CONNECT WITH US  

ಹನಿಗಾರಿಕೆ

ವಿಭಾಗದಲ್ಲಿ ಇಂದು ಹೆಚ್ಚು ಓದಿದ್ದು

ಪ್ರತಿಭಾವಂತರಿಗೆ
ಪ್ರಚಾರ ಸಿಗದಿದ್ದರೆ
ಎಲೆಮರೆಯ ಕಾಯಿ,
ಮದುವೆ ಮನೆಯಲ್ಲಿ
ಬಡಿಸುವುದು
ತಡವಾದರೆ
ಎಲೆ ಮುಂದೆ ಕಾಯಿ!
 ಎಚ್‌. ಡುಂಡಿರಾಜ್‌

ಆಸೆ ಹುಟ್ಟಿಸಿದ್ದ ಅರುಣ
ಕೊನೆಗೂ ಕೈಕೊಟ್ಟನಲ್ಲ
ಮುಗಿಲ ಕೋಟೆಯಿಂದ
ಹೊರಗೆ ಬರಲೇ ಇಲ್ಲ
ಆಪರೇಷನ್‌ ವಿಫ‌ಲ
ಅರಳಲಿಲ್ಲ ಕಮಲ!
 ಎಚ್‌. ಡುಂಡಿರಾಜ್‌
 

ಮೈತ್ರಿ ಸರಕಾರ 
ಉರುಳುವುದಿಲ್ಲ 
ಇನ್ನಷ್ಟು ಕಾಲ ಉಳಿಯುತ್ತದೆ 
ಈ ಹೋರಾಟದಲ್ಲಿ 
ಸರಕಾರದ ಕೆಲಸ 
ಹಾಗೇ ಬಾಕಿ ಉಳಿಯುತ್ತದೆ!
 ಎಚ್‌. ಡುಂಡಿರಾಜ್‌

ವಿಪರೀತ ಮಳೆ ಬಂದು
ಹೊಳೆಗಳು ತುಂಬಿ ಹರಿದು
ಬಿದ್ದವು ಮನೆಗಳು ಕೊಡಗಲ್ಲಿ ,
ಒಳಜಗಳ ಅತೃಪ್ತಿ ಹೆಚ್ಚಾಗಿ
ಸರಕಾರವನ್ನೆ ಬೀಳಿಸುವುದೆ
ಬೆಳಗಾವಿಯ ಜಾರಕಿಹೊಳಿ ?
ಎಚ್‌....

ಕುಸಿದ ಘಾಟಿಗಳು
ಕೆಟ್ಟ ರಸ್ತೆಗಳು
ತುಟ್ಟಿಯಾಗಿದೆ ಇಂಧನ
ಒಂದೇ ಪರಿಹಾರ
ವಿಷ್ಣುವಿನ ಹಾಗೆ
ಆಗೋಣ ಪಕ್ಷಿವಾಹನ!
 ಎಚ್‌. ಡುಂಡಿರಾಜ್‌

ಯಾವುದೇ ಕ್ಷಣದಲ್ಲಿ
ಒಡೆಯಬಹುದು ಮೈತ್ರಿ
ಸರಕಾರವೆಂಬ ಬಲೂನು
ಚುಚ್ಚಲು ಸಿದ್ಧವಾಗಿ
ಕಾಯುತ್ತಿವೆಯಂತೆ
ನಾಲ್ಕು ಕಿಂಗ್‌ ಪಿನ್ನು!

 ಎಚ್‌. ಡುಂಡಿರಾಜ್‌

ಎಷ್ಟು ಬಡಿಸಿದರೂ
ತಿಂದು ಮುಗಿಸುತ್ತೇನೆ
ಒಂದು ಚೂರೂ ಬಿಡೆ,
ಅರೋಗ್ಯ ಚೆನ್ನಾಗಿದೆ
ತಿಂದದ್ದು ಅರಗುತ್ತದೆ
ಇಲ್ಲ ಸಂಕೋಚ, ಭಿಡೆ!

ಎಚ್‌. ಡುಂಡಿರಾಜ್‌

ಕರ್ನಾಟಕದ ದೋಸ್ತಿ
ಸರಕಾರದ ಪ್ರಭಾವ
ಕಾಣಿಸುತ್ತಿದೆ ಆಕಾಶದಲ್ಲೂ
ವೈರ ಮರೆತು ಒಟ್ಟಿಗೆ
ಆಡಳಿತ ನಡೆಸುತ್ತಿವೆ
ಮಳೆ ಮತ್ತು ಬಿಸಿಲು!
ಎಚ್‌.ಡುಂಡಿರಾಜ್‌

ಭಿನ್ನಾಭಿಪ್ರಾಯವಿದ್ದರೂ
ಮೋದಿಯನ್ನು ಸೋಲಿಸಲು
ಒಂದಾಗಿರುವ ನಾಯಕರು
ಬಂದ್‌ ಮಾಡಲು
ಕರೆ ನೀಡುವ
"ಬಂದು' ಮಿತ್ರರು!
 ಎಚ್‌. ಡುಂಡಿರಾಜ್‌ 

ಹಾಸ್ಯಕವಿತೆ ಓದುಗರಿಗೆ
ನೀಡಬೇಕು ಮುದ
ಅದಕ್ಕಾಗಿ ಹುಡುಕಬೇಕು
ಸೂಕ್ತವಾದ ಪದ
ಸಿಗದಿದ್ದರೆ ಕವಿಯ ಸ್ಥಿತಿ
ಹಾಸ್ಯಾಸ್ಪದ!
 ಎಚ್‌. ಡುಂಡಿರಾಜ್‌ 
 

ವಿಐಪಿಗಳ ಜೊತೆ ಯಾವಾಗಲೂ
ಕಾಣಿಸಿಕೊಳ್ಳುವ ಅವನಾರು?
ಯಾರಿಗೂ ಗೊತ್ತಿಲ್ಲ ಕಪ್ಪುಡುಗೆಯ
ಆತನ ಕುಲಗೋತ್ರ, ಹೆಸರು
ಆದರೂ ಮಿಂಚುವನು ಟಿವಿಯಲ್ಲಿ
ಹೂವಿನ ಜೊತೆಗೆ ನಾರು!
...

ಸ್ಥಳೀಯ ನಾಯಕರಿಗೆ
ಬೆಲೆಯೇ ಇಲ್ಲ
ರಾಷ್ಟ್ರೀಯ ಪಕ್ಷದಲ್ಲಿ
ಬೆಳಗಾವಿಯ ಒಳ 
ಜಗಳವೂ ಕೊನೆಗೆ
ತಲುಪುತ್ತದೆ ದೆಹಲಿ!
 ಎಚ್‌. ಡುಂಡಿರಾಜ್‌ 

ನಗರೀಕರಣ , ಮಾಲಿನ್ಯ
ಮಿತಿಮೀರಿದಾಗ ಮಾತ್ರ
ತೋರುತ್ತದೆ ಪ್ರಕೃತಿ ವಿಕೋಪ
ಕಾರಣವೇ ಇಲ್ಲದೆ
ದಿನವೂ ಪತಿಯ ಮೇಲೆ
ಹೆಂಡತಿಯ ಕೋಪ ತಾಪ!
 ಎಚ್‌. ಡುಂಡಿರಾಜ್‌

ಮನೆಯೊಂದು ಖಾಸಗಿ
ಪ್ರಾಥಮಿಕ ಶಾಲೆ
ತಾಯಿಯೇ ಅಲ್ಲಿ ಗುರು
ಮಕ್ಕಳಿಗೆ ಅಕ್ಕರೆಯಿಂದ
ಪಾಠ ಕಲಿಸುತ್ತಾಳೆ
ಗಂಡನನ್ನು ಕಂಡರೆ
ಗುರುಗುರು!
 ಎಚ್‌. ಡುಂಡಿರಾಜ್‌

ಯರೋಪ್‌ ಪ್ರವಾಸಕ್ಕೆ
ಹೊರಟರು ಸಿದ್ದು
ಕೋಟು ಪ್ಯಾಂಟು ತೊಟ್ಟು
ಪಂಚೆ ಶಾಲಿನ ಜತೆ
ಸಂಪುಟ ವಿಸ್ತರಣೆಯನ್ನೂ
ನೀರಿನಲ್ಲಿ ನೆನೆಸಿಟ್ಟು!
(ಹೆಚ್ಚಿಸಿ ಆಕಾಂಕ್ಷಿಗಳ ಸಿಟ್ಟು)...

ಹಾಲು ಮೊಸರು ಬೆಣ್ಣೆ
ತುಪ್ಪ ತಿಂದು ತೇಗಿರಿ
ಕೊಲೆಸ್ಟಿರಾಲ್‌ ಚಿಂತೆ ಬಿಡಿ
ಶಕ್ತಿವಂತರಾಗಿರಿ
ನನ್ನ ಹಾಗೆ ಆಗಿರಿ
ಬೆರಳಿನಲ್ಲಿ ಎತ್ತಬಹುದು
ಅದೋ ನೋಡಿ ಆ ಗಿರಿ 
...

ಸರ್ಕಾರ ಹೇಳುತ್ತಿದೆ
ಜಿಡಿಪಿ ಹೆಚ್ಚಾಗಿದೆ
ಶಹಭಾಸ್‌, ಭಲೆ ಭಲೆ
ಆದರೂ ಯಾಕೋ
ಏರುತ್ತಲೇ ಇದೆ
ಅಗತ್ಯ ವಸ್ತುಗಳ ಬೆಲೆ!
 ಎಚ್‌. ಡುಂಡಿರಾಜ್‌

ಏನಿದ್ದರೂ ಸಮನ್ವಯ
ಸಮಿತಿಯಲ್ಲಿ ಹೇಳಿ
ಉಂಟಲ್ಲ ಈ ಚಾವಡಿ,
ಚಿಕ್ಕ ಮಕ್ಕಳ ಹಾಗೆ
ದೆಹಲಿಗೆ ಓಡಿ
ಹೇಳಬೇಡಿ ಚಾಡಿ!
 ಎಚ್‌. ಡುಂಡಿರಾಜ್‌

ಭವಿಷ್ಯ, ವಾಸ್ತು ಪ್ರಕಾರ 
ಭದ್ರವಾಗಿದೆ ಸರಕಾರ 
ಉಂಟು ಆ ದೇವರ ದಯೆ 
ಕೈ ಪಕ್ಷದವರು 
ಹೇಳಿದಂತೆ ಕುಣಿಯಲು 
ನಾನವರ ಕೈಗೊಂಬೆಯೇ?
 ಎಚ್‌. ಡುಂಡಿರಾಜ್‌

ಗಾಡ್ಗಿಳ್‌ ವರದಿಯಲ್ಲಿ
ಹೇಳಿದ ಕಹಿ ಸತ್ಯ
ಅರ್ಥವಾಯಿತು ಕಡೆಗೂ
ಧನದಾಹಿಗಳ ತಪ್ಪಿಗೆ
ಶಿಕ್ಷೆ ಅನುಭವಿಸಿತು
ಕಲಿಗಳ ನಾಡು ಕೊಡಗು
 ಎಚ್‌. ಡುಂಡಿರಾಜ್‌

Back to Top