ಡಿ-ಬಾಸ್ ಅಂದ್ರೆ ಅದು ದರ್ಶನ್: ನನಗೆ ಆಂಜನೇಯನೇ ಬಾಸ್
Team Udayavani, Oct 8, 2018, 11:29 AM IST
ಕನ್ನಡ ಚಿತ್ರರಂಗದಲ್ಲಿ ಆಗಾಗ ಒಂದಷ್ಟು ಪ್ರಶ್ನೆಗಳು ಎದ್ದೇಳುತ್ತಲೇ ಇರುತ್ತವೆ. ಎಲ್ಲರಿಗೂ ಗೊತ್ತಿರುವಂತೆ, “ಬಾಸ್’ ಎಂಬ ಪದ ಸಾಕಷ್ಟು ಕಡೆ ಓಡಾಡಿದೆ. ಕನ್ನಡ ಚಿತ್ರರಂಗದಲ್ಲಿ ನಿಜವಾಗಿ “ಬಾಸ್’ ಅಂತ ಕರೆಯೋದು ಯಾರನ್ನ, ಹಾಗೆ ಕರೆಸಿಕೊಳ್ಳುವುದು ಯಾರು? ಇದು ಸಾಕಷ್ಟು ಗೊಂದಲ ಮೂಡಿಸಿರುವ ಪ್ರಶ್ನೆ. ಈ ಬಗ್ಗೆ ಯಾರೂ ಸಹ ಉತ್ತರಿಸಿಲ್ಲ. ಹಾಗೆಯೇ ನಾನೇ “ಬಾಸ್’ ಅಂತ ಯಾರೂ ಹೇಳಿಕೊಂಡಿಲ್ಲ.
ಆದರೆ, ನಟ ಧ್ರುವ ಸರ್ಜಾ ಮಾತ್ರ “ಬಾಸ್’ ಯಾರೆಂಬುದನ್ನು ನೇರವಾಗಿ ಸ್ಪಷ್ಟಪಡಿಸಿದ್ದಾರೆ. ಹೌದು, ಶನಿವಾರವಷ್ಟೇ ಅಭಿಮಾನಿಗಳ ಜೊತೆ ತಮ್ಮ ಹುಟ್ಟುಹಬ್ಬ ಆಚರಿಸಿಕೊಂಡ ಧ್ರುವ ಸರ್ಜಾ, “ನನಗೆ ಬಾಸ್ ಅಂದರೆ ಅದು ಆಂಜನೇಯ. ಅವರೊಬ್ಬರೇ ನನಗೆ “ಬಾಸ್’ ಎಂದು ಹೇಳಿದ್ದಾರೆ. ಅಷ್ಟಕ್ಕೂ ಧ್ರುವಸರ್ಜಾ ಹಾಗೆ ಹೇಳ್ಳೋಕೆ ಕಾರಣವೇನು ಗೊತ್ತಾ? ಹುಟ್ಟುಹಬ್ಬದ ವೇಳೆ ತಂದಿದ್ದ ಕೇಕ್ವೊಂದರ ಮೇಲೆ “ಡಿ- ಬಾಸ್’ ಎಂದು ಬರೆಯಲಾಗಿತ್ತು.
ಆ ಪದ ಎಲ್ಲರ ಗಮನ ಸೆಳೆದಿದ್ದು ನಿಜ. “ಡಿ- ಬಾಸ್’ ಎಂಬ ಬರಹ ನೋಡಿದ ಮಾಧ್ಯಮದವರು ಧ್ರುವ ಸರ್ಜಾ ಅವರನ್ನು “ನೀವು ಮುಂದಿನ ದರ್ಶನ್ ಅಂತೆ ಹೌದಾ..? ಎಂದು ಪ್ರಶ್ನಿಸಿದ್ದಾರೆ. ಆ ಪ್ರಶ್ನೆಗೆ ನಗುತ್ತಲೇ ಉತ್ತರಿಸಿದ ಧ್ರುವಸರ್ಜಾ, “ದರ್ಶನ್ ಸರ್ ಹಿರಿಯ ನಟರು. ಅವರ ಜೊತೆ ಹೋಲಿಕೆ ಮಾಡುವುದು ಸರಿಯಲ್ಲ. ಅವರ ಅಭಿಮಾನಿಗಳಲ್ಲಿ ನಾನೂ ಒಬ್ಬ ಅಷ್ಟೇ. “ಡಿ-ಬಾಸ್’ ಅಂದರೆ ಅದು ದರ್ಶನ್ ಅವರೊಬ್ಬರೇ.
ನನಗೆ “ಬಾಸ್’ ಅಂದರೆ ಆಂಜನೇಯ. ಬಾಸ್, ಗೀಸ್ ಎಲ್ಲಾ ನನಗೆ ಇಷ್ಟ ಇಲ್ಲ. ನಾನಿನ್ನೂ ಸಾಧಿಸಬೇಕಿರುವುದು ಸಾಕಷ್ಟು ಇದೆ’ ಎನ್ನುವ ಮೂಲಕ ದರ್ಶನ್ ಅವರೇ “ಡಿ-ಬಾಸ್’. ಅವರು ನಮ್ಮೊಂದಿಗೆ ಚೆನ್ನಾಗಿದ್ದಾರೆ. ಸದಾ ಬೆಂಬಲವಾಗಿರುತ್ತಾರೆ ಎಂಬುದನ್ನು ಹೇಳಿಕೊಂಡಿದ್ದಾರೆ ಧ್ರುವ ಸರ್ಜಾ. ಅದೇನೆ ಇರಲಿ, ದರ್ಶನ್ ಜೊತೆಯಲ್ಲಿ ಆಗಾಗ ಧ್ರುವ ಸರ್ಜಾ ಅವರು ಕಾಣಿಸಿಕೊಳ್ಳುತ್ತಾರೆ ಎಂಬುದು ಎಲ್ಲರಿಗೂ ಗೊತ್ತು.
ಧ್ರುವಸರ್ಜಾ ಅವರ ಕೆಲ ಸಿನಿಮಾಗಳಿಗೆ ದರ್ಶನ್ ಪ್ರೋತ್ಸಾಹಿಸಿರುವುದು ನಿಜ. ಈಗಾಗಲೇ “ಯಜಮಾನ’ ಚಿತ್ರದ ಟೈಟಲ್ ಟೀಸರ್ಗೆ ಧ್ರುವ ಸರ್ಜಾ ಹಿನ್ನೆಲೆ ಧ್ವನಿ ನೀಡಿರುವುದು ಗೊತ್ತೇ ಇದೆ. ಹಾಗಾಗಿ, ದರ್ಶನ್ ಜೊತೆಗಿನ ಗೆಳೆತನವನ್ನು ತುಂಬಾನೇ ಹೆಮ್ಮೆಯಿಂದ ಹೇಳಿಕೊಳ್ಳುವ ಧ್ರುವ “ಡಿ-ಬಾಸ್’ ಎಂಬುದೆಲ್ಲವನ್ನು ತಳ್ಳಿಹಾಕುತ್ತಾರೆ. ಅದೆಲ್ಲವೂ ಅಭಿಮಾನಿಗಳ ಪ್ರೀತಿ.
ಈ ಪ್ರೀತಿ ಹೀಗೆ ಇರಬೇಕೆನ್ನುವ ಧ್ರುವಸರ್ಜಾ, ಸದ್ಯಕ್ಕೆ “ಪೊಗರು’ ಚಿತ್ರದ ಜಪ ಮಾಡುತ್ತಿದ್ದಾರೆ. ಆ ಚಿತ್ರದ ಟೀಸರ್ ಕೂಡ ಜಬರ್ದಸ್ತ್ ಆಗಿದೆ. ಪಕ್ಕಾ ಖಡಕ್ ಭಾಷೆಯಲ್ಲೇ ಡೈಲಾಗ್ ಹರಿಬಿಟ್ಟಿರುವ ಧ್ರುವಸರ್ಜಾ, ಅಭಿಮಾನಿಗಳಲ್ಲಿ ಇನ್ನೊಂದು ನಿರೀಕ್ಷೆ ಹುಟ್ಟಿಸಿರುವುದಂತೂ ಸುಳ್ಳಲ್ಲ. “ಎದೆಗಟ್ಟಿಗೈತೆ ಅಂತ ಟಚ್ ಮಾಡೋಕೆ ಹೋಗ್ಬೇಡ, ನನ್ನ ಮೈಯಾಗೆ ಎಷ್ಟ್ ಪೊಗರೈತೆ ಅಂತ ಚೆಕ್ ಮಾಡೋಕ್ಕೋಗ್ಬೇಡ, ಶೇಕ್ ಆಗಿಹೋಗ್ತಿಯ…’ ಎಂಬ ಮಾಸ್ ಡೈಲಾಗ್ ಮೂಲಕ ಮತ್ತಷ್ಟು ಕುತೂಹಲ ಮೂಡಿಸಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Kannada Cinema; ಹೊಸ ಚಿತ್ರದಲ್ಲಿ ಖಡಕ್ ಪೊಲೀಸ್ ಆದ ನೆನಪಿರಲಿ ಪ್ರೇಮ್
ʼದುರ್ಗಿʼಯಾಗಿ ಚಂದನವನಕ್ಕೆ ಕಾಲಿಟ್ಟ ಕಾಲಿವುಡ್ ಬೆಡಗಿ: ಡಾಲಿ ಜೊತೆ ರೊಮ್ಯಾನ್ಸ್
Harshika Poonachha ದಂಪತಿ ಮೇಲೆ ಹಲ್ಲೆ; ಇಬ್ಬರ ವಿರುದ್ಧ ಕೇಸ್ ದಾಖಲು
Kannada Cinema; ‘ರಾಮರಸ’ ಹಿಂದೆ ಗುರು ಆ್ಯಂಡ್ ಟೀಂ
ಮೈಸೂರಲ್ಲಿ ‘ಬಘೀರ’ ಶೂಟಿಂಗ್ ವೇಳೆ ನಟ ಶ್ರೀಮುರುಳಿಗೆ ಗಾಯ; ಆಸ್ಪತ್ರೆಗೆ ದಾಖಲು