ಶಂಕರ್ನಾಗ್ ನೆನಪಲ್ಲಿ ಗೀತಾ ಚಿತ್ರಕ್ಕೆ ಚಾಲನೆ
Team Udayavani, Nov 12, 2018, 11:20 AM IST
ಗಣೇಶ್ “ಗೀತಾ’ ಚಿತ್ರದಲ್ಲಿ ಶಂಕರನಾಗ್ ಅವರ ಅಪ್ಪಟ ಅಭಿಮಾನಿಯಾಗಿ ಕಾಣಿಸಿಕೊಳ್ಳಲಿದ್ದು, ಶಂಕರ್ನಾಗ್ ಅವರ ಕೆಲ ಮ್ಯಾನರಿಸಂ ಅನ್ನು ಹೋಲುತ್ತಾರಂತೆ. ಹಾಗಾಗಿ “ಗೀತಾ’ ಚಿತ್ರಕ್ಕೆ ಶಂಕರ್ನಾಗ್ ಜನ್ಮದಿನವಾದ ನ. 9 ರಂದು ಚಿತ್ರತಂಡ ಅಧಿಕೃತವಾಗಿ ಚಾಲನೆ ನೀಡಿದೆ.
ಸೈಯದ್ ಸಲಾಂ ಹಾಗೂ ಶಿಲ್ಪಾ ಗಣೇಶ್ ನಿರ್ಮಿಸುತ್ತಿರುವ ಚಿತ್ರಕ್ಕೆ, ನಿರ್ದೇಶಕ ಸಂತೋಷ್ ಆನಂದ್ ರಾಮ್ ಕ್ಲ್ಯಾಪ್ ಮಾಡುವ ಮೂಲಕ ಚಿತ್ರೀಕರಣಕ್ಕೆ ಚಾಲನೆ ನೀಡಿ,ದ್ದಾರೆ. ಮುಹೂರ್ತ ವೇಳೆ ನಿರ್ಮಾಪಕ ಮತ್ತು ವಿತರಕ ಜಾಕ್ ಮಂಜು, ಶಿಲ್ಪಾ ಗಣೇಶ್ ಸೇರಿದಂತೆ ಚಿತ್ರರಂಗದ ಅನೇಕರಿದ್ದರು.
ಡಿಸೆಂಬರ್ ಎರಡನೇ ವಾರದಿಂದ ಗೀತಾ ಚಿತ್ರದ ಮೊದಲ ಹಂತದ ಚಿತ್ರೀಕರಣ ಕೊಲ್ಕತ್ತಾದಲ್ಲಿ ಆರಂಭವಾಗಲಿದೆ. ಉಳಿದಂತೆ ಬೆಂಗಳೂರು, ಮೈಸೂರು, ಕಾಶ್ಮೀರಾ ಇತರೆಡೆ ಚಿತ್ರೀಕರಣ ನಡೆಯಲಿದೆ. ಮುಂದಿನ ಮೇ ತಿಂಗಳ ವೇಳೆಗೆ “ಗೀತಾ’ ಪ್ರೇಕ್ಷಕರ ಮುಂದೆ ಚಿತ್ರ ಬಿಡುಗಡೆ ಮಾಡುವ ಯೋಚನೆ ಚಿತ್ರತಂಡದ್ದು.