಾಗಿ ನಿಗಾ ವಹಿಸುತ್ತಿರಬೇಕು. ಇದರಿಂದ ಅದನ್ನು ನಿಯಂತ್ರಣದಲ್ಲಿ ಇರಿಸಿಕೊಳ್ಳಲು ಅಗತ್ಯವಾದ ಕ್ರಮಗಳನ್ನು ಕೈಗೊಳ್ಳಲು ಸಾಧ್ಯ. ಸದ್ದಿನ ಮಟ್ಟವನ್ನು ಆಧರಿಸಿ ಪಾಳಿ ಬದಲಾವಣೆ/ ಪರ್ಯಾಯ ಪಾಳಿ/ ಕಿವಿ ರಕ್ಷಣ ಸಲಕರಣೆ ಧರಿಸುವಂತಹ ಕ್ರಮಗಳನ್ನು ತೆಗೆದುಕೊಳ್ಳಬಹುದು. ಸದ್ದಿನ ಮೂಲದ ಅಳತೆ ಮತ್ತು ಕೇಳುವ ಸಾಮರ್ಥ್ಯವನ್ನು ರಕ್ಷಿಸಿಕೊಳ್ಳುವ ಸಂಬಂಧ ಸಲಹೆ ಸೂಚನೆಗಳಿಗಾಗಿ ಪ್ರಮಾಣಿತ ಆಡಿಯಾಲಜಿಸ್ಟ್‌ರನ್ನು ಸಂಪರ್ಕಿಸಬೇಕು.

ಕೆಲಸದ ಸ್ಥಳ/ ಸಮುದಾಯದಲ್ಲಿ
ಸದ್ದಿನ ಪ್ರಮಾಣ ಅಳತೆ
ಮಾಡಿದರಷ್ಟೇ ಸಾಕೆ?
ಸಮುದಾಯ ಅಥವಾ ಕೆಲಸದ ಸ್ಥಳದಲ್ಲಿ ಭಾರೀ ಸದ್ದಿಗೆ ಒಡ್ಡಿಕೊಳ್ಳುವವರು ವಾರ್ಷಿಕವಾಗಿ ಆಡಿಯಾಲಜಿಸ್ಟ್‌ರನ್ನು ಸಂಪರ್ಕಿಸಿ ತಮ್ಮ ಕೇಳುವ ಸಾಮರ್ಥ್ಯವನ್ನು ತಪಾಸಿಸಿಕೊಳ್ಳಬೇಕು. ಭಾರೀ ಸದ್ದು ಇರುವ ಸಂದರ್ಭದಲ್ಲಿ ಕೇಳುವ ಸಾಮರ್ಥ್ಯವನ್ನು ರಕ್ಷಿಸಿಕೊಳ್ಳುವುದಕ್ಕಾಗಿ ರಕ್ಷಕ ಸಲಕರಣೆಯನ್ನು ಧರಿಸಿಕೊಳ್ಳಬೇಕು. ಕೇಳುವುದಕ್ಕೆ ಸಂಬಂಧಿಸಿದ ಯಾವುದೇ ಸಮಸ್ಯೆ ಉಂಟಾದರೂ ಪ್ರಾಥಮಿಕ ಹಂತದಲ್ಲಿಯೇ ಅದನ್ನು ಪತ್ತೆ ಹಚ್ಚುವುದರಿಂದ ಅದು ತೀವ್ರ ಹಾನಿಗೆ ಕಾರಣವಾಗದಂತೆ ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳುವುದು ಸಾಧ್ಯ.

ಮುಖ್ಯಾಂಶಗಳು
– ಭಾರೀ ಸದ್ದು ಗದ್ದಲವು ಕೇಳುವ ಸಾಮರ್ಥ್ಯಕ್ಕಷ್ಟೇ ಅಲ್ಲದೆ ಇತರ ಪ್ರಮುಖ ಅಂಗಾಂಗಗಳ ಹಾನಿಗೂ ಕಾರಣವಾಗಬಹುದು.
– ಸದ್ದು ಅನುಮತಿಯುಕ್ತ ಮಟ್ಟದ ಒಳಗಿರುವಂತೆ ನಾವು ಕಾಳಜಿ ವಹಿಸಿ ಕ್ರಮಗಳನ್ನು ಕೈಗೊಳ್ಳಬೇಕಾದ ಅಗತ್ಯವಿದೆ.
– ಭಾರೀ ಸದ್ದಿನಿಂದ ಕೇಳುವ ಸಾಮರ್ಥ್ಯಕ್ಕೆ ಉಂಟಾಗಬಹುದಾದ ಹಾನಿಯನ್ನು ತಪ್ಪಿಸಲು ಪ್ರಮುಖ ಮೂರು ನಿಯಮಗಳನ್ನು ಸನ್ನಿವೇಶಕ್ಕೆ ತಕ್ಕಂತೆ ಪಾಲಿಸಬೇಕು.
– ಉದ್ಯೋಗ ಸ್ಥಳದಲ್ಲಿ ಆಡಿಯಾಲಜಿಸ್ಟ್‌ ಮೂಲಕ ವಾರ್ಷಿಕವಾಗಿ ಉದ್ಯೋಗಿಗಳ ಕೇಳುವ ಸಾಮರ್ಥ್ಯದ ವಿಶ್ಲೇಷಣೆ ನಡೆಸುವುದು, ಸದ್ದಿನ ಮೂಲದ ಮಾಪನ ನಡೆಸುವುದು ಅಗತ್ಯ.

-ಭಾರ್ಗವಿ ಪಿ.ಜಿ.
ಅಸಿಸ್ಟೆಂಟ್‌ ಪ್ರೊಫೆಸರ್‌-ಸೀನಿಯರ್‌
ಸ್ಪೀಚ್‌ ಆ್ಯಂಡ್‌ ಹಿಯರಿಂಗ್‌ ವಿಭಾಗ, ಎಂಸಿಎಚ್‌ಪಿ, ಮಾಹೆ, ಮಣಿಪಾಲ.

ಟಾಪ್ ನ್ಯೂಸ್

‘ಭಾರತ ಬಿಟ್ಟು ತೊಲಗಿ ಚಳುವಳಿ’ಗೆ 80 ವರ್ಷ: ಕ್ವಿಟ್‌ ಇಂಡಿಯಾ ಸ್ಮರಿಸಿದ ಪ್ರಧಾನಿ ಮೋದಿ

‘ಭಾರತ ಬಿಟ್ಟು ತೊಲಗಿ ಚಳುವಳಿ’ಗೆ 80 ವರ್ಷ: ಕ್ವಿಟ್‌ ಇಂಡಿಯಾ ಸ್ಮರಿಸಿದ ಪ್ರಧಾನಿ ಮೋದಿ

ರಾಜ್ಯದಲ್ಲಿ ಮಳೆ ಇಳಿಮುಖ, ಆ.13ರಿಂದ ಬಿಡುವು ಸಾಧ್ಯತೆ

ರಾಜ್ಯದಲ್ಲಿ ಮಳೆ ಇಳಿಮುಖ, ಆ.13ರಿಂದ ಬಿಡುವು ಸಾಧ್ಯತೆ

20-crime

ಕ್ಷುಲ್ಲಕ ಕಾರಣಕ್ಕೆ ಯುವಕರ ನಡುವೆ ಮಾರಾಮಾರಿ: ಓರ್ವ ಗಂಭೀರ

21 ಸಾವಿರ ಮಕ್ಕಳಿಗೆ ವಸತಿ ಸೌಲಭ್ಯ: ಸಚಿವ ಕೋಟ ಶ್ರೀನಿವಾಸ ಪೂಜಾರಿ

21 ಸಾವಿರ ಮಕ್ಕಳಿಗೆ ವಸತಿ ಸೌಲಭ್ಯ: ಸಚಿವ ಕೋಟ ಶ್ರೀನಿವಾಸ ಪೂಜಾರಿ

18-sunil

ಸಿಎಂ ಬದಲಾವಣೆ ವದಂತಿ: ಊಹಾಪೋಹಗಳ ಮೇಲೆ ಕಾಂಗ್ರೆಸ್ ರಾಜಕಾರಣ; ಸಚಿವ ಸುನಿಲ್‌ ಕುಮಾರ್‌

ಮೈದಾ, ರವೆ, ಗೋಧಿ ಹಿಟ್ಟು ರಫ್ತಿಗೆ ನಿರ್ಬಂಧ: ಆ.14ರಿಂದ ಜಾರಿ ಎಂದ ಕೇಂದ್ರ ಸರ್ಕಾರ

ಮೈದಾ, ರವೆ, ಗೋಧಿ ಹಿಟ್ಟು ರಫ್ತಿಗೆ ನಿರ್ಬಂಧ: ಆ.14ರಿಂದ ಜಾರಿ ಎಂದ ಕೇಂದ್ರ ಸರ್ಕಾರ

ಹಿಂದೂಗಳನ್ನು ಅಲ್ಪಸಂಖ್ಯಾತರೆಂದು ಘೋಷಿಸುವುದು ಕೋರ್ಟ್‌ ಕೆಲಸವಲ್ಲ

ಹಿಂದೂಗಳನ್ನು ಅಲ್ಪಸಂಖ್ಯಾತರೆಂದು ಘೋಷಿಸುವುದು ಕೋರ್ಟ್‌ ಕೆಲಸವಲ್ಲ



ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

5

ರಾಷ್ಟ್ರೀಯ ಜಂತುಹುಳ ನಿವಾರಣಾ ದಿನಾಚರಣೆ

3

ಆಗಸ್ಟ್ 1-7; ಜಾಗತಿಕ ಸ್ತನ್ಯಪಾನ ಸಪ್ತಾಹ

4

ತೀವ್ರತರಹದ ಅತಿಸಾರ ಭೇದಿ ನಿಯಂತ್ರಣ ಪಾಕ್ಷಿಕ

3

ಹೊಟ್ಟೆಯ ಆರೋಗ್ಯ ಅಂದರೇನು?

2

ಮಂಕಿಪಾಕ್ಸ್‌ ಹಾವಳಿ ಆರಂಭಿಸಿರುವ ವೈರಾಣು ಕಾಯಿಲೆ

MUST WATCH

udayavani youtube

3೦ವರ್ಷದಿಂದ ಕೃಷಿಯಲ್ಲಿ ಖುಷಿ ಮತ್ತು ಪ್ರೀತಿಯನ್ನು ಕಂಡಿದ್ದೇವೆ

udayavani youtube

ಬಿಹಾರದಲ್ಲಿ ಜೆಡಿಯು – ಬಿಜೆಪಿ ಮೈತ್ರಿ ಸರ್ಕಾರ ಪತನ

udayavani youtube

ಮರೆಯಾಗುತ್ತಿದೆ ಹಿಂದೂ ಮುಸ್ಲಿಂ ಭಾವೈಕ್ಯತೆಯ ಮೊಹರಂ ಹೆಜ್ಜೆ ಕುಣಿತ

udayavani youtube

ಪ್ರವಾಹದ ನೀರಿನಲ್ಲಿ ಕಾರು ಚಲಾಯಿಸಿ ಸಿಲುಕಿಕೊಂಡ ಯುವಕರು… ಕೊನೆಗೂ ಪಾರಾದರು

udayavani youtube

ಸೌಹಾರ್ದತೆಗೆ ಸಾಕ್ಷಿಯಾದ ನಾಲತವಾಡ : ಹಿಂದೂ ಮುಸ್ಲಿಂ ಸೇರಿ ಮೊಹರಂ ಆಚರಣೆ

ಹೊಸ ಸೇರ್ಪಡೆ

‘ಭಾರತ ಬಿಟ್ಟು ತೊಲಗಿ ಚಳುವಳಿ’ಗೆ 80 ವರ್ಷ: ಕ್ವಿಟ್‌ ಇಂಡಿಯಾ ಸ್ಮರಿಸಿದ ಪ್ರಧಾನಿ ಮೋದಿ

‘ಭಾರತ ಬಿಟ್ಟು ತೊಲಗಿ ಚಳುವಳಿ’ಗೆ 80 ವರ್ಷ: ಕ್ವಿಟ್‌ ಇಂಡಿಯಾ ಸ್ಮರಿಸಿದ ಪ್ರಧಾನಿ ಮೋದಿ

ರಾಜ್ಯದಲ್ಲಿ ಮಳೆ ಇಳಿಮುಖ, ಆ.13ರಿಂದ ಬಿಡುವು ಸಾಧ್ಯತೆ

ರಾಜ್ಯದಲ್ಲಿ ಮಳೆ ಇಳಿಮುಖ, ಆ.13ರಿಂದ ಬಿಡುವು ಸಾಧ್ಯತೆ

20-crime

ಕ್ಷುಲ್ಲಕ ಕಾರಣಕ್ಕೆ ಯುವಕರ ನಡುವೆ ಮಾರಾಮಾರಿ: ಓರ್ವ ಗಂಭೀರ

19-band

ಮಡಿಕೇರಿ – ಮಂಗಳೂರು ಹೆದ್ದಾರಿಯಲ್ಲಿ ಇಂದು ರಾತ್ರಿ ವಾಹನ  ಸಂಚಾರ ಬಂದ್

21 ಸಾವಿರ ಮಕ್ಕಳಿಗೆ ವಸತಿ ಸೌಲಭ್ಯ: ಸಚಿವ ಕೋಟ ಶ್ರೀನಿವಾಸ ಪೂಜಾರಿ

21 ಸಾವಿರ ಮಕ್ಕಳಿಗೆ ವಸತಿ ಸೌಲಭ್ಯ: ಸಚಿವ ಕೋಟ ಶ್ರೀನಿವಾಸ ಪೂಜಾರಿ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.