ರಚಿತಾ ಏಪ್ರಿಲ್ ಕನಸು; ಹುಟ್ಟುಹಬ್ಬದಂದೂ ಬುಲ್ ಬುಲ್ ಬಿಝಿ
Team Udayavani, Oct 4, 2018, 5:29 PM IST
ನಟಿ ರಚಿತಾ ರಾಮ್ ನಿನ್ನೆಯಷ್ಟೇ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದಾರೆ. ಹಾಗಂತ ಅವರು ಶೂಟಿಂಗ್ಗೆ ಚಕ್ಕರ್ ಹಾಕಿ, ಹುಟ್ಟುಹಾಕಿ ಆಚರಿಸಿಕೊಂಡಿಲ್ಲ. “ಐ ಲವ್ ಯೂ’ ಸೆಟ್ನಲ್ಲೇ ಅವರ ಹುಟ್ಟುಹಬ್ಬ ನಡೆದು ಹೋಗಿದೆ. ಹಾಸನ ಬಳಿಯ ಕಾಲೇಜೊಂದರಲ್ಲಿ “ಐ ಲವ್ ಯೂ’ ಚಿತ್ರದ ಮಾತಿನ ಭಾಗದ ಚಿತ್ರೀಕರಣ ನಡೆಯುತ್ತಿದ್ದು, ರಚಿತಾ ಚಿತ್ರೀಕರಣದಲ್ಲಿ ಭಾಗಿಯಾಗಿದ್ದಾರೆ. ಆದರೆ, ರಚಿತಾ ರಾಮ್ಗೊಂದು ಆಸೆ ಇತ್ತಂತೆ. ಅದು ತಮ್ಮ “ಏಪ್ರಿಲ್’ ಸಿನಿಮಾದ ಟೀಸರ್ ಬಿಡುಗಡೆ ಮಾಡಬೇಕೆಂದು. “ಏಪ್ರಿಲ್’ ನಾಯಕಿ ಪ್ರಧಾನ ಚಿತ್ರವಾಗಿದ್ದು, ರಚಿತಾ ಇಲ್ಲಿ ನಟಿಸುತ್ತಿದ್ದಾರೆ.
ಈ ಚಿತ್ರದ ಟೀಸರ್ ಅನ್ನು ತಮ್ಮ ಹುಟ್ಟುಹಬ್ಬ ದಿನ ಬಿಡುಗಡೆ ಮಾಡಬೇಕು, ತಮ್ಮ ಆತ್ಮೀಯ ಬಳಗವನ್ನೆಲ್ಲಾ ಆಹ್ವಾನಿಸಬೇಕೆಂದುಕೊಂಡಿದ್ದರಂತೆ ರಚಿತಾ. ಆದರೆ, ತಾಂತ್ರಿಕ ಕಾರಣಗಳಿಂದಾಗಿ ಅದು ಸಾಧ್ಯವಾಗಿಲ್ಲ. ಸದ್ಯದಲ್ಲೇ ಅದ್ಧೂರಿ ಕಾರ್ಯಕ್ರಮ ಮೂಲಕ ಟೀಸರ್ ಬಿಡುಗಡೆ ಮಾಡುವ ಯೋಚನೆ ರಚಿತಾಗಿದೆ. ಅದು ಬಿಟ್ಟರೆ, ರಚಿತಾ ಸಿಕ್ಕಾಪಟ್ಟೆ ಬಿಝಿ. ಸದ್ಯ “ಐ ಲವ್ ಯೂ’ ಶೂಟಿಂಗ್. ಅದು ಮುಗಿಸಿಕೊಂಡು ಅಕ್ಟೋಬರ್ 7 ರಿಂದ “ರುಸ್ತುಂ’ ತಂಡ ಸೇರಿಕೊಳ್ಳಲಿದ್ದಾರೆ.
ಇಲ್ಲಿ ವಿವೇಕ್ ಒಬೆರಾಯ್ ಜೋಡಿಯಾಗಿ ರಚಿತಾ ಕಾಣಿಸಿಕೊಳ್ಳುತ್ತಿದಾರೆ. ಹಾಗಂತ ಏನು ಪಾತ್ರ ಎಂದು ಕೇಳಿದರೆ ಅದಕ್ಕೆ ಉತ್ತರವಿಲ್ಲ. “ರುಸ್ತುಂ’ ಮುಗಿಸಿಕೊಂಡು “ಸೀತಾರಾಮ ಕಲ್ಯಾಣ’ ಚಿತ್ರದ ಹಾಡುಗಳ ಚಿತ್ರೀಕರಣ. ಅದರ ಬೆನ್ನಿಗೆ “ನಟ ಸಾರ್ವಭೌಮ’. ಈ ಎಲ್ಲಾ ಚಿತ್ರಗಳು ಮುಗಿದ ನಂತರ “ಏಪ್ರಿಲ್’ ಶುರುವಾಗಲಿದೆ. ಇದರ ನಡುವೆಯೇ ರಚಿತಾ, ಶಿವರಾಜಕುಮಾರ್ ನಾಯಕರಾಗಿರುವ ಚಿತ್ರದಲ್ಲಿ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಹೀಗೆ ಸತತವಾಗಿ ರಚಿತಾ ಬಿಝಿಯಾಗಿರುವುದು ಸುಳ್ಳಲ್ಲ.
“ಶೂಟಿಂಗ್ ಮೇಲೆ ಶೂಟಿಂಗ್ ನಡೆಯುತ್ತಿದೆ. ಭಾನುವಾರವೂ ಫ್ರೀ ಇಲ್ಲ. ಒಮ್ಮೊಮ್ಮೆ ಬ್ರೇಕ್ ಬೇಕು ಅನಿಸುತ್ತದೆ. ಆದರೆ, ಎರಡು ದಿನ ಮನೆಯಲ್ಲಿ ಕುಳಿತಾಗ ಮತ್ತೆ ಶೂಟಿಂಗ್ಗೆ ಹೋಗಬೇಕೆನಿಸುತ್ತೆ’ ಎನ್ನುವುದು ರಚಿತಾ ಮಾತು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Kejriwal ಪತ್ನಿಯನ್ನು ರಾಬ್ರಿ ದೇವಿಗೆ ಹೋಲಿಸಿದ ಕೇಂದ್ರ ಸಚಿವ ಹರ್ದೀಪ್ ಪುರಿ
Kannada Cinema; ಸ್ನೇಹಿತರ ಸುತ್ತ ‘ಪಾರ್ಟ್ನರ್’: ಟ್ರೇಲರ್, ಆಡಿಯೋದಲ್ಲಿ ಹೊಸಬರ ಚಿತ್ರ
Mukhtar Ansari ಸಾವಿನ ಪ್ರಕರಣ: ನ್ಯಾಯಾಂಗ ತನಿಖೆಗೆ ಆದೇಶಿಸಿದ ಕೋರ್ಟ್
ವಿಕಸಿತ ಭಾರತದಂತ ಬಲಾಢ್ಯ ಕಲ್ಪನೆ ಕಾಂಗ್ರೆಸ್ ಎಷ್ಟು ವರ್ಷ ಆಳ್ವಿಕೆ ಮಾಡಿದರೂ ಸಾಧ್ಯವಾಗದು
Congress ಬಳಿಕ ಸಿಪಿಐಗೂ 11 ಕೋಟಿ ರೂ.ಬಾಕಿಗಾಗಿ ಐಟಿ ನೋಟಿಸ್