ಮೈಕಲ್ ಕ್ಲಾರ್ಕ್ಗೆ ಆರ್ಡರ್ ಆಫ್ ಆಸ್ಟ್ರೇಲಿಯ ಗೌರವ
Team Udayavani, Jun 9, 2020, 5:36 AM IST
ಸಿಡ್ನಿ: ಆಸ್ಟ್ರೇಲಿಯದ ವಿಶ್ವಕಪ್ ವಿಜೇತ ತಂಡದ ನಾಯಕ ಮೈಕಲ್ ಕ್ಲಾರ್ಕ್ ದೇಶದ ಪ್ರತಿಷ್ಠಿತ “ಆರ್ಡರ್ ಆಫ್ ಆಸ್ಟ್ರೇಲಿಯ’ ಗೌರವಕ್ಕೆ ಭಾಜನರಾಗಿದ್ದಾರೆ.ಈ ಕುರಿತು ತಮಾಷೆಯಾಗಿ ಪ್ರತಿಕ್ರಿಯಿಸಿದ ಮೈಕಲ್ ಕ್ಲಾರ್ಕ್, “ನಿಜವಾಗಿ ಹೇಳಬೇಕೆಂದರೆ ಈ ಸುದ್ದಿ ತಿಳಿದು ಜೂನ್ ತಿಂಗಳಲ್ಲಿ ಎಪ್ರಿಲ್ ಫೂಲ್ ಆದ ಅನುಭವವಾಯಿತು.
ಬಹಳ ಅಚ್ಚರಿಯಾಗಿದೆ’ ಎಂದರು. ಜತೆಗೆ, “ಅಷ್ಟೇ ಸಂತಸವಾಗಿದೆ. ಇದೊಂದು ಮಹಾನ್ ಗೌರವ, ಕ್ರಿಕೆಟ್ ಈ ದೇಶದ ಸಂಸ್ಕೃತಿಯಾಗಿದೆ’ ಎಂದು ಹೇಳಿದರು.
ಆಸ್ಟ್ರೇಲಿಯದ 2015ರ ವಿಶ್ವಕಪ್ ಗೆಲುವಿನ ವೇಳೆ ಕ್ಲಾರ್ಕ್ ತಂಡದ ನಾಯಕರಾಗಿದ್ದರು.