CONNECT WITH US  

'ಭಜರಂಗಿ ಭಾಯಿಜಾನ್' ಕಥೆ ಹಿಂದಿದೆ ಇಂಟರೆಸ್ಟಿಂಗ್ ಸ್ಟೋರಿ...!

ಸಲ್ಮಾನ್ ಖಾನ್'ರನ್ನು ಬಾಲಿವುಡ್'ನ ಬಾಕ್ಸಾಫೀಸ್ ಸುಲ್ತಾನನೆಂಬ ಪಟ್ಟಕ್ಕೇರಿಸಿದ ಭಜರಂಗಿ ಭಾಯಿಜಾನ್ ಚಿತ್ರ ವೀಕ್ಷಿಸಿ ಮಿಸ್ಟರ್ ಪರ್ಫೆಕ್ಷನಿಸ್ಟ್ ಅಮೀರ್ ಖಾನ್ ಭಾವುಕರಾಗಿ ಕಣ್ಣೀರಿಟ್ಟಿದ್ದರು.

ಇದೇ ಭಜರಂಗಿ ಭಾಯಿಜಾನ್ ಚಿತ್ರದಲ್ಲಿ ಭಜರಂಗಿಯ ಪಾತ್ರಕ್ಕೆ ಅನೇಕ ನಟರನ್ನು ಸಂಪರ್ಕಿಸಿರುವ ವಿಷಯವು ಚಿತ್ರದ ಯಶಸ್ಸಿನ ಬಳಿಕ ತಡವಾಗಿ ಬೆಳಕಿಗೆ ಬರುತ್ತಿರುವುದು ವಿಶೇಷ.

ಭಜರಂಗಿ ಭಾಯಿಜಾನ್ ಚಿತ್ರದ ಕಥೆಗಾರ ಕೆ.ವಿ ವಿಜಯೇಂದ್ರ ಪ್ರಸಾದ್ ತಮ್ಮ ಪುತ್ರ ನಿರ್ದೇಶಕ ಎಸ್.ರಾಜಮೌಳಿಯೊಂದಿಗೆ ಹಿಂದಿಯಲ್ಲಿ ಒಂದು ಸ್ಕ್ರಿಪ್ಟ್ ತಯಾರಿಸಲು ನಿರ್ಧರಿಸಿದ್ದರು.

ಸ್ಕ್ರಿಪ್ಟ್ ರೆಡಿ ಮಾಡಿ ಬಿಟೌನ್ ಕಡೆ ಮುಖ ಮಾಡಿದ ವಿಜಯೇಂದ್ರ ಪ್ರಸಾದ್ ಮೊದಲು ಸಂಪರ್ಕಿಸಿದ್ದು ಕಥೆಗಳ ಆಯ್ಕೆಯ ಜಾಣ ಎಂದು ಖ್ಯಾತಿ ಪಡೆದಿರುವ ಅಮೀರ್ ಖಾನ್'ರನ್ನು ಎಂಬುದೇ ಈಗ ಅಚ್ಚರಿ ವಿಷಯ. 

ಭಾರತ-ಪಾಕ್ ನಡುವಿನ ಸೌಹಾರ್ದತೆಯ ಕಾಲ್ಪನಿಕ ಕಥೆಯನ್ನು ಇಷ್ಟಪಟ್ಟಿದ್ದ ಅಮೀರ್ ಖಾನ್ ರಾಜಕೀಯ ವಿಷಯವಾಗಿರುವುದರಿಂದ ಚಿತ್ರಕಥೆಯಲ್ಲಿ ಕೆಲವೊಂದು ಮಾರ್ಪಾಡು ಮಾಡಬೇಕೆಂದು ಬಯಸಿದ್ದರು.

ಆದರೆ ವಿಜಯೇಂದ್ರ ಪ್ರಸಾದ್'ರವರು ಸ್ಕ್ರಿಪ್ಟ್'ನಲ್ಲಿ ಯಾವುದೇ ಬದಲಾಣೆಯನ್ನು ತರಲು ಒಪ್ಪಲಿಲ್ಲ.ಅಲ್ಲಿಗೆ ಅಮೀರ್ ಖಾನ್'ರಿಂದ ಚಿತ್ರವು ರಿಜೆಕ್ಟ್ ಆಯಿತು.

ಸ್ಟಾರ್ ನಟರಿಂದ ಮಾತ್ರ ತಮ್ಮ ಚಿತ್ರಕಥೆಗೆ ನ್ಯಾಯ ಸಿಗುವುದು ಎಂಬ ಅರಿವಿದ್ದ ವಿಜಯೇಂದ್ರ ಪ್ರಸಾದ್ ಬಾಲಿವುಡ್ ಹಂಕ್ ಹೃತಿಕ್ ರೋಷನ್'ರಿಗೂ ಸ್ಕ್ರಿಪ್ಟ್ ಕೇಳಿಸಲಾಯಿತು. ಚಿತ್ರಕ್ಕೆ ಒಕೆ ಎಂದ ಹೃತಿಕ್ ಮಾತ್ರ ಚಿತ್ರದ ಸ್ಕ್ರಿಪ್ಟ್'ಗೆ 2ಕೋಟಿ ಅತಿಯಾಯಿತು ಎಂದು ಚಿತ್ರದಿಂದ ಹಿಂದೆ ಸರಿದರು ಎಂಬ ವಿಷಯ ಈಗ ಬಿಟೌನ್'ನಲ್ಲಿ ಹರಿದಾಡುತ್ತಿದೆ.

ಚಿತ್ರದ ಸ್ಕ್ರಿಪ್ಟ್ ವಿಷಯ ಅದೇಗೊ ಸಲ್ಮಾನ್ ಖಾನ್ ಕಿವಿಗೂ ಬಿದ್ದಿದೆ, ಸ್ಟೋರಿ ಕೇಳಿ ಖೂಷಿಯಾದ ಸಲ್ಮಾನ್ ಖಾನ್ ಕಥೆಗೆ ಮೆಚ್ಚುಗೆ ಸೂಚಿಸಿದ್ದಾರೆ. ಅಷ್ಟೇ ಅಲ್ಲದೆ ತಕ್ಷಣವೇ ವಿಜಯೇಂದ್ರ ಪ್ರಸಾದ್'ಗೆ ಅಡ್ವಾನ್ಸ್ 50ಲಕ್ಷವನ್ನು ನೀಡಿ ಚಿತ್ರದ ಸ್ಕ್ರಿಪ್ಟ್'ನ್ನು ಖರೀದಿಸಲು ಮುಂದಾದರು ಎಂಬ ವಿಷಯ ಈಗ ಹೊರಬಿದ್ದಿದೆ. 

ಬಾಲಿವುಡ್'ನ ಖ್ಯಾತನಾಮರಿಂದ ರಿಜೆಕ್ಟ್ ಆದ ಭಜರಂಗಿ ಭಾಯಿಜಾನ್ ಚಿತ್ರವು ಈಗ ಬಾಕ್ಸಾಫೀಸ್ ಕೊಳ್ಳೆ ಹೊಡೆದು ಬಾಲಿವುಡ್ ಅಂಗಳದಲ್ಲಿ ನೂತನ ದಾಖಲೆಗಳ ಸುರಿಮಳೆಗೈಯ್ಯುತ್ತಿರುವುದು ಮಾತ್ರ ವಿಶೇಷ.

-ಕಪ್ಪು ಮೂಗುತ್ತಿ

Trending videos

Back to Top