ಹಾಕಿ ಕೋಚ್ ಹುದ್ದೆಗೆ ವಿದೇಶಿಯರ ರೇಸ್
ಭಾರತೀಯರು ಯಾರಿದ್ದಾರೆ ಹೇಳಿ: ಹಾಕಿ ಇಂಡಿಯಾ ಪ್ರಶ್ನೆ
Team Udayavani, Feb 4, 2023, 8:00 AM IST
ಹೊಸದಿಲ್ಲಿ: ಭಾರತೀಯ ಹಾಕಿ ತಂಡದ ಕೋಚ್ ಹುದ್ದೆಗೆ ವಿದೇಶಿಯರ ರೇಸ್ ಮೊದಲ್ಗೊಂಡಿದೆ. ಆರ್ಜೆಂಟೀನಾದ ಮ್ಯಾಕ್ಸ್ ಕಾಲ್ಡಾಸ್, ನೆದರ್ಲೆಂಡ್ಸ್ನ ಸೀಗ್ಫ್ರೀಡ್ ಐಕ್ಮ್ಯಾನ್ ಸ್ಪರ್ಧೆಯ ಮುಂಚೂಣಿಯಲ್ಲಿದ್ದಾರೆ.
ತವರಲ್ಲೇ ನಡೆದ ವಿಶ್ವಕಪ್ ಹಾಕಿ ಪಂದ್ಯಾವಳಿಯಲ್ಲಿ ಘೋರ ವೈಫಲ್ಯ ಅನುಭವಿಸಿದ ಬಳಿಕ ಗ್ರಹಾಂ ರೀಡ್ ಭಾರತೀಯ ಹಾಕಿ ಕೋಚ್ ಹುದ್ದೆಗೆ ರಾಜೀನಾಮೆ ಸಲ್ಲಿಸಿದ್ದರು.
ಕ್ವಾರ್ಟರ್ ಫೈನಲ್ ಕೂಡ ಕಾಣದ ಆತಿಥೇಯ ಭಾರತ 9ನೇ ಸ್ಥಾನಕ್ಕೆ ಕುಸಿದಿತ್ತು.
“ಟೋಕಿಯೊ ಒಲಿಂಪಿಕ್ಸ್ ನಲ್ಲಿ ಕಂಚಿನ ಪದಕ ಗೆದ್ದ ಬಳಿಕ ಭಾರತೀಯ ಹಾಕಿ ಪ್ರಗತಿಯ ಪಥ ಹಿಡಿಯಿತು ಎಂದೇ ಭಾವಿಸಲಾಗಿತ್ತು. ಆದರೆ ಈ ನಿರೀಕ್ಷೆ ಹುಸಿಯಾಯಿತು. ಒಲಿಂಪಿಕ್ಸ್ ಪದಕ ಗೆಲುವಿನಲ್ಲಿ ಗ್ರಹಾಂ ರೀಡ್ ಪಾತ್ರ ಅತ್ಯುತ್ತಮ ಮಟ್ಟದಲ್ಲಿತ್ತು. ಅನಂತರ ಆತಂಕಕಾರಿ ರೀತಿಯಲ್ಲಿ ಕುಸಿಯಿತು’ ಎಂದು ಹೆಸರು ಹೇಳಬಯಸದ ಹಾಕಿ ಇಂಡಿಯಾದ ಅಧಿಕಾರಿಯೊಬ್ಬರು ಪಿಟಿಐ ಜತೆ ಪ್ರತಿಕ್ರಿಯಿಸಿದರು.
“ನಾವು 2-3 ವಿದೇಶಿ ತರಬೇತು ದಾರರೊಂದಿಗೆ ಮಾತುಕತೆ ನಡೆಸಿದ್ದೇವೆ. ಭಾರತ ತಂಡವನ್ನು ಮುಂದಿನ ಹಂತಕ್ಕೆ ಕೊಂಡೊಯ್ಯಲು ಯಾರು ಸಮರ್ಥರು ಎಂಬುದನ್ನು ಇನ್ನಷ್ಟೇ ತೀರ್ಮಾನಿಸಬೇಕು. ಕಾಲ್ಡಾಸ್, ಐಕ್ಮ್ಯಾನ್ ಸೇರಿದಂತೆ ಇನ್ನೂ ಕೆಲವು ವಿದೇಶಿ ತರಬೇತುದಾರರ ಹೆಸರನ್ನು ಪರಿಶೀಲಿಸಲಾಗುತ್ತಿದೆ’ ಎಂದು ಅವರು ಹೇಳಿದರು.
ಭಾರತೀಯರು ಏಕಿಲ್ಲ?
“ಹಾಗಾದರೆ ಕೋಚ್ ಹುದ್ದೆಗೆ ಯಾವುದೇ ಭಾರತೀಯರ ಹೆಸ ರನ್ನು ಪರಿಗಣಿಸಿಲ್ಲವೇ?’ ಎಂಬ ಪ್ರಶ್ನೆಗೆ ಪ್ರತಿಕ್ರಿಯಿಸಿದ ಅವರು, “ಭಾರತ ದಲ್ಲಿರುವ ಅತ್ಯುತ್ತಮ ಕೋಚ್ ಯಾರೆಂಬುದನ್ನು ದಯವಿಟ್ಟು ನೀವು ತಿಳಿಸುವಿರಾ?’ ಎಂದು ಪ್ರಶ್ನೆ ಎಸೆದರು.
“ಈ ವರ್ಷ ಏಷ್ಯನ್ ಗೇಮ್ಸ್ ಇದೆ. ಮುಂದಿನ ವರ್ಷ ಪ್ಯಾರಿಸ್ ಒಲಿಂಪಿಕ್ಸ್ ನಡೆಯಲಿದೆ. ಈ ಎರಡೂ ಕೂಟಗಳಲ್ಲಿ ಭಾರತ ಶ್ರೇಷ್ಠ ಮಟ್ಟದ ಪ್ರದರ್ಶನ ನೀಡಲೇಬೇಕು. ಅಂಥ ಸಾಮರ್ಥ್ಯವುಳ್ಳ ಕೋಚ್ ನಮ್ಮ ಆಯ್ಕೆ’ ಎಂದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
T20 WC; ‘ಎಲ್ಲವೂ ಸುಳ್ಳು…’: ತಂಡದ ಆಯ್ಕೆ ಬಗ್ಗೆ ಮಹತ್ವದ ಅಪ್ಡೇಟ್ ನೀಡಿದ ರೋಹಿತ್ ಶರ್ಮಾ
CSK; ಐಪಿಎಲ್ ನಿಂದ ಹೊರಬಿದ್ದ ಕಾನ್ವೆ; ಚೆನ್ನೈ ಪಾಳಯಕ್ಕೆ ಇಂಗ್ಲೆಂಡ್ ವೇಗಿ ಸೇರ್ಪಡೆ
IPL 2024; ಧೋನಿ ಐಪಿಎಲ್ ಭವಿಷ್ಯದ ಬಗ್ಗೆ ಮಹತ್ವದ ಹೇಳಿಕೆ ನೀಡಿದ ಸುರೇಶ್ ರೈನಾ
T20 World Cup; ರೋಹಿತ್, ವಿರಾಟ್ ಆರಂಭಿಕರು? ಅಚ್ಚರಿಯ ಮುಖಗಳಿಲ್ಲ?
IPL; ಪಂಜಾಬ್ ಕಿಂಗ್ಸ್-ಮುಂಬೈ ಇಂಡಿಯನ್ಸ್ : ಒಂದೇ ದೋಣಿಯ ಪಯಣಿಗರು