ಕೋವಿಡ್ ಗೆದ್ದ 113ರ ಅಜ್ಜಿ
Team Udayavani, May 14, 2020, 2:02 PM IST
ಮ್ಯಾಡ್ರಿಡ್ : ಸ್ಪೈನ್ನ ಅತಿ ಹಿರಿಯ ವ್ಯಕ್ತಿ ಎಂದು ಪರಿಗಣಿತರಾಗಿರುವ 113 ವರ್ಷ ಪ್ರಾಯದ ಅಜ್ಜಿಯೊಬ್ಬರು ಕೋವಿಡ್ ವಿರುದ್ಧದ ಹೋರಾಟದಲ್ಲಿ ಬದುಕುಳಿದು ಎಲ್ಲರನ್ನು ಅಚ್ಚರಿಯಲ್ಲಿ ಕೆಡವಿದ್ದಾರೆ.
ವೃದ್ಧಾಶ್ರಮವೊಂದರಲ್ಲಿ ವಾಸವಾಗಿರುವ ಅಜ್ಜಿ ಈಗ ಸರ್ವತ್ರ ಅಭಿನಂದನೆಗೆ ಪಾತ್ರರಾಗಿದ್ದಾರೆ. ವಿಶೇಷವೆಂದರೆ ಇದೇ ವೃದ್ಧಾಶ್ರಮದಲ್ಲಿ ಹಲವು ಮಂದಿ ಕೋವಿಡ್ ಗೆ ಬಲಿಯಾಗಿದ್ದಾರೆ. ಎಲ್ಲರಿಗಿಂತ ಹಿರಿಯ ಮಹಿಳೆ ಮಾತ್ರ ಪವಾಡವೆಂಬಂತೆ ಬದುಕುಳಿದಿದ್ದಾರೆ.
20 ವರ್ಷಗಳಿಂದ ಸಂತ ಮರಿಯ ಡೆಟ್ ಟುರಾ ವೃದ್ಧಾಶ್ರಮದಲ್ಲಿರುವ ಅಮೆರಿಕ ಸಂಜಾತೆಯಾಗಿರುವ ಮರಿಯಾ ಬ್ರನ್ಯಾಸ್ಗೆ ಎಪ್ರಿಲ್ನಲ್ಲಿ ಕೋವಿಡ್ ಸೋಂಕು ತಗಲಿತ್ತು. ಅನಂತರ ಎಲ್ಲರಿಗೆ ನೀಡಿದ ಚಿಕಿತ್ಸೆಯನ್ನೇ ಅವರಿಗೆ ನೀಡಲಾಗಿದೆ.
ಮರಿಯಾ ಬ್ರನ್ಯಾಸ್ ಅವರಲ್ಲಿ ಕೋವಿಡ್ ಲಘು ಲಕ್ಷಣಗಳು ಕಾಣಿಸಿಕೊಂಡ ಕೂಡಲೇ ಕ್ವಾರಂಟೈನ್ಗೆ ಒಳಪಡಿಸಲಾಯಿತು. 25ದಿನಗಳ ಕ್ವಾರಂಟೈನ್ ಬಳಿಕ ಅವರ ವರದಿ ನೆಗೆಟಿವ್ ಬಂದಿರುವುದು ನಮಗೆಲ್ಲ ನೆಮ್ಮದಿ ನೀಡಿದೆ ಎಂದಿದ್ದಾರೆ ವೃದ್ಧಾಶ್ರಮದ ವಕ್ತಾರೆ. ಕೋವಿಡ್ ಮರಣ ಕುಣಿಕೆಯಿಂದ ಪಾರಾಗಿರುವ ಮರಿಯಾ ಬ್ರನ್ಯಾಸ್ ಈಗ ಸ್ಪೈನ್ನಲ್ಲಿ ಸೆಲೆಬ್ರಿಟಿಯಾಗಿ ಬದಲಾಗಿದ್ದಾರೆ. ಹಲವು ಟಿವಿ ವಾಹಿನಿಗಳು ಅವರನ್ನು ಕೋವಿಡ್ ವಿರುದ್ಧದ ಹೋರಾಟದಲ್ಲಿ ಆತ್ಮವಿಶ್ವಾಸ ತುಂಬಲು ಮೋಡೆಲ್ ರೀತಿ ಬಳಸಿಕೊಂಡಿವೆ. ಇಳಿ ಹರೆಯವಾಗಿದ್ದರೂ ಮರಿಯಾ ಕ್ವಾರಂಟೈನ್ ನಿಯಮಗಳನ್ನು ಕಟ್ಟುನಿಟ್ಟಾಗಿ ಪಾಲಿಸಿದ್ದಾರೆ. ಸುರಕ್ಷಾ ಉಡುಗೆಯನ್ನು ಧರಿಸಿರುವ ಓರ್ವ ಸಿಬಂದಿಯನ್ನು ಮಾತ್ರ ಅವರ ಪಾಲನೆಗಾಗಿ ನಿಯೋಜಿಸಲಾಗಿತ್ತು. ಆದರೂ ಅಜ್ಜಿ ಯಾವುದೇ ತಕಾರರು ಮಾಡದೆ ಪರಿಸ್ಥಿತಿಗೆ ಹೊಂದಿಕೊಂಡಿದ್ದರು. ಎರಡನೇ ವಿಶ್ವಯುದ್ಧ ಸಂದರ್ಭದಲ್ಲಿ ದೋಣಿಯಲ್ಲಿ ಸ್ಪೈನ್ಗೆ ವಲಸೆ ಬಂದಿರುವ ಮರಿಯಾ 1919ರಲ್ಲಿ ಸ್ಪೈನ್ನಲ್ಲಿ ತಾಂಡವವಾಡಿದ್ದ ಫ್ಲೂ ಸಾಂಕ್ರಾಮಿಕ ರೋಗದ ಸಂದರ್ಭದಲ್ಲೂ ಬದುಕುಳಿದಿದ್ದರು. 1936ರಿಂದ 39ರ ತನಕ ನಡೆದ ದಂಗೆಯನ್ನೂ ಅವರು ನೋಡಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Jamie Dimon: ಮೋದಿ ಆರ್ಥಿಕ ನೀತಿ ಅದ್ಭುತ, ಅಮೆರಿಕದಲ್ಲೂ ಜಾರಿ ಮಾಡಿ: ಜೇಮಿ
Sunita Williams: ಮೇ 6ರಂದು 3ನೇ ಬಾರಿಗೆ ಸುನಿತಾ ವಿಲಿಯಮ್ಸ್ ಗಗನ ಯಾತ್ರೆ
Thailandನಲ್ಲಿ ಗುಜರಿ ಮಾಫಿಯಾದ ಕಿಂಗ್ ಪಿನ್ ರವಿ ಕಾನಾ, ಪ್ರಿಯತಮೆ ಕಾಜಲ್ ಜಾ ಬಂಧನ
ತಂಗಿಯ ಸಮಾಧಿ ಸ್ಥಳಕ್ಕೆ ಭೇಟಿ ನೀಡುವುದನ್ನು ವ್ಲಾಗ್ ವಿಡಿಯೋ ಮಾಡಿದ ಯೂಟ್ಯೂಬರ್: ಆಕ್ರೋಶ
Kyrgyzstan; ಹೆಪ್ಪುಗಟ್ಟಿದ ಜಲಪಾತದಲ್ಲಿ ಸಿಲುಕಿ ಆಂಧ್ರದ ವಿದ್ಯಾರ್ಥಿ ಸಾವು
MUST WATCH
ಹೊಸ ಸೇರ್ಪಡೆ
Jayaprakash Hegde “ಉತ್ತಮ ಕೆಲಸ ಮಾಡಿಸಿಕೊಳ್ಳಬೇಕಾದ ಅವಶ್ಯಕತೆ ಮತದಾರರಿಗಿದೆ’
Kundapura “ಪ್ರವಾಸೋದ್ಯಮ ಅಭಿವೃದ್ಧಿಗಾಗಿ ಗೆಲ್ಲಿಸಿ’: ಜಯಪ್ರಕಾಶ್ ಹೆಗ್ಡೆ
Malpe ಮೀನುಗಾರಿಕೆ ಅಭಿವೃದ್ಧಿಗೆ ಹೆಚ್ಚಿನ ಆದ್ಯತೆ: ಜೆ.ಪಿ. ಹೆಗ್ಡೆ
Subramanya ಏನೆಕಲ್ಲು: ಕಾರಿಗೆ ಗೂಡ್ಸ್ ಆಟೋ ಢಿಕ್ಕಿ
Rahul Gandhi: ಜಾತಿಗಣತಿಯನ್ನು ಯಾವ ಶಕ್ತಿಯೂ ತಡೆಯಲಾರದು: ರಾಹುಲ್ ಗಾಂಧಿ