ಪಿಯು ಉಪನ್ಯಾಸಕರಿಗೆ ಕಡಿಮೆ ವೇತನ

ಪಿಯು ಉಪನ್ಯಾಸಕರ ಸಮಸ್ಯೆ ಮರೆತ ಸರ್ಕಾರ ; ವಾರದಲ್ಲಿ 16 ತರಗತಿ ಬೋಧಿಸಬೇಕಾದ ಅತಿಥಿ ಉಪನ್ಯಾಸಕರು

Team Udayavani, Jun 21, 2022, 6:15 PM IST

20

ಕೊಪ್ಪಳ: ರಾಜ್ಯದಲ್ಲಿ ಸರ್ಕಾರಿ ಪದವಿ ಪೂರ್ವ ಕಾಲೇಜುಗಳ ಅತಿಥಿ ಉಪನ್ಯಾಸಕರಿಗೆ ಸರ್ಕಾರಿ ಪ್ರಾಥಮಿಕ ಹಾಗೂ ಪ್ರೌಢಶಾಲೆಗಳ ಅತಿಥಿ ಉಪನ್ಯಾಸಕರಿಗಿಂತಲೂ ಕಡಿಮೆ ವೇತನ ಇರುವುದು ನಿಜಕ್ಕೂ ನೋವಿನ ಸಂಗತಿ. ಕಳೆದ 8 ವರ್ಷಗಳಿಂದಲೂ ವೇತನ ಪರಿಷ್ಕರಣೆಯಿಲ್ಲದೇ ಇವರ ಗೋಳು ಹೇಳತೀರದಾಗಿದೆ.

ಹೌದು.. ಪ್ರಸ್ತುತ ಅಗತ್ಯ ವಸ್ತುಗಳ ಬೆಲೆ ಗಗನಕ್ಕೇರಿದೆ. ಇಂತಹ ಪರಿಸ್ಥಿತಿಯಲ್ಲೂ ಪಪೂ ಅತಿಥಿ ಉಪನ್ಯಾಸಕರು ಮಾಸಿಕ ಕೇವಲ 9 ಸಾವಿರ ರೂ. ವೇತನದಲ್ಲಿ ಜೀವನ ನಿರ್ವಹಿಸುವಂತಾಗಿದೆ. ವಾರದಲ್ಲಿ 16 ತರಗತಿ ನಿರ್ವಹಿಸುವ ಜೊತೆಗೆ ಕಾಲೇಜಿನ ಕಾರ್ಯ ಚಟುವಟಿಕೆಯಲ್ಲೂ ತೊಡಗಬೇಕಿದೆ.

ಈ ಹಿಂದೆ ಪದವಿ ಕಾಲೇಜಿನಲ್ಲಿ ಅತಿಥಿ ಉಪನ್ಯಾಸಕರಾಗಿ ಸೇವೆ ಸಲ್ಲಿಸಿದ ಸಾವಿರಾರು ಜನರು ವೇತನ ಹೆಚ್ಚಿಸುವಂತೆ ಹಾಗೂ ಸೇವೆ ಕಾಯಂಗೊಳಿಸುವಂತೆ ನಿರಂತರ ಒತ್ತಾಯ ಮಾಡಿ ಸರ್ಕಾರದ ಗಮನ ಸೆಳೆದಿದ್ದರು. ತಿಂಗಳುಗಟ್ಟಲೇ ತರಗತಿ ಬಹಿಷ್ಕಾರ ಮಾಡಿ ವೇತನ ಹೆಚ್ಚಳಕ್ಕೆ ಪಟ್ಟು ಹಿಡಿದಿದ್ದರು.

ಪ್ರತಿಭಟನೆಯ ಬಿಸಿ ಅರಿತ ಉನ್ನತ ಶಿಕ್ಷಣ ಇಲಾಖೆಯು ಈ ಮೊದಲು ಅವರಿಗೆ ಕೊಡುತ್ತಿದ್ದ ಮಾಸಿಕ 13 ಸಾವಿರ ರೂ. ಇದ್ದ ವೇತನವನ್ನು ಪರಿಷ್ಕರಿಸಿ ನೆಟ್‌, ಪಿಎಚ್‌ಡಿ ಪೂರ್ಣಗೊಳಿಸದವರಿಗೆ 26 ಸಾವಿರ ರೂ. ಈ ಎರಡನ್ನೂ ಪೂರ್ಣಗೊಳಿಸಿದವರಿಗೆ 32 ಸಾವಿರ ರೂ. ನಿಗದಿಪಡಿಸಿ ವಾರದಲ್ಲಿ 15 ತರಗತಿ ಬೋಧನೆ ಮಾಡಲು ಸೂಚಿಸಿತ್ತು.

ಇನ್ನು ಈಚೆಗೆ ಸರ್ಕಾರಿ ಪ್ರಾಥಮಿಕ ಹಾಗೂ ಪ್ರೌಢಶಾಲೆಗಳಲ್ಲಿ ಅತಿಥಿ ಶಿಕ್ಷಕರಾಗಿ ಸೇವೆ ಸಲ್ಲಿಸುವವರಿಗೆ ವೇತನ ಪರಿಷ್ಕರಣೆ ಮಾಡಿದೆ. ಕಿರಿಯ ಪ್ರಾಥಮಿಕ ಶಾಲೆಯಲ್ಲಿ ಬೋಧಿಸುವ ಅತಿಥಿ ಶಿಕ್ಷಕರಿಗೆ 10 ಸಾವಿರ ರೂ., ಪ್ರೌಢಶಾಲೆಯಲ್ಲಿ ಬೋ ಧಿಸುವ ಶಿಕ್ಷಕರಿಗೆ 10,500 ರೂ. ನಿಗದಿ ಮಾಡಿದೆ. 2500 ರೂ. ವೇತನ ಪರಿಷ್ಕರಣೆ ಮಾಡಿದೆ.

ಗೋಳು ಕೇಳ್ಳೋರಿಲ್ಲ: ಕಳೆದ 8 ವರ್ಷಗಳಿಂದ ಅತಿಥಿ ಉಪನ್ಯಾಸಕರ ಗೋಳು ಕೇಳೋರು ಇಲ್ಲದಂತಾಗಿದೆ. ವಾರಕ್ಕೆ 16 ತರಗತಿ ಬೋ ಧಿಸಬೇಕು. ಮಾಸಿಕ 9 ಸಾವಿರ ರೂ. ವೇತನ ಪಡೆಯಬೇಕಿದೆ. ಇಷ್ಟು ವೇತನದಲ್ಲಿ ಜೀವನ ನಿರ್ವಹಣೆ ತುಂಬ ಕಷ್ಟವಾಗುತ್ತಿದೆ ಎಂದು ಗೋಳಾಡುತ್ತಿದ್ದಾರೆ. ಪ್ರಾಥಮಿಕ ಹಾಗೂ ಪ್ರೌಢಶಾಲೆಗಳ ಅತಿಥಿ ಶಿಕ್ಷಕರ ವೇತನಕ್ಕಿಂತ ನಮ್ಮ ವೇತನ ಅತ್ಯಂತ ಕಡಿಮೆಯಿದೆ. ಸರ್ಕಾರ ಪದವಿ, ಪ್ರಾಥಮಿಕ, ಪ್ರೌಢಶಾಲೆಗಳ ಅತಿಥಿ ಶಿಕ್ಷಕರ ಮಧ್ಯೆ ನಮ್ಮನ್ನು ಮರೆತಿದೆ. ರಾಜ್ಯದಲ್ಲಿ 3200 ಜನ ಪಿಯು ಅತಿಥಿ ಉಪನ್ಯಾಸಕರಿದ್ದು, ನಮ್ಮ ಕಷ್ಟ ಹೇಳತೀರದಾಗಿದೆ ಎಂದು ವೇದನೆ ವ್ಯಕ್ತಪಡಿಸುತ್ತಿದ್ದಾರೆ.

ಪಿಯು ಕಾಲೇಜುಗಳಲ್ಲಿ ವಾರಕ್ಕೆ 16 ಅವಧಿಯ ತರಗತಿ ಬೋಧನೆ ಮಾಡುವ ಜೊತೆಗೆ ಇತರೆ ಕಾಲೇಜಿನ ಕಾರ್ಯಚಟುವಟಿಕೆಯಲ್ಲಿ ತೊಡಗಿಕೊಳ್ಳಬೇಕಿದೆ. ಅಂದರೆ ಇಡೀ ದಿನ ಕಾಲೇಜಿನ ವಿವಿಧ ಚಟುವಟಿಕೆಯಲ್ಲೇ ಕಾಲ ಕಳೆಯಬೇಕಿದೆ. ಬೇರೆ ಕೆಲಸವನ್ನೂ ಮಾಡುವುದು ಕಷ್ಟವಾಗಲಿದೆ. ಹಾಗಾಗಿ ಇರುವ ಒಂದೇ ಕೆಲಸ ನಂಬಿ ವಿದ್ಯಾರ್ಥಿಗಳಿಗೆ ಪಠ್ಯ ವಿಷಯಕ್ಕೆ ಯಾವುದೇ ಸಮಸ್ಯೆಯಾಗದಂತೆ ನೋಡಿಕೊಳ್ಳುವ ಜವಾಬ್ದಾರಿಯೂ ಪಿಯು ಅತಿಥಿ ಉಪನ್ಯಾಸಕರ ಮೇಲಿದೆ. ಸರ್ಕಾರ ಇನ್ನಾದರೂ ಅವರ ಗೋಳಾಟ ಅರಿತು ವೇತನ ಪರಿಷ್ಕರಣೆ ಮಾಡಬೇಕಿದೆ.

ಹಲವು ವರ್ಷಗಳಿಂದ ನಾವು ಪಿಯು ಕಾಲೇಜಿನಲ್ಲಿ ಅತಿಥಿ ಉಪನ್ಯಾಸಕರಾಗಿ ಸೇವೆ ಸಲ್ಲಿಸುತ್ತಿದ್ದೇವೆ. ಸರ್ಕಾರ ನಮ್ಮ ವೇತನವನ್ನು ಪರಿಷ್ಕರಣೆ ಮಾಡುತ್ತಲೇ ಇಲ್ಲ. ನಾವು ಹಲವು ಬಾರಿ ಅಧಿಕಾರಿಗಳ ಮೂಲಕ ಮನವಿ ಸಲ್ಲಿಸಿ ಸರ್ಕಾರದ ಗಮನ ಸೆಳೆದಿದ್ದೇವೆ. ನಮಗೆ ಪ್ರಸ್ತುತ ಪ್ರಾಥಮಿಕ ಶಾಲೆ ಅತಿಥಿ ಶಿಕ್ಷಕರ ವೇತನಕ್ಕಿಂತಲೂ ಕಡಿಮೆ ಇದೆ. ಕನಿಷ್ಟ ನಮ್ಮ ವೇತನವನ್ನು 15-20 ಸಾವಿರ ರೂ. ಹೆಚ್ಚಿಸಲಿ. –ಪುಂಡಲೀಕರಡ್ಡಿ ಬಿಸರಳ್ಳಿ, ಉಪಾಧ್ಯಕ್ಷರು, ಪಿಯು ಅತಿಥಿ ಉಪನ್ಯಾಸಕರ ಸಂಘ, ಕೊಪ್ಪಳ  

-ದತ್ತು ಕಮ್ಮಾರ

ಟಾಪ್ ನ್ಯೂಸ್

ಭೀಕರ ಅಪಘಾತ: ಸರ್ಕಾರಿ ಬಸ್ ಗೆ ಶಾಲಾ ಪ್ರವಾಸದ ಬಸ್ ಢಿಕ್ಕಿ; 9 ಮಂದಿ ಸಾವು!

ಭೀಕರ ಅಪಘಾತ: ಸರ್ಕಾರಿ ಬಸ್ ಗೆ ಶಾಲಾ ಪ್ರವಾಸದ ಬಸ್ ಢಿಕ್ಕಿ; 9 ಮಂದಿ ಸಾವು!

politics siddaramayya

ಸದ್ಯದಲ್ಲೇ ‘ಬಸ್ ಯಾತ್ರೆ’ಗೆ ದಿನಾಂಕ ನಿಗದಿ: ಮಂಡ್ಯದಲ್ಲಿ ಸಿದ್ದರಾಮಯ್ಯ ಘೋಷಣೆ

shiralikoppa

ಶಿರಾಳಕೊಪ್ಪದಲ್ಲಿ ಭೂಕಂಪನದ ಅನುಭವ; ವೈರಲ್ ಆಯ್ತು ಸ್ಕ್ರೀನ್ ಶಾಟ್

ಭಾರತ್ ಜೋಡೋ ಯಾತ್ರೆ ಮತ್ತೆ ಆರಂಭ: ರಾಹುಲ್ ಗೆ ಸಾಥ್ ನೀಡಿದ ಸೋನಿಯಾ

ಭಾರತ್ ಜೋಡೋ ಯಾತ್ರೆ ಮತ್ತೆ ಆರಂಭ: ರಾಹುಲ್ ಗೆ ಸಾಥ್ ನೀಡಿದ ಸೋನಿಯಾ

48 ಕೋಟಿ ರೂ.ಗೆ ಅಪಾರ್ಟ್‌ಮೆಂಟ್‌ ಖರೀದಿಸಿದ ಬಾಲಿವುಡ್‌ ನಟಿ ಮಾಧುರಿ ದೀಕ್ಷಿತ್‌

48 ಕೋಟಿ ರೂ.ಗೆ ಅಪಾರ್ಟ್‌ಮೆಂಟ್‌ ಖರೀದಿಸಿದ ಬಾಲಿವುಡ್‌ ನಟಿ ಮಾಧುರಿ ದೀಕ್ಷಿತ್‌

thumb news 5 g lava

ದೀಪಾವಳಿಗೆ ಬರಲಿದೆ ಲಾವಾ ಬ್ಲೇಜ್‌ 5ಜಿ ; ಎರಡು ಬಣ್ಣಗಳ ಆಯ್ಕೆಯಿರುವ ಫೋನ್‌

thumb cricket t20

ಭಾರತದ ಮೀಸಲು ಪಡೆಗೆ ಹರಿಣಗಳ ಸವಾಲು; ಇಂದಿನಿಂದ ಏಕದಿನ ಸರಣಿ



ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

1-sfdfdsff

ಕುಷ್ಟಗಿ: ಜೆಸಿಬಿ ಬಕೆಟ್ ತಾಗಿ ಬೈಕ್ ಸವಾರ ದುರ್ಮರಣ

ಕೊಪ್ಪಳ: ಮನೆಯ ಗೋಡೆ ಕುಸಿದು ವೃದ್ದೆ ಸಾವು!

ಕೊಪ್ಪಳ: ಮನೆಯ ಗೋಡೆ ಕುಸಿದು ವೃದ್ದೆ ಸಾವು

ಹೇಮಗುಡ್ಡ ದಸರಾ : ವೈಭವದ ಆನೆ ಮೇಲೆ ಅಂಬಾರಿ ದುರ್ಗಾಪರಮೇಶ್ವರಿ ಮೆರವಣಿಗೆ

ಹೇಮಗುಡ್ಡ ದಸರಾ: ಆನೆ ಮೇಲೆ ಅಂಬಾರಿ ದುರ್ಗಾಪರಮೇಶ್ವರಿ ಮೆರವಣಿಗೆ, ರಂಗು ಹೆಚ್ಚಿಸಿದ ಕಲಾ ತಂಡ

15

ಆನೆಗೊಂದಿ-ಹೇಮಗುಡ್ಡದಲ್ಲಿ ದಸರಾ ವೈಭವ

5

ಕುಷ್ಟಗಿ: ಅನೈತಿಕ ಸಂಬಂಧ; ಮೂವರ ವಿರುದ್ದ ಪ್ರಕರಣ ದಾಖಲು

MUST WATCH

udayavani youtube

ಉಚ್ಚಿಲ‌ ದಸರಾ‌ 2022 : ಶೋಭಾಯಾತ್ರೆ ಗೆ ಅಂತಿಮ ಹಂತದ ಸಿದ್ಧತೆ

udayavani youtube

ಭಾರತ್ ಜೋಡೋ : ಮಳೆಯಲ್ಲಿ ನೆನೆಯುತ್ತಾ ಭಾಷಣ ಮಾಡಿದ ರಾಹುಲ್

udayavani youtube

ದಿನ8 | ಮಹಾಗೌರಿ |ಮಹಾಗೌರಿಯ ಆರಾಧನೆಯನ್ನು ಯಾಕಾಗಿ ಮಾಡಬೇಕು ??

udayavani youtube

ಅಶಕ್ತರ ನೆರವಿಗಾಗಿ ಪ್ರೇತವಾದ ದೇವದಾಸ್..! ಇವರ ಕಾರ್ಯಕ್ಕೊಂದು ಮೆಚ್ಚುಗೆ ಇರಲಿ

udayavani youtube

ದಿನ7 | ಕಾಳರಾತ್ರಿ ದೇವಿ

ಹೊಸ ಸೇರ್ಪಡೆ

ಅರವಿಂದ ಬೆಲ್ಲದ್ ಚಿಕ್ಕಪ್ಪ, ಉದ್ಯಮಿ ಶಿವಣ್ಣ ಬೆಲ್ಲದ ನಿಧನ

ಅರವಿಂದ ಬೆಲ್ಲದ್ ಚಿಕ್ಕಪ್ಪ, ಉದ್ಯಮಿ ಶಿವಣ್ಣ ಬೆಲ್ಲದ ನಿಧನ

5

ಕಾರ್ತಿಕ ಮಾಸದಲ್ಲಿ ಅಲ್ಲೋಲ-ಕಲ್ಲೋಲ: ಕೋಡಿಮಠದ ಶ್ರೀ ಭವಿಷ್ಯ

ಭೀಕರ ಅಪಘಾತ: ಸರ್ಕಾರಿ ಬಸ್ ಗೆ ಶಾಲಾ ಪ್ರವಾಸದ ಬಸ್ ಢಿಕ್ಕಿ; 9 ಮಂದಿ ಸಾವು!

ಭೀಕರ ಅಪಘಾತ: ಸರ್ಕಾರಿ ಬಸ್ ಗೆ ಶಾಲಾ ಪ್ರವಾಸದ ಬಸ್ ಢಿಕ್ಕಿ; 9 ಮಂದಿ ಸಾವು!

4

ಮತ್ತೆ ಚುನಾವಣೆ ಅಸ್ತ್ರವಾದ ಮೇಸ್ತ

politics siddaramayya

ಸದ್ಯದಲ್ಲೇ ‘ಬಸ್ ಯಾತ್ರೆ’ಗೆ ದಿನಾಂಕ ನಿಗದಿ: ಮಂಡ್ಯದಲ್ಲಿ ಸಿದ್ದರಾಮಯ್ಯ ಘೋಷಣೆ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.