ವಕೀಲನ ಅದೃಷ್ಟ ಬದಲಾಯಿಸಿದ ಕೋವಿಡ್
Team Udayavani, Apr 28, 2020, 6:34 PM IST
ನ್ಯೂಯಾರ್ಕ್: ಲಾಕ್ಡೌನ್ನಿಂದಾಗಿ ಮನೆಯಲ್ಲಿಯೇ ಬಂದಿಗಳಾಗಿರುವ ಹಲವು ಜನರು ಸಮಯ ಕಳೆಯಲು ನಾನಾ ದಾರಿಗಳನ್ನು ಹುಡುಕುತ್ತಿದ್ದಾರೆ. ಈ ಅವಧಿಯ ಸದುಪಯೋಗ ಪಡೆಸಿಕೊಳ್ಳುತ್ತಿರುವ ಹಲವರು, ತಮ್ಮಲ್ಲಿನ ಕೌಶಲ ಅಭಿವೃದ್ಧಿಗೆ ಹಾಗೂ ಪ್ರದರ್ಶನಕ್ಕೆ ಪ್ರಯತ್ನಿಸುತ್ತಿದ್ದಾರೆ.
ಈ ಮೂಲಕ ಹೊಸತನ್ನು ಕಲಿಯುತ್ತಿದ್ದಾರೆ. ಹಲವರು ತಮ್ಮ ಪ್ರತಿಭಾ ಪ್ರದರ್ಶನದಿಂದ ಸದ್ದಿಲ್ಲದೇ ಮನೆ ಮಾತಾಗುತ್ತಿದ್ದಾರೆ. ಇದೀಗ ಇಂತಹದೇ ಒಂದು ಘಟನೆ ಅಮೆರಿಕದಲ್ಲಿ ನಡೆದಿದೆ. ಲಾಕ್ಡೌನ್ನಿಂದಾಗಿ ಅಪಾರ್ಟ್ಮೆಂಟ್ನೊಳಗೆ ಬಂದಿಯಾಗಿದ್ದ ನಿವೃತ್ತ ವಕೀಲರೊಬ್ಬರು ಇದ್ದಕ್ಕಿದ್ದಂತೆ ಗಾಯಕರಾಗಿದ್ದಾರೆ.
ಅದೃಷ್ಟ ಬದಲಾಯಿಸಿದ ಕೋವಿಡ್
ಇಲ್ಲಿನ ಬ್ರೂಕ್ಲಿನ್ ಬ್ರೌನ್ ಸ್ಟೋನ್ ಅಪಾರ್ಟ್ಮೆಂಟ್ನಲ್ಲಿ ಸಿಲುಕಿಕೊಂಡಿದ್ದ ಪಾಲ್ ಸ್ಟೈನ್ ಎನ್ನುವ ವ್ಯಕ್ತಿಯ ಅದೃಷ್ಟ ಬದಲಾಗಿದ್ದು, ತಮ್ಮ ಗಾಯನ ಪ್ರತಿಭೆಯಿಂದ ಅಪಾರ ಅಭಿಮಾನಿಗಳನ್ನು ಸಂಪಾದಿಸಿದ್ದಾರೆ. ಪಾಲ್ ನಿವೃತ್ತ ವಕೀಲ ಹಾಗೂ ರಾಜಕೀಯ ಕಾರ್ಯಕರ್ತರಾಗಿದ್ದು, ಟಿವಿಯಲ್ಲಿ ಇಟಲಿ ಹಾಗೂ ಫ್ರಾ®Õ…ನ ಜನರು ತಮ್ಮ ಮನೆಯ ಬಾಲ್ಕನಿಯಲ್ಲೇ ನಿಂತು ಹಾಡುವುದು, ಚಪ್ಪಾಳೆ ತಟ್ಟುವುದನ್ನು ನೋಡಿದ್ದರು. ಈ ನಡೆಯಿಂದ ಪ್ರೇರಿತರಾದ ಪಾಲ್ ಸ್ಟೈನ್, ತಮ್ಮ ಮನೆಯ ಮೆಟ್ಟಿಲುಗಳನ್ನೇ ವೇದಿಕೆ ಮಾಡಿಕೊಂಡು ಹಾಡಲು ಆರಂಭಿಸಿದ್ದಾರೆ.
ಆರೋಗ್ಯ ಸಿಬಂದಿಗೆ ಕೃತಜ್ಞತೆ
ಪ್ರತಿ ನಿತ್ಯ 7 ಗಂಟೆಯಾದರೆ ಸಾಕು. ಮನೆಯ ಮೆಟ್ಟಿಲ ಮೇಲೆ ನಿಂತು ಹಾಡಲು ಶುರು ಮಾಡುವ ಪಾಲ್, ತಮ್ಮ ಹಾಡಿನ ಮೂಲಕ ಆರೋಗ್ಯ ಸಿಬಂದಿ ಮತ್ತು ಕಾರ್ಮಿಕರಿಗೆ ಕೃತಜ್ಞತೆಯನ್ನೂ ಸಲ್ಲಿಸುತ್ತಿದ್ದಾರೆ. ಕಳೆದ ವಾರ ಪಾಲ್ ಸುಮಾರು 45 ನಿಮಿಷಗಳ ಕಾಲ ಸುದೀರ್ಘವಾಗಿ ಹಾಡಿ ಜನರನ್ನು ರಂಜಿಸಿದ್ದು, ಇವರ ಈ ನೂತನ ಪ್ರಯತ್ನಕ್ಕೆ ಖುಷಿಯಾದ ನೆರೆಹೊರೆಯವರು ಪಾಲ್ ಹಾಡುತ್ತಿರಬೇಕಾದರೆ ಚಪ್ಪಾಳೆ ತಟ್ಟಿ ಪ್ರೋತ್ಸಾಹಿಸುತ್ತಿದ್ದಾರೆ. ಹೀಗೆ, ಪ್ರತಿ ನಿತ್ಯ ಹಾಡಲು ಪ್ರಾರಂಭಿಸಿದ ಅವರು, ತಮ್ಮ ನೆರೆಹೊರೆಯವರು ಅಷ್ಟೇ ಅಲ್ಲದೆ, ರಸ್ತೆಯಲ್ಲಿ ಓಡಾಡುವ ಜನರಿಗೂ ಮನೋರಂಜನೆ ನೀಡಿ ಚಪ್ಪಾಳೆ ಗಿಟ್ಟಿಸತೊಡಗಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Covid-19: ಕೋವಿಡ್ ಭೀತಿ; ಮೂರು ರಾಜ್ಯಗಳಲ್ಲಿ ಮಾಸ್ಕ್ ಕಡ್ಡಾಯ
Covid 19 ವಿದೇಶದಿಂದ ಬರುವವರಿಗೆ ಕೋವಿಡ್ ಟೆಸ್ಟ್ ಕಡ್ಡಾಯ ಮಾಡಿದ ಉತ್ತರ ಪ್ರದೇಶ ಸರ್ಕಾರ
ಕೋವಿಡ್ ಗೂ ಹೃದಯಾಘಾತಕ್ಕೂ ಸಂಬಂಧವಿದೆಯೇ? ಉತ್ತರ ನೀಡಿದ ಕೇಂದ್ರ ಆರೋಗ್ಯ ಸಚಿವ
ಎಚ್3ಎನ್2 ಭೀತಿಯ ಮಧ್ಯೆ ಕೋವಿಡ್ ಏರಿಕೆ; ಒಂದೇ ದಿನ ಸಾವಿರ ದಾಟಿದ ಸೋಂಕಿತರ ಸಂಖ್ಯೆ
ಕೋವಿಡ್ 19 ಲಸಿಕೆಯಿಂದ ಅಡ್ಡಪರಿಣಾಮ ಇರೋದು ನಿಜ: RTIನಲ್ಲಿ ಕೇಂದ್ರದ ಉತ್ತರ ಬಹಿರಂಗ