CONNECT WITH US  

ನಮ್ಮ ಇನ್‌ವೆಸ್ಟ್‌ಮೆಂಟ್‌ ಪ್ಲಾನ್‌ಗೆ ಚಿನ್ನ: ಗೋಲ್ಡ್‌ ಇಟಿಎಫ್ ಸೂಕ್ತ

ಚಿನ್ನವನ್ನು ನಮ್ಮ ಹೂಡಿಕೆ ಯೋಜನೆಯಲ್ಲಿ ಸೇರಿಸಿಕೊಳ್ಳುವುದಕ್ಕೆ ಗೋಲ್ಡ್‌ ಇಟಿಎಫ್ ಒಂದು ಉತ್ತಮ ಮಾಧ್ಯಮ ಎನ್ನುವುದರಲ್ಲಿ ಎರಡು ಮಾತಿಲ್ಲ.

ಇದಕ್ಕೆ ಮುಖ್ಯ ಕಾರಣ ಚಿನ್ನದ ಆನ್‌ಲೈನ್‌ ಖರೀದಿ ಸೌಕರ್ಯ, ಶಿಸ್ತುಬದ್ಧ ಕಂತುಕಂತಿನ ಹೂಡಿಕೆಗಿರುವ ಅವಕಾಶ, ಸುಲಭ ನಗದೀಕರಣಕ್ಕೆ ಇರುವ ಅವಕಾಶ ಮತ್ತು ಖರೀದಿಸಿದ ಚಿನ್ನವನ್ನು ಅಭೌತಿಕ ರೂಪದಲ್ಲಿ ಕೂಡಿಡುವ ಡಿಮ್ಯಾಟ್‌ ವ್ಯವಸ್ಥೆ ಎನ್ನುವುದು ಗಮನಾರ್ಹ.

ನಿಜ ಹೇಳಬೇಕೆಂದರೆ ಒಂದು ವರ್ಷದ ಹಿಂದೆ ಗೋಲ್ಡ್‌ ಇಟಿಎಫ್ ಅಷ್ಟೇನೂ ಜನಪ್ರಿಯವಾಗಿರಲಿಲ್ಲ. ಇದಕ್ಕೆ ಮುಖ್ಯ ಕಾರಣ ಶೇರು ಮಾರುಕಟ್ಟೆಯ ಏರುಗತಿ. ಸಾಮಾನ್ಯವಾಗಿ ಶೇರು ಮಾರುಕಟ್ಟೆಗಳು ಏರುಗತಿಯನ್ನು ಕಂಡಾಗ ಹೂಡಿಕೆಯಾಗಿ ಚಿನ್ನ ತನ್ನ ಹೊಳಪನ್ನು ಕಳೆದುಕೊಳ್ಳುವುದು ರೂಢಿ.

ಅಭೌತಿಕ ರೂಪದಲ್ಲಿ ಚಿನ್ನ ಖರೀದಿ,ಕಳ್ಳರ ಕಾಟವೂ ಇಲ್ಲ;ಟ್ರೇಡಿಂಗ್ ಸುಲಭ

ಗೋಲ್ಡ್ ಇಟಿಎಫ್ ಸ್ಕೀಮಿನಡಿ ಚಿನ್ನವನ್ನು ವಿದ್ಯುನ್ಮಾನ ಮಾಧ್ಯಮದ ಮೂಲಕ ಅಭೌತಿಕ ರೂಪದಲ್ಲಿ ಖರೀದಿಸಲಾಗುವುದರಿಂದ ಅತ್ಯಂತ ಕಡಿಮೆ ಪ್ರಮಾಣದ ಚಿನ್ನವನ್ನು, ಶುದ್ಧತೆ - ತೂಕಕ್ಕೆ ಮೋಸವಿಲ್ಲದೆ ಅತ್ಯಂತ ಪಾರದರ್ಶಕ ವಹಿವಾಟಿನ ಮೂಲಕ ಕೊಳ್ಳಬಹುದಾಗಿದೆ. 

ಚಿನ್ನವನ್ನು ಆನ್‌ಲೈನ್‌ ನಲ್ಲಿ  ಅಭೌತಿಕ ರೂಪದಲ್ಲಿ ಖರೀದಿಸುವ ಪ್ರಕ್ರಿಯೆಯನ್ನು ನಾವು ಗೋಲ್ಡ್ ಇಟಿಎಫ್ ಎಂದು ಕರೆಯುತ್ತೇವೆ. ಜನಸಾಮಾನ್ಯರಿಗೆ ಆನ್‌ಲೈನ್‌ ನಲ್ಲಿ  ಅಭೌತಿಕ ರೂಪದಲ್ಲಿ ಚಿನ್ನವನ್ನು ಖರೀದಿಸುವ ಸೌಕರ್ಯದ ಬಗ್ಗೆ ಅಷ್ಟಾಗಿ ತಿಳಿಯದಿರುವುದಕ್ಕೆ ಹಲವಾರು ಕಾರಣಗಳಿವೆ.

GOLD ETF ಅತ್ಯಂತ ಪ್ರಶಸ್ತ, ಆದರೆ ಗೋಲ್ಡ್‌ ಇಟಿಎಫ್ ಎಂದರೇನು ?

ಚಿನ್ನವನ್ನು ಭೌತಿಕವಾಗಿ ಖರೀದಿಸುವಲ್ಲಿನ ಸಮಸ್ಯೆ, ಸವಾಲುಗಳನ್ನು ನಿವಾರಿಸಲು  ಗೋಲ್ಡ್‌ ಇಟಿಎಫ್ ನಲ್ಲಿ ಚಿನ್ನವನ್ನು  ಖರೀದಿಸುವುದು ಹೆಚ್ಚು ಅನುಕೂಲಕರ. ಹಾಗಿದ್ದರೆ ಗೋಲ್ಡ್‌  ಇಟಿಎಫ್ ಎಂದರೇನು ?

ಹೂಡಿಕೆಯಾಗಿ ಚಿನ್ನದ ಸಾಧ್ಯತೆಗಳನ್ನು ಚರ್ಚಿಸುವ ಈ ಸರಣಿ ಸಾಗುತ್ತಿರುವಂತೆಯೇ ಚಿನ್ನದ ಬೆಲೆ ಒಂದೇ ಸಮನೆ ಏರುತ್ತಿರುವುದನ್ನು ನಾವು ಗಮನಿಸಿದ್ದೇವೆ. ಈಗ 22 ಕ್ಯಾರೆಟ್‌ ಚಿನ್ನ  ಗ್ರಾಮಿಗೆ 3,450ರ ಗಡಿಯನ್ನು  ದಾಟುತ್ತಿದೆ. ಹಾಗಿದ್ದರೂ ಚಿನ್ನದ ಮೇಲಿನ ಭಾರತೀಯರ ವ್ಯಾಮೋಹ ಕಡಿಮೆಯಾಗುತ್ತಿಲ್ಲ. ಜಗತ್ತಿನಲ್ಲಿ ಅತೀ ಹೆಚ್ಚು ಖಾಸಗಿ ಚಿನ್ನ ಖರೀದಿ ಮಾಡುವ ದೇಶ ಭಾರತ; ಹಾಗೆಯೇ ಇಡಿಯ ಜಗತ್ತಿನಲ್ಲಿ ಗರಿಷ್ಠ ಖಾಸಗಿ ಚಿನ್ನ ಇರುವುದು ಕೂಡ ಭಾರತೀಯರಲ್ಲಿ !

ಒಡವೆಗೆ ಬೇಕಿರುವುದು 22 ಕ್ಯಾರೆಟ್ ಚಿನ್ನ : ಹಾಗೆಂದರೇನು ?

ಚಿನ್ನ ಉಳಿತಾಯ ಯೋಜನೆಗಳ ಮೂಲ ಮಧ್ಯಮ ಮತ್ತು ಸಾಮಾನ್ಯ ವರ್ಗದವರು ಸುಲಭದಲ್ಲಿ ಚಿನ್ನ ಖರೀದಿಸುವುದು ಸಾಧ್ಯ ಎಂಬುದನ್ನು ನಾವು ಮನಗಂಡೆವು. ಚಿನ್ನ ಉಳಿತಾಯದ ಸ್ಕೀಮುಗಳ ಬಗ್ಗೆ ಚರ್ಚಿಸುತ್ತಿದ್ದಂತೆಯೇ ಚಿನ್ನದ ಬೆಲೆ ಒಂದೇ ಸಮನೆ ಗಗನಕ್ಕೇರುತ್ತಿರುವುದನ್ನು ಕೂಡ ನಾವು ಗಮನಿಸಿದೆವು. 

ಭಾರತದಲ್ಲಿ ವ್ಯಾಪಕವಾಗಿ ಒಡವೆ ತಯಾರಿಗೆ ಬಳಸಲಾಗುವ 22 ಕ್ಯಾರೆಟ್ ಚಿನ್ನ ಗ್ರಾಮಿಗೆ ಈಗ 3,050 ರೂ. ಆಸುಪಾಸಿನಲ್ಲಿ ಇದೆ. ನಿಜಕ್ಕಾದರೆ ಈ ದರದಿಂದ ಸಾಮಾನ್ಯ ಜನರು ಮೈಲುದೂರು ಉಳಿಯುವುದಲ್ಲದೇ ಬೇರೆನೂ ಮಾಡಲಾರರು. ಹಾಗಾಗಿಯೇ ಚಿನ್ನ ವ್ಯಾಪಾರಿಗಳಿಗೆ ಈ ದಿನದಲ್ಲಿ  ಸಾಮಾನ್ಯ ವರ್ಗದ ಗ್ರಾಹಕರು ಕಡಿಮೆಯಾಗಿದ್ದಾರೆ ಎನ್ನುವುದು ಗಮನಾರ್ಹ. 

ಸುಲಭದಲ್ಲಿ ಚಿನ್ನದ ಒಡೆಯರಾಗುವುದು ಕಷ್ಟದ ಮಾತೇನೂ ಅಲ್ಲ !

ಸುಲಭದಲ್ಲಿ ಚಿನ್ನದ ಒಡೆಯರಾಗಬೇಕೆಂಬ ಕನಸು ಯಾವತ್ತೂ  ಮಧ್ಯಮ ವರ್ಗದವರಲ್ಲಿ ಇರುವುದು ಸಹಜವೇ. ಈ ಕನಸನ್ನು ನನಸು ಮಾಡುವ ರೀತಿಯಲ್ಲಿ ಚಿನ್ನಾಭರಣ ಮಳಿಗೆಗಳು ಆಕರ್ಷಕ ಸುಲಭ ಕಂತು ಪಾವತಿಯ 'ಚಿನ್ನ ಉಳಿತಾಯ ಯೋಜನೆ'ಗಳನ್ನು  ಗ್ರಾಹಕರಿಗಾಗಿ ರೂಪಿಸಿರುತ್ತಾರೆ. 

ಒಂದು ದೃಷ್ಟಿಯಲ್ಲಿ ನೋಡಿದರೆ ಇದು ಸಣ್ಣ ಮತ್ತು ಮಧ್ಯಮ ವರ್ಗದ ಜನರ ಪಾಲಿನ ಸಿಸ್ಟಮ್ಯಾಟಿಕ್‌ ಇನ್‌ವೆಸ್ಟ್‌ಮೆಂಟ್‌ ಪ್ಲಾನ್‌ (SIP) ಎಂದೇ ಹೇಳಬಹುದು. ಈ ರೀತಿಯ ಯೋಜನೆಗಳಲ್ಲಿ ಒಂದು ಆರ್ಥಿಕ ಮತ್ತು ಉಳಿತಾಯದ ಶಿಸ್ತು ಇರುತ್ತದೆ.

ಚಿನ್ನ ಖರೀದಿ, ರೇಟ್ ಬೆನಿಫಿಟ್, ಪೋಂಜಿ ಸ್ಕೀಮು ಅಂದ್ರೇನು !

ಮಧ್ಯಮ ವರ್ಗದ ಸಣ್ಣ ಉಳಿತಾಯದ ಜನರಿಗೆ ಚಿನ್ನ ಗಗನ ಕುಸುಮ ಎಂಬ ಮಾತಿದೆ. ಇದು ನಿಜವೇನೋ ಹೌದು.

ಆದರೆ ವರ್ಷದ ಕೆಲವು ಸಂದರ್ಭಗಳಲ್ಲಿ ಭವಿಷ್ಯಕ್ಕೆಂದು ಸ್ವಲ್ಪ ಸ್ವಲ್ಪವಾದರೂ ಚಿನ್ನವನ್ನು ಖರೀದಿಸದಿರುವವರು ಇಲ್ಲವೇ ಇಲ್ಲ ಎನ್ನುವುದು ಕೂಡ ಅಷ್ಟೇ ನಿಜ. ಇದಕ್ಕೆ ಕಾರಣ ಬಹಳ ಸರಳ ಮತ್ತು ನೇರ. ಅದೆಂದರೆ ಮಧ್ಯಮ ವರ್ಗದ ಜನರಿಗೆ, ಸಣ್ಣ ಉಳಿತಾಯದಾರರಿಗೆ ಚಿನ್ನ ಒಂದು ಅಪದ್ಧನ. ಕಷ್ಟಕಾಲ ಒದಗುವುದಕ್ಕೆ ಸಂಪತ್ತು !

ಅಂತಿರುವಾಗ ಮಧ್ಯಮ ವರ್ಗದ ಸಣ್ಣ ಉಳಿತಾಯದಾರರಿಗೆಂದೇ ಚಿನ್ನಾಭರಣ ಉದ್ಯಮಿಗಳು, ವ್ಯಾಪಾರಸ್ಥರು, ಮಳಿಗೆಗಳು ಚಿನ್ನ ಉಳಿತಾಯ ಯೋಜನೆ ಅಥವಾ ಅದೃಷ್ಟಕರ ಕಂತು ಖರೀದಿ ಯೋಜನೆ ಅಥವಾ ಭವಿಷ್ಯದ ಚಿನ್ನದ ಖರೀದಿಯ ಮುಂಗಡ ಯೋಜನೆ ಎಂದೆಲ್ಲ ನಾನಾ ರೀತಿಯ ಸ್ಕೀಮುಗಳನ್ನು ರೂಪಿಸಿರುತ್ತಾರೆ. 

ಚಿನ್ನದ ಕಂತು ಖರೀದಿ ಉಳಿತಾಯ ಯೋಜನೆ ಜನಸಾಮಾನ್ಯರಿಗೆ ಎಷ್ಟು ಉಪಯುಕ್ತ?

ಉಳಿತಾಯದ ಹಣವನ್ನು ಲಾಭದಾಯಕ ಯೋಜನೆಗಳಲ್ಲಿ ತೊಡಗಿಸಿ ಅತ್ಯಧಿಕ ಇಳುವರಿ ಪಡೆಯುವುದರೊಂದಿಗೆ ಸಂಪತ್ತನ್ನು ಹೆಚ್ಚಿಸಿಕೊಳ್ಳುವ ಹತ್ತು ಉತ್ಕೃಷ್ಟ  ಮಾರ್ಗೋಪಾಯಗಳ ಪಟ್ಟಿಯಲ್ಲಿ  ಚಿನ್ನದ ಮೇಲಿನ ಹೂಡಿಕೆ ಕೊನೇ ಸ್ಥಾನದಲ್ಲಿರುವುದನ್ನು ನಾವು ಕಂಡುಕೊಂಡೆವು.

ಆದರೂ ಭಾರತೀಯರಿಗೆ, ವಿಶೇಷವಾಗಿ ಭಾರತೀಯ ಮಹಿಳೆಯರಿಗೆ ಮತ್ತು ಜನಸಾಮಾನ್ಯರಿಗೆ ಅಂದಿಗೂ ಇಂದಿಗೂ ಚಿನ್ನವೇ ಪರಮೋಚ್ಚ ಹೂಡಿಕೆ ಮಾಧ್ಯಮವಾಗಿರುವುದನ್ನು ಯಾರೂ ಅಲ್ಲಗಳೆಯುವಂತಿಲ್ಲ. ಆದುದರಿಂದಲೇ ಸಾಮಾನ್ಯ ಭಾರತೀಯರು ಶೇರು, ಇತ್ಯಾದಿ ಹಣಕಾಸು ಮಾರುಕಟ್ಟೆಗಳ ಗೋಜಿಗೆ ಹೋಗದೆ ಸಣ್ಣ ಸಣ್ಣ ಪ್ರಮಾಣದಲ್ಲಿ ಚಿನ್ನ ಖರೀದಿಸಿಡುವುದು ಸರ್ವವ್ಯಾಪಿಯಾಗಿರುವ ವಿದ್ಯಮಾನವಾಗಿದೆ. 

ಮಕ್ಕಳ ಉಜ್ವಲ ಭವಿಷ್ಯಕ್ಕೆ ಚಿನ್ನದ ಮೇಲಿನ ಹೂಡಿಕೆ ಲಾಭದಾಯಕವೇ ?

ಮಕ್ಕಳ ಉಜ್ವಲ ಭವಿಷ್ಯಕ್ಕೆಂದು ಹಣ ಕೂಡಿಟ್ಟು ಅದನ್ನು ಲಾಭದಾಯಕವಾಗಿ ವೃದ್ದಿಸುವಂತೆ ಮಾಡುವ ನಿಟ್ಟಿನಲ್ಲಿ ಯಾವೆಲ್ಲ ಯೋಜನೆಗಳು, ಮಾರ್ಗೋಪಾಯಗಳು ಇವೆ ಎಂಬ ಕಳೆದ ಹಲವು ವಾರಗಳಿಂದ ನಾವು ನಡೆಸಿಕೊಂಡು ಬಂದಿರುವ ಈ ಚರ್ಚೆಯಲ್ಲಿ ನಾವು ಈ ಬಾರಿ ಚಿನ್ನವನ್ನು ಒಂದು ಹೂಡಿಕೆ ಮಾಧ್ಯಮವಾಗಿ ಹೇಗೆ ಎಂಬುದನ್ನು ಚರ್ಚಿಸಬಹುದಾಗಿದೆ. 

ಅನಾದಿ ಕಾಲದಿಂದಲೂ ಚಿನ್ನವನ್ನು ಮನೆತನ, ಕುಟುಂಬದ ಆಪದ್ಧನ ಎಂದೇ ಪರಿಗಣಿಸಲಾಗಿದೆ. ವರ್ಷಂಪ್ರತಿ ಚಿನ್ನವನ್ನು ಸ್ವಲ್ಪ ಸ್ವಲ್ಪವೇ ಖರೀದಿಸಿಡುವ, ವಿಶೇಷವಾಗಿ ಅಕ್ಷಯ ತೃತೀಯ, ವರಮಹಾಲಕ್ಷ್ಮೀ ವ್ರತ ಇವೇ ಮೊದಲಾದ ಧಾರ್ಮಿಕ ಸಂದರ್ಭಗಳಲ್ಲಿ  ಕುಟುಂಬದ ಸುಖ, ಸಮೃದ್ದಿಗೆಂದು ಚಿನ್ನವನ್ನು ಖರೀದಿಸುವ ಪರಿಪಾಠ ಭಾರತೀಯರಲ್ಲಿ ಲಾಗಾಯಿತಿನಿಂದಲೂ ನಡೆದುಕೊಂಡು ಬಂದಿದೆ.

Pages

Back to Top