ಐಪಿಎಲ್ ನಲ್ಲೀಗ ರನ್ ರೇಟ್ ಮೇಲಾಟ: ನೆಟ್ ರನ್ ರೇಟ್ ಲೆಕ್ಕಾಚಾರ ಮಾಡುವುದು ಹೇಗೆ ಗೊತ್ತಾ?
Team Udayavani, Nov 2, 2020, 3:54 PM IST
ಮಣಿಪಾಲ: 13ನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ ಅಂತಿಮ ಘಟ್ಟ ತಲುಪಿದೆ. ಲೀಗ್ ನಲ್ಲಿ ಇನ್ನು ಉಳಿದಿರುವುದು ಕೇವಲ ಎರಡು ಪಂದ್ಯ ಮಾತ್ರ. ಆದರೆ ಮುಂಬೈ ಇಂಡಿಯನ್ಸ್ ಹೊರತುಪಡಿಸಿ ಉಳಿದ ಯಾವ ತಂಡ ಪ್ಲೇ ಆಫ್ ಪ್ರವೇಶ ಪಡೆಯುತ್ತದೆ ಎನ್ನವುದು ಇನ್ನೂ ಖಚಿತವಾಗಿಲ್ಲ. ಬಾಕಿಯಿರುವ ಮೂರು ಸ್ಥಾನಗಳಿಗೆ ನಾಲ್ಕು ತಂಡಗಳು ಕಣ್ಣಿಟ್ಟಿದೆ. ಇಲ್ಲಿ ನೆಟ್ ರನ್ ರೇಟ್ ಪ್ರಮುಖ ಪಾತ್ರ ವಹಿಸುತ್ತದೆ.
ಏನಿದು ನೆಟ್ ರನ್ ರೇಟ್? ಇದು ಯಾಕೆ ಮುಖ್ಯ? ಇದರ ಲೆಕ್ಕಾಚಾರ ಹೇಗೆ ಎನ್ನುವ ಕುರಿತು ಬಹಳಷ್ಟು ಅಭಿಮಾನಿಗಳಿಗೆ ತಿಳಿದಿಲ್ಲ. ನೆಟ್ ರನ್ ರೇಟ್ ಲೆಕ್ಕಾಚಾರದ ಬಗ್ಗೆ ಕೆಲವೊಂದು ಕುತೂಹಲಕಾರಿ ವಿಚಾರಗಳು ಇಲ್ಲಿದೆ.
ಎರಡಕ್ಕಿಂತ ಹೆಚ್ಚು ತಂಡಗಳು ಭಾಗವಹಿಸುವ ಕೂಟಗಳಲ್ಲಿ ನೆಟ್ ರನ್ ರೇಟ್ ಪ್ರಮುಖ ಪಾತ್ರ ವಹಿಸುತ್ತದೆ. ಕೆಲವು ತಂಡಗಳು ಒಂದೇ ರೀತಿಯ ಅಂಕ ಹೊಂದಿದ್ದಾಗ ರನ್ ರೇಟ್ ಸಹಾಯವಾಗುತ್ತದೆ.
ಇದನ್ನೂ ಓದಿ:ರೋಹಿತ್ ಈಗ ಮೈದಾನಕ್ಕಿಳಿದರೆ ಅಪಾಯ ಖಚಿತ: ಕೋಚ್ ರವಿ ಶಾಸ್ತ್ರಿ
ಲೆಕ್ಕಾಚಾರ ಹೇಗೆ?
ನೆಟ್ ರನ್ ರೇಟ್ ಲೆಕ್ಕಾಚಾರ ಮಾಡುವುದು ಕಷ್ಟದ ಗಣಿತವೇನಲ್ಲ. ಸಾಮಾನ್ಯವಾಗಿ ಈ ಸೂತ್ರವನ್ನು ಬಳಸಲಾಗುತ್ತದೆ. (ತಂಡ ‘ಎ’ ಗಳಿಸಿದ ರನ್ ಭಾಗಿಸು ಆಡಿದ ಓವರ್ ) ಮೈನಸ್ ( ತಂಡ ‘ಬಿ’ ಗಳಿಸಿದ ರನ್ ಭಾಗಿಸು ಆಡಿದ ಓವರ್) = ನೆಟ್ ರನ್ ರೇಟ್.
ಉದಾಹರಣೆಗೆ ತಂಡ ‘ಎ’ ನಿಗದಿತ 20 ಓವರ್ ಗಳಲ್ಲಿ 213 ರನ್ ಗಳಿಸಿದರೆ ಆಗ ಅದರ ರನ್ ರೇಟ್ 10.65. ಬಿ ತಂಡ 20 ಓವರ್ ಗಳಲ್ಲಿ 176 ರನ್ ಬಾರಿಸಿದರೆ ಅದರ ರನ್ ರೇಟ್ 8.8. ಈಗ 10.65 ಮತ್ತು 8.8 ಗಳ ವ್ಯತ್ಯಾಸ 1.85 ಈ ಪಂದ್ಯದ ನೆಟ್ ರನ್ ರೇಟ್. ಅಂದರೆ ಗೆದ್ದ ತಂಡಕ್ಕೆ +1.85 ಮತ್ತು ಸೋತ ತಂಡಕ್ಕೆ -1.85 ಸಿಗುತ್ತದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
RCB; ಸುಮ್ಮನೆ ಒಪ್ಪಂದಕ್ಕೆ ಸಹಿ ಹಾಕು…: ವಿರಾಟ್ ಜತೆಗಿನ ಮಾತುಕತೆ ನೆನೆದ ಕೆ.ಎಲ್ ರಾಹುಲ್
Wrestlers: ದುಬಾೖ ವಿಮಾನ ನಿಲ್ದಾಣದಲ್ಲಿ ಸಿಕ್ಕಿಬಿದ್ದ ಇಬ್ಬರು ಕುಸ್ತಿಪಟುಗಳು
LSG vs CSK: ಲಕ್ನೋದಲ್ಲೂ ಚೆನ್ನೈ ಫೇವರಿಟ್
IPL; ರೋಚಕ ಪಂದ್ಯದಲ್ಲಿ ಪಂಜಾಬ್ ಎದುರು 9 ರನ್ ಜಯ ಸಾಧಿಸಿದ ಮುಂಬೈ
Austria Marathon: ಭಾರತವನ್ನು ಪ್ರತಿನಿಧಿಸಲಿರುವ ಕೊಡಗಿನ ಅಪ್ಪಚಂಗಡ ಬೆಳ್ಯಪ್ಪ