ಕಪಿಲ್ ದೇವ್ ನ್ಯೂ ಲುಕ್ಗೆ ರಿಚರ್ಡ್ಸ್, ಧೋನಿ ಸ್ಫೂರ್ತಿಯಂತೆ !
Team Udayavani, Apr 27, 2020, 6:40 AM IST
ಹೊಸದಿಲ್ಲಿ: ಭಾರತದ 1983ರ ವಿಶ್ವಕಪ್ ಹೀರೋ ಕಪಿಲ್ದೇವ್ ಕೆಲವು ದಿನಗಳಿಂದೀಚೆ ಹೊಸ ರೂಪದಲ್ಲಿ ಕಂಗೊಳಿಸುತ್ತಿದ್ದಾರೆ. ತಲೆಯನ್ನು ನುಣ್ಣಗೆ ಬೋಳಿಸಿಕೊಂಡು, ಅದರ ಮೇಲೆ ಸನ್ ಗ್ಲಾಸ್ ಏರಿಸಿಕೊಂಡ ಅವರೀಗ ದಾಡೀವಾಲಾ ಆಗಿದ್ದಾರೆ. “ಈ ಕ್ರಿಕೆಟಿಗ ಯಾರು?’ ಎಂಬ ಪ್ರಶ್ನೆ ಮುಂದಿಟ್ಟಾಗ ಅನೇಕರಿಂದ ತಪ್ಪು ಉತ್ತರವೇ ಬಂದಿತ್ತು. ಅಷ್ಟರ ಮಟ್ಟಿಗೆ ಕಪಿಲ್ ಬದಲಾಗಿದ್ದರು!
ಹಾಗಾದರೆ ಈ “ನ್ಯೂ ಲುಕ್ನ ಗುಟ್ಟೇನು?’ ಎಂಬ ಅನೇಕರ ಕುತೂಹಲಕ್ಕೆ ಸ್ವತಃ ಕಪಿಲ್ ಅವರೇ ಉತ್ತರ ನೀಡಿದ್ದಾರೆ. ಇದಕ್ಕೆ ವಿವಿಯನ್ ರಿಚರ್ಡ್ಸ್ ಮತ್ತು ಮಹೇಂದ್ರ ಸಿಂಗ್ ಧೋನಿ ಅವರೇ ಸ್ಫೂರ್ತಿ ಎಂದಿದ್ದಾರೆ.
ಅನುಸರಿಸಿದರೆ ತಪ್ಪೇನು?
“ವಿವಿಯನ್ ರಿಚರ್ಡ್ಸ್ ನನ್ನ ಹೀರೋ. ಅವರದೂ ಇದೇ ಲುಕ್. ಅಂದಮೇಲೆ ನಾನು ಅವರನ್ನು ಅನುಸರಿಸಿದರೆ ತಪ್ಪೇನು? ಹಾಗೆಯೇ ಧೋನಿ… ಅವರು 2011ರಲ್ಲಿ ವಿಶ್ವಕಪ್ ಗೆದ್ದ ಬಳಿಕ ತಲೆಗೂದಲ ಹರಕೆ ಒಪ್ಪಿಸಿದ್ದರು. ನನಗೆ ಈಗ ಈ ರೂಪ ತಾಳಬೇಕು ಎಂದೆನಿಸಿತು…’ ಎಂದು ಕಪಿಲ್ ಹೇಳಿದ ವೀಡಿಯೋ ಒಂದನ್ನು ಚೆನ್ನೈ ಸೂಪರ್ ಕಿಂಗ್ಸ್ ಟ್ವೀಟ್ ಮಾಡಿದೆ. “ನೀವು ನನ್ನಿಂದ ಸರಿಯಾದ ಸ್ಫೂರ್ತಿಯನ್ನೇ ಪಡೆದಿರುವಿರಿ ಫ್ರೆಂಡ್…’ ಎಂದು ರಿಚರ್ಡ್ಸ್ ಕೂಡ ಇದಕ್ಕೆ ತಮಾಷೆಯಾಗಿ ಪ್ರತಿಕ್ರಿಯಿಸಿದ್ದಾರೆ.
ಕ್ರಿಕೆಟ್ ವಿದಾಯದ ಬಳಿಕ ರಿಚರ್ಡ್ಸ್ ಹೆಚ್ಚು-ಕಡಿಮೆ “ಬಾಲ್ಡಿ’ಯಾಗಿಯೇ ಉಳಿದಿದ್ದಾರೆ. ಈಗ ಕಪಿಲ್ ಕೂಡ ಒಂದು ನೋಟಕ್ಕೆ ಕೆರಿಬಿಯನ್ ಕ್ರಿಕೆಟ್ ದೈತ್ಯನ ಹಾಗೆ ಕಾಣುವುದು ಸುಳ್ಳಲ್ಲ !
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Cricket; ಪಾಕ್ ವಿರುದ್ಧದ ಟೆಸ್ಟ್ ಸರಣಿ ಆಡಲು ರೋಹಿತ್ ಇಂಗಿತ; ಕ್ಯಾಪ್ಟನ್ ಹೇಳಿದ್ದೇನು?
T20 WC; ‘ಎಲ್ಲವೂ ಸುಳ್ಳು…’: ತಂಡದ ಆಯ್ಕೆ ಬಗ್ಗೆ ಮಹತ್ವದ ಅಪ್ಡೇಟ್ ನೀಡಿದ ರೋಹಿತ್ ಶರ್ಮಾ
CSK; ಐಪಿಎಲ್ ನಿಂದ ಹೊರಬಿದ್ದ ಕಾನ್ವೆ; ಚೆನ್ನೈ ಪಾಳಯಕ್ಕೆ ಇಂಗ್ಲೆಂಡ್ ವೇಗಿ ಸೇರ್ಪಡೆ
IPL 2024; ಧೋನಿ ಐಪಿಎಲ್ ಭವಿಷ್ಯದ ಬಗ್ಗೆ ಮಹತ್ವದ ಹೇಳಿಕೆ ನೀಡಿದ ಸುರೇಶ್ ರೈನಾ
T20 World Cup; ರೋಹಿತ್, ವಿರಾಟ್ ಆರಂಭಿಕರು? ಅಚ್ಚರಿಯ ಮುಖಗಳಿಲ್ಲ?