ತಾಯಿ ಹುಡುಕಲು ಜರ್ಮನಿಯಿಂದ ಬಂದಳು!

Team Udayavani, Jul 22, 2019, 3:07 AM IST

ರಾಯಚೂರು: ದತ್ತು ನೀಡಿದ್ದ ಮಗಳನ್ನು ಹೆತ್ತ ತಾಯಿಯ ಮಮತೆ ಮತ್ತೆ ಬರ ಸೆಳೆದಿದೆ. ಎರಡು ದಶಕಗಳ ಬಳಿಕ ಮಗಳು ಜರ್ಮನಿಯ ಡೈಬರ್ಗಬನ್‌ ಸಿಟಿಯಿಂದ ತಾಯಿಗಾಗಿ ಹುಡುಕಿಕೊಂಡು ಬಂದಿದ್ದಾಳೆ.

ಜರ್ಮನಿಯಲ್ಲಿದ್ದ ಡಾ| ಮರಿಯಾ ಛಾಯಾಶ್ಚುಪ್‌ಗೆ ತಾನು ಬೆಳೆಯುತ್ತಿರುವುದು ದತ್ತು ಪಡೆದ ಹೆತ್ತವರ ಬಳಿ ಎಂದು ಗೊತ್ತಾದಾಗಿನಿಂದ ತನ್ನ ಸ್ವಂತ ತಾಯಿಯನ್ನು ನೋಡುವ ಹಂಬಲ ಶುರುವಾಗಿದೆ. ಕಳೆದ 10 ವರ್ಷದಿಂದ ಹುಡುಕಾಟ ಶುರು ಮಾಡಿದ ಅವರು, ಕೊನೆಗೆ ಭಾರತಕ್ಕೆ ಬಂದು ಹುಡುಕಾಟ ನಡೆಸುತ್ತಿದ್ದಾರೆ. ಭಾನುವಾರ ಕೂಡ ನಗರದ ಪತ್ರಿಕಾ ಭವನದಲ್ಲಿ ಸುದ್ದಿಗೋಷ್ಠಿ ನಡೆಸಿದ ಡಾ| ಮರಿಯಾ, ತನ್ನ ತಾಯಿಯನ್ನು ಕಾಣಬೇಕೆಂಬ ಹಂಬಲವಿದೆ. ದಯವಿಟ್ಟು ಸಹಕರಿಸಿ ಎಂದು ಮನವಿ ಮಾಡಿದರು.

ಮೂಲತಃ ಮಂಗಳೂರು ಜಿಲ್ಲೆಯ ಉಳ್ಳಾಲ ಪಟ್ಟಣದ ಹಂಪಿಕಟ್ಟೆಯವರು. ಉಳ್ಳಾಲದ ಬಸವನಗುಡಿ ಬಳಿ ವಾಸವಿದ್ದ ತಾಯಿ ಗಿರಿಜಾ ಗಾಣಿಗ 1981ರಲ್ಲಿ ಜರ್ಮನಿಯ ಶ್ಚುಪ್‌ ದಂಪತಿಗೆ ಮಗಳನ್ನು ದತ್ತು ನೀಡಿದ್ದರು. ಅಲ್ಲಿಯೇ ವ್ಯಾಸಂಗ ಮುಗಿಸಿದ ಡಾ| ಮರಿಯಾ ಜರ್ಮನಿಯ ಡೈಬರ್ಗನ್‌ ಶಾಲೆಯೊಂದರ ಶಿಕ್ಷಕಿಯಾಗಿದ್ದರು. ತನ್ನ ತಾಯಿಯ ಕೆಲ ಸ್ನೇಹಿತರನ್ನು ವಿಚಾರಿಸಿದಾಗ ರಾಯಚೂರು ಜಿಲ್ಲೆಯಲ್ಲಿ ಇರಬಹುದು ಎಂದು ಹೇಳಿದ್ದಾರೆ. ಅದಕ್ಕಾಗಿ ಇಲ್ಲಿಗೆ ಬಂದಿರುವುದಾಗಿ ತಿಳಿಸಿದರು.

ಈ ಬಗ್ಗೆ ಹೈಕೋರ್ಟ್‌ನಲ್ಲಿ ಅರ್ಜಿ ಹಾಕಿ ತಾಯಿ ಹುಡುಕಲು ನೆರವಾಗುವಂತೆ ಮನವಿ ಮಾಡಿದ್ದು, 2009ರಲ್ಲಿ ನ್ಯಾಯಾಲಯದ ಆದೇಶದಂತೆ ರಾಜ್ಯ ಪೊಲೀಸ್‌ ಇಲಾಖೆಯೂ ತನ್ನ ಪ್ರಯತ್ನ ಮಾಡುತ್ತಿದೆ. ದತ್ತು ನೀಡಿದ ಶಾಲೆಯಲ್ಲೂ ತಾಯಿಯ ಮಾಹಿತಿಯಿಲ್ಲ. ಸಂಬಂ ಧಿಕರಿಗೂ ಅವಳ ಬಗ್ಗೆ ತಿಳಿದಿಲ್ಲ. ಆಗಿನ ಒಂದೇ ಒಂದು ಭಾವಚಿತ್ರ ನನ್ನಲ್ಲಿದೆ. ಅದನ್ನೇ ಆಧಾರವಾಗಿಸಿಕೊಂಡು ಸುತ್ತಾಟ ನಡೆಸಿದ್ದೇನೆ. ತನ್ನ ತಾಯಿಯ ಹುಡುಕಾಟದ ಹಂಬಲದಿಂದ ಭಾರತೀಯ ಮಹಿಳೆಯರ ಜನಜೀವನ ಎಂಬ ವಿಷಯದಲ್ಲಿ ಪಿಎಚ್‌.ಡಿ ಕೂಡ ಮಾಡಿದ್ದೇನೆ ಎಂದರು.

ತಾಯಿ ಗಿರಿಜಾ ಗಾಣಿಗ 10ನೇ ತರಗತಿ ಓದಿದ್ದು, ಈಗ ಅವರು ಆ ಊರಿನಲ್ಲಿಲ್ಲ. ಸ್ಥಳೀಯರನ್ನು ಕೇಳಿದರೆ ಗೊತ್ತಿಲ್ಲ ಎನ್ನುತ್ತಿದ್ದಾರೆ. ಅವರು ಕೆಲಸ ಮಾಡುತ್ತಿದ್ದ ಸ್ಥಳಗಳಲ್ಲೆಲ್ಲ ಹುಡುಕಾಡಿದ್ದು, ಮಾಹಿತಿ ಸಿಕ್ಕಿಲ್ಲ. ಹೀಗಾಗಿ ಸ್ಥಳೀಯ ಠಾಣೆಯಲ್ಲೂ ನಾಪತ್ತೆ ದೂರು ನೀಡಲಾಗಿದೆ. ಒಂದು ವೇಳೆ ರಾಜ್ಯದ ಬೇರೆ ಭಾಗಗಳಲ್ಲಿ ಇರಬಹುದೇ ಎಂಬ ನಿರೀಕ್ಷೆಯಲ್ಲಿ ಎಲ್ಲ ಕಡೆ ಹೋಗಿ ಹುಡುಕಾಟ ಮಾಡಲಾಗುತ್ತಿದೆ ಎಂದರು.

ನನಗೆ ವಿಷಯ ತಿಳಿದಾಗಿನಿಂದ ತಾಯಿಯನ್ನು ನೋಡಬೇಕೆಂಬ ಹಂಬಲ ದಿನೇದಿನೆ ಹೆಚ್ಚಾಯಿತು. 10 ವರ್ಷದಿಂದ ನಾನು ಹುಡುಕಾಟ ಶುರು ಮಾಡಿದ್ದೇನೆ. ಎನ್‌ಜಿಒ ಸಹಾಯದೊಂದಿಗೆ ಹುಡುಕಾಡುತ್ತಿದ್ದೇನೆ. ನನ್ನ ತಾಯಿಯನ್ನು ಒಮ್ಮೆಯಾದರೂ ನೋಡಬೇಕು ಎಂಬುದಷ್ಟೇ ನನ್ನ ಬಯಕೆ. ತಾಯಿ ಜತೆ ಉಳಿದ ಜೀವನ ಕಳೆಯುವಾಸೆ.
-ಡಾ| ಮರಿಯಾ ಛಾಯಾಶ್ಚುಪ್‌

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಬೆಂಗಳೂರು: ಮುಖ್ಯಮಂತ್ರಿ ಬಿಎಸ್ ಯಡಿಯೂರಪ್ಪ ನೇತೃತ್ವದ ಬಿಜೆಪಿ ಸರಕಾರದಲ್ಲಿ 17 ಮಂದಿ ಸಚಿವರಾಗಿ ಪ್ರಮಾಣವಚನ ಸ್ವೀಕರಿಸಿದ ನಂತರ ಖಾತೆ ಹಂಚಿಕೆಗಾಗಿ ಹಗ್ಗಜಗ್ಗಾಟ...

  • ಬೆಂಗಳೂರು: ಕಾರು ಪಲ್ಟಿಯಾಗಿ ನಾಲ್ವರು ದುರ್ಮರಣಗೊಂಡು ಐವರು ಗಾಯಗೊಂಡ ಘಟನೆ ದೇವನಹಳ್ಳಿ ತಾಲೂಕಿನ ಹಂದ್ರಹಳ್ಳಿಯಲ್ಲಿ ನಡೆದಿದೆ. ನಂದಿ ಬೆಟ್ಟಕ್ಕೆ ತೆರಳುತ್ತಿದ್ದ...

  • ಬೆಂಗಳೂರು: ಕಾಂಗ್ರೆಸ್‌ ಮತ್ತು ಜೆಡಿಎಸ್‌ ನಾಯಕರ ಜಗಳ ವಿಕೋಪಕ್ಕೆ ತಿರುಗಿದ್ದು, ಗುರು ದೇವೇಗೌಡರ ವಿರುದ್ಧ ಶಿಷ್ಯ ಸಿದ್ದರಾಮಯ್ಯ ಪಾಯಿಂಟ್‌ ಟು ಪಾಯಿಂಟ್‌...

  • ಬೆಂಗಳೂರು: ಪ್ರಧಾನಿ ನರೇಂದ್ರ ಮೋದಿ, ಕೇಂದ್ರ ಗೃಹ ಸಚಿವರಾದ ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಅಮಿತ್‌ ಶಾ ಅವರನ್ನು ಭೇಟಿಯಾಗುವುದಾಗಿ ಹೇಳಿ ಗುರುವಾರ ರಾತ್ರಿ ದಿಢೀರ್‌...

  • ಬೆಂಗಳೂರು: ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ತೆರಳುತ್ತಿದ್ದ ಮಾಡೆಲಿಂಗ್‌ ಕ್ಷೇತ್ರದಲ್ಲಿ ಕೆಲಸ ಮಾಡುತ್ತಿದ್ದ ಪಶ್ಚಿಮ ಬಂಗಾಳ ಮೂಲದ ಮಾಡೆಲ್‌ವೊಬ್ಬರನ್ನು...

ಹೊಸ ಸೇರ್ಪಡೆ