CONNECT WITH US  

ಜಾತಕ ಫ‌ಲ

 ಲಾವಣ್ಯ ಶುಭಕರ್‌, ಮಾಜಾಳಿ

 ನನಗೀಗ 23 ವರ್ಷ. ನನ್ನ ಜಾತಕ ಲಗತ್ತಿಸಿದ್ದೇನೆ. ಗುರೂಜಿ. ನನಗೆ ಈಗ ಐಎಎಸ್‌, ಕೆಎಎಸ್‌ ಮಾಡುವಾಸೆ. ಮನೆಯಲ್ಲಿ ಮದುವೆಗೆ ಒತ್ತಡ ತರುತ್ತಿದ್ದಾರೆ. ನನ್ನ ಜಾತಕದಲ್ಲಿ ಈ ಪರೀಕ್ಷೆಗಳನ್ನು ಪಾಸು ಮಾಡಬಹುದಾ? ಮುಂದೆ ಎರಡು ವರ್ಷಗಳ ನಂತರದಲ್ಲಿ ಮದುವೆಯಾದರೆ ಆಗಬಹುದೆ? ಜೀವನದಲ್ಲೀಗ ಯಾವ ಹೆಜ್ಜೆಯಿಂದಾಗಿ ಗೆಲವು ಸಿಗಬಹುದು?

 ನಿಮ್ಮ ಜಾತಕದಲ್ಲೀಗ ಗುರು ಬಲ ಸಮೃದ್ಧಿಯಾಗಿ ಒದಗಿಬರುತ್ತಿರುವುದರಿಂದ ಮದುವೆಯಾಗುವುದು ಒಂದು ಬಗೆಯಲ್ಲಿ ಸೂಕ್ತ. ಬಾಳ ಸಂಗಾತಿಯ ಸ್ಥಳದ ಅಧಿಪತಿಯು ಬಲವಾಗಿದ್ದು ಅವನ ದಶಾಕಾಲವಾಗಿರುವುದು ಮದುವೆಗಿದು ಸೂಕ್ತ ಸಮಯ. ಮದುವೆಯಾಗಿಯೂ ಐಎಎಸ್‌, ಕೆಎಎಸ್‌ಗೆ ಸ್ಪರ್ಧಿಸಬಹುದು. ಒಮ್ಮೆ ಪಂಚಮ ಶನಿಕಾಟ ಶುರುಗೊಂಡರೆ ನಂತರದ ಎರಡೂವರೆ ವರ್ಷಗಳ ಕಾಲ ನಿಮ್ಮ ಜಾತಕದಲ್ಲಿ ಲಗ್ನಕ್ಕೆ ಅಡ್ಡಿ, ಆತಂಕಗಳು ಹುಟ್ಟುತ್ತ ಹೋಗುತ್ತದೆ. ಪ್ರತಿ ದಿನ ಶ್ರೀಲಲಿತ ತ್ರಿಶತ ನಾಮಾವಳಿ ಓದಿ. ಅಭಿಮಂತ್ರಿತವಾದ ಪಚ್ಚೆಯನ್ನು ಬಲಗೈ ಕಿರುಬೆರಳಿಗೆ ಬಂಗಾರದಲ್ಲಿ ಧರಿಸಿ.

  ಸಿದ್ಧಿ ವಿನಾಯಕ ಎಸ್‌.ವಿ, ತಿಪಟೂರು

  ನನ್ನ ಮತ್ತು ಪತ್ನಿಯ ಜಾತಕಗಳನ್ನು  ಕಳುಹಿಸಿದ್ದೇನೆ. ಯಾಕೋ ಸರಿಯಾಗಿಯೇ ಇದ್ದ ದಾಂಪತ್ಯ ಇತ್ತೀಚೆಗೆ ಕೆಲ ಬಿರುಕಗಳನ್ನು, ತಪ್ಪು ಅಭಿಪ್ರಾಯಗಳನ್ನು ಒಡ ಮೂಡಿಸುತ್ತಿದೆ. ತವರು ಮನೆಗೆ ಹೊರಟು ಬಿಡುತ್ತಾಳೆ. ಇನ್ನೂ ಮಕ್ಕಳಾಗಿಲ್ಲ. ಮದುವೆಯ ವೇಳೆ ನೀಡಿದ್ದ ವಜ್ರದ ಉಂಗುರವನ್ನು ಕಳಕೊಂಡಾಗ ಒಮ್ಮೆ ಸಿಟ್ಟು ಬಂದು ಏರು ಧ್ವನಿಯಲ್ಲಿ ಕೂಗಾಡಿದ್ದೇ ಅವಳು ತನ್ನನ್ನು ಸಿಂಹಿಣಿಯನ್ನಾಗಿಸಿಕೊಂಡಿದ್ದಾಳೆ. ಇದನ್ನು ಮತ್ತೆ ಅನ್ಯೋನ್ಯತೆಗೆ ಹೇಗೆ ತರುವುದು?

  ಶನೈಶ್ಚರನ ಕಾಟದ ಸಂದರ್ಭ ಇಬ್ಬರಿಗೂ ಬಲವಾಗಿದ್ದು ಬಿರುಗಾಳಿಗೆ ಉರುವಲು ನೀಡಿದೆ. ಸದ್ಯ ಮನದ ನಿರಾಳತೆಗೆ ಶನೈಶ್ಚರನ ಜೊತೆ ಚಂದ್ರನ ಕ್ಷೀಣತ್ವವೂ ಸೇರಿ ವಿವಾದದ ವಿಸ್ತಾರ ತೀವ್ರವಾಗಿದೆ. ನಿಮ್ಮ ಮನೆಯವರ ರಾಹು, ಕುಜ ಸಂಯೋಜನೆ ದಿಕ್ಕನ್ನು ತಪ್ಪಿಸುವ ಬಗೆಯದು. ಶರ್ಮದಾಯಿನಿ ಸೂಕ್ತವನ್ನು ಓದಿ. ಪಾರ್ವತಿಯ ಸಂತೃಪ್ತಿಯಿಂದ ಶುಕ್ರನ ಭಾಗ್ಯ ಸಂವೇದಕ ಕ್ರಿಯಾಶೀಲತೆಗೆ ಬಲವು ಒದಗಿ ಬರುತ್ತದೆ. ಪ್ರತಿ ದಿನ ಸುಂದರಕಾಂಡ ಪಠಿಸಿ. ಇನ್ನೊಂದು ವರ್ಷದ ಅವಧಿಯಲ್ಲಿ ಅಡತಡೆಯ ದುರ್ಭರತೆಗಳು ಮಾಯವಾಗಿ ಹೊಂದಾಣಿಕೆಗೆ ಗಟ್ಟಿತನ ಒದಗಲಿದೆ. ಸಂತಾನ ಗೋಪಾಲಕೃಷ್ಣ ಜಪವನ್ನು, ಶಿವ ಸಹಸ್ರನಾಮವನ್ನೂ ಓದಿ. ಸಂತಾನ ವೃದ್ಧಿಗೆ ಸಫ‌ಲತೆ ಸಾಧ್ಯ. 

 ಕುಮಾರಿ ಪದ್ಮ, ಹೂವಿನ ಹಡಗಲಿ

 ನಾನೊಂದು ಎಂ.ಎನ್‌.ಸಿ ಕಂಪನಿಯಲ್ಲಿ ಉದ್ಯೋಗಿ. ನನಗೆ ಕೆಲ ಜನರ ಕುತಂತ್ರದಿಂದ ಜರ್ಮನಿಗೆ ಹೋಗುವ ಅವಕಾಶ ವಿಳಂಬವಾಗುತ್ತಿದೆ. ನನ್ನ ಜಾತಕ ಕಳಿಸಿದ್ದೇವೆ. ಜರ್ಮನಿಗೆ ಹೋಗುವ, ಇದರಿಂದಾಗಿ ತದನಂತರದ ಸಾಫ‌ಲ್ಯತೆ ಸಾಧ್ಯವೆ?

  ಜುಲೈ, ಆಗಸ್ಟ್‌ ತಿಂಗಳಿನ ಸಂದರ್ಭದಲ್ಲಿ ಕೆಲವು ಗ್ರಹಗಳ ಸ್ಥಾನಾಂತರಗಳು ನಿಮ್ಮ ಕರ್ಮಸ್ಥಾನ (ಕೆಲಸದ ಸ್ಥಳ)ವನ್ನು ಸಕಾರಾತ್ಮಕವಾಗಿ ಸ್ಪಂದಿಸಲಿದೆ. ಹೀಗಾಗಿ ನಿಮ್ಮ ಪ್ರಸ್ತುತದ ಯೋಜನೆಗಳಿಗೆ ಬರಲಿರುವ ವರ್ತಮಾನ ಒಳಿತನ್ನು ಸಂಪಾದಿಸಿಕೊಡಲಿದೆ. ಪ್ರತಿದಿನ ಶ್ರೀ ದತ್ತಾತ್ರೇಯ ಕವಚವನ್ನು ಪಠಿಸಿ. ಆನಂದದಾಯಕಿಯಾದ ರಾಜರಾಜೇಶ್ವರಿಯನ್ನು ಸ್ತುತಿಸಿ. 

Trending videos

Back to Top