ನಾಳೆ ರಕ್ಷಿತ್-ರಶ್ಮಿಕಾ ನಿಶ್ಚಿತಾರ್ಥ
Team Udayavani, Jul 2, 2017, 4:14 PM IST
ರಕ್ಷಿತ್ ಶೆಟ್ಟಿ ಖುಷಿಯ ಮೂಡ್ನಲ್ಲಿದ್ದಾರೆ. ಅದಕ್ಕೆ ಕಾರಣ ಅವರ ನಿಶ್ಚಿತಾರ್ಥ ಎಂದು ಪ್ರತ್ಯೇಕವಾಗಿ
ಹೇಳುವ ಅಗತ್ಯವಿಲ್ಲ. ಹೌದು, ನಾಳೆ ರಕ್ಷಿತ್ ಶೆಟ್ಟಿ ನಿಶ್ಚಿತಾರ್ಥ ರಶ್ಮಿಕಾ ಜೊತೆ ನಡೆಯಲಿದೆ.
ವಿರಾಜಪೇಟೆಯ ಸೆರೆನೆಟಿ ಸಭಾಂಗಣದಲ್ಲಿ ಸೋಮವಾರ ಸಂಜೆ 6 ಗಂಟೆಗೆ ರಕ್ಷಿತ್ ಶೆಟ್ಟಿ-ರಶ್ಮಿಕಾ
ಮಂದಣ್ಣ ನಿಶ್ಚಿತಾರ್ಥ ಅದ್ಧೂರಿಯಾಗಿ ಜರುಗಲಿದೆ. ಎರಡೂ ಕುಟುಂಬದ ಆಪೆ¤ಷ್ಟರಷ್ಟೇ ಈ
ನಿಶ್ಚಿತಾರ್ಥದಲ್ಲಿ ಭಾಗವಹಿಸುತ್ತಿದ್ದು, ಸುಮಾರು 400 ರಿಂದ 500 ಮಂದಿ ನಿಶ್ಚಿತಾರ್ಥಕ್ಕೆ
ಸಾಕ್ಷಿಯಾಗಲಿದ್ದಾರೆ.
ರಕ್ಷಿತ್ ಹಾಗೂ ರಶ್ಮಿಕಾ ವಜ್ರದ ಉಂಗುರುಗಳನ್ನು ಬದಲಿಸಿಕೊಳ್ಳುವ ಮೂಲಕ ಎಂಗೇಜ್ ಆಗಲಿದ್ದಾರೆ. ರಕ್ಷಿತ್ ಶೆಟ್ಟಿ ಬ್ಲೇಜರ್ನಲ್ಲಿ ಕಂಗೊಳಿಸಲಿದ್ದು, ರಶ್ಮಿಕಾ ಕೂಡಾ ವಿಶೇಷವಾಗಿ ವಿನ್ಯಾಸಗೊಳಿಸಲಾದ ಉಡುಗೆಯಲ್ಲಿ ಮಿಂಚಲಿದ್ದಾರೆ. ರಕ್ಷಿತ್ ಊರಿಂದ ಅವರ ಕುಟುಂಬಸ್ಥರು, ಸ್ನೇಹಿತರು ಇಂದು ಬೆಳಗ್ಗೆ ವಿರಾಜಪೇಟೆಗೆ ತೆರಳಲಿದ್ದು, ಅವರಿಗೆ ಅಲ್ಲಿ ರೆಸಾರ್ಟ್ನಲ್ಲಿ ವ್ಯವಸ್ಥೆ ಮಾಡಲಾಗಿದೆ.
ರಕ್ಷಿತ್ ಕರಾವಳಿ ಹುಡುಗ. ರಶ್ಮಿಕಾ ಕೂರ್ಗ್ ಬೆಡಗಿ. ಇವರ ನಿಶ್ಚಿತಾರ್ಥದ ಊಟೋ ಪಚಾರ ಹೇಗಿರುತ್ತದೆ ಎಂಬ ಕುತೂಹಲ ಅನೇಕರಿಗಿರುತ್ತದೆ. ರಕ್ಷಿತ್ ನಿಶ್ಚಿತಾರ್ಥದಲ್ಲಿ ಕರಾವಳಿ ಖಾದ್ಯಗಳ ಜೊತೆಗೆ ಕೂರ್ಗ್ನ ಸ್ಪೆಷಲ್ ಖಾದ್ಯಗಳನ್ನು ಕೂಡಾ ಮಾಡಿಸಲಾಗುತ್ತದೆಯಂತೆ. ಎರಡೂ ಕಡೆಯ ಜನರು ಅವರಿಗೆ ಇಷ್ಟಬಂದ ಖಾದ್ಯಗಳನ್ನು ಸವಿಯಲು ಇಲ್ಲಿ ಅವಕಾಶವಿದೆ.
ಎರಡೂ ಕುಟುಂಬಗಳು ನಿಶ್ಚಿತಾರ್ಥ ಸಂಭ್ರಮದಲ್ಲಿ ಓಡಾಡುತ್ತಿದ್ದರೆ, ರಕ್ಷಿತ್ ಮತ್ತು ರಶ್ಮಿಕಾ ದುಬೈನಲ್ಲಿ ಅವಾರ್ಡ್ ಸ್ವೀಕರಿಸುವಲ್ಲಿ ಬಿಝಿ. ಹೌದು, ಸೈಮಾ ಅವಾರ್ಡ್ನಲ್ಲಿ “ಕಿರಿಕ್ ಪಾರ್ಟಿ’ ಚಿತ್ರಕ್ಕೆ ಆರು ಪ್ರಶಸ್ತಿಗಳು ಬಂದಿದ್ದು, ಆ ಸಮಾರಂಭಕ್ಕೆ ರಕ್ಷಿತ್-ರಶ್ಮಿಕಾ ಸೇರಿದಂತೆ “ಕಿರಿಕ್ ಪಾರ್ಟಿ’ ತಂಡ ದುಬೈಗೆ ತೆರಳಿತ್ತು. ಇಂದು ಮುಂಜಾನೆ ಬೆಂಗಳೂರಿಗೆ ಮರಳಿರುವ ರಕ್ಷಿತ್-ರಶ್ಮಿಕಾ,ಏರ್ಫೋರ್ಟ್ ನಿಂದ ನೇರವಾಗಿ ಕೂರ್ಗ್ಗೆ ತೆರಳಿದ್ದಾರೆ
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Hunsur: ನಾಗರಹೊಳೆಯಲ್ಲಿ ದುಷ್ಕರ್ಮಿಗಳ ಗುಂಡೇಟಿಗೆ ಕಾಡುಕೋಣ ಬಲಿ
Daily Horoscope: ಉದ್ಯೋಗದಲ್ಲಿ ಪ್ರತಿಭೆಗೆ ಗೌರವ, ದೇವತಾರಾಧನೆಯ ಮೂಲಕ ವಿಘ್ನ ನಿವಾರಣೆ
Srirangapatna: ಐಸ್ ಕ್ರೀಂನಲ್ಲಿ ವಿಷ ಬೆರೆಸಿ ಮಕ್ಕಳ ಕೊಂದ ತಾಯಿ
Loksabha Election; ದೇಶದಲ್ಲಿ ಹಂತ-1: ಮತ ಇಂದು
Ls Polls: ಕಾಂಗ್ರೆಸ್ ಗೆಲ್ಲಿಸದಿದ್ದರೆ ಸಿದ್ದು ಸ್ಥಾನಕ್ಕೆ ಕಂಟಕ; ಸಚಿವ ಬೈರತಿ ಸುರೇಶ್