CONNECT WITH US  

ಪೈಲ್ವಾನ್‌ ಅನುಭವಕ್ಕೆ ಅಕ್ಷರ ರೂಪ ಕೊಟ್ಟ ಕಿಚ್ಚ

ಸುದೀಪ್‌ ಅಭಿನಯದ "ಪೈಲ್ವಾನ್‌' ಚಿತ್ರದ ಚಿತ್ರೀಕರಣ ಅಂತಿಮ ಘಟ್ಟ ತಲುಪಿದೆ. ಇದೇ ವೇಳೆ ಸುದೀಪ್‌ "ಪೈಲ್ವಾನ್‌' ಚಿತ್ರದ ಚಿತ್ರೀಕರಣ ಮತ್ತದರ ಅನುಭವಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ. ಅದು ಅವರದ್ದೇ ಮಾತುಗಳಲ್ಲಿ ... 

"ಸುಮಾರು 23 ವರ್ಷಗಳ ಚಿತ್ರ ಬದುಕಿನಲ್ಲಿ ಅದ್ಭುತವೆನಿಸುವ ಹೊಸಥರದ ಅನುಭವವನ್ನು ಫೈಲ್ವಾನ್‌ ಚಿತ್ರ ಕೊಟ್ಟಿದೆ. ಇಲ್ಲಿಯವರೆಗೆ ಬಾಕ್ಸಿಂಗ್‌ ಮತ್ತು ಕುಸ್ತಿಗೆ ಸಂಬಂಧಿಸಿದ ಅನೇಕ ಚಿತ್ರಗಳನ್ನು ನೋಡಿ ಖುಷಿಪಟ್ಟಿದ್ದೆ. ಆದೆರೆ ನಾನಾಗಿಯೇ ಯಾವತ್ತೂ ಈ ಎರಡೂ ಕ್ರೀಡೆಗಳ ಭಾಗವಾಗಿರಲಿಲ್ಲ.

ಈಗ ಅಂಥದ್ದೊಂದು ಅದೃಷ್ಟವನ್ನು "ಪೈಲ್ವಾನ್‌' ಚಿತ್ರ ತಂದುಕೊಟ್ಟಿದೆ. ಸುಮಾರು ಎಂಟು ವಾರಗಳ ಬಾಕ್ಸಿಂಗ್‌ ಮತ್ತು ಕುಸ್ತಿ ನನ್ನಿಂದ ಅತ್ಯುತ್ತಮವಾದುದನ್ನೇ ನಿರೀಕ್ಷಿಸುತ್ತಿತ್ತು. ಅದಕ್ಕೆ ಬೇಕಾದ ತಯಾರಿ ಕೂಡ ಸಾಕಷ್ಟಿತ್ತು. ಅದೆಲ್ಲದರ ಪ್ರತಿ ಕ್ಷಣವನ್ನು ನಾನು ಖುಷಿಯಿಂದ ಅನುಭವಿಸಿದ್ದೇನೆ." ಪೈಲ್ವಾನ್‌' ಸಾಕಷ್ಟು ಸುಮಧುರ ನೆನಪುಗಳನ್ನು ಕಟ್ಟಿಕೊಟ್ಟಿದೆ.

ಚಿತ್ರ ಮುಗಿಯುತ್ತಿದ್ದಂತೆ ಸಾಕಷ್ಟು ಜನರನ್ನು ಮಿಸ್‌ ಮಾಡಿಕೊಳ್ಳುತ್ತಿದ್ದೇನೆ. ಕೊನೆಗೂ ಅಂದುಕೊಂಡಂತೆ ಸಾಧಿಸಿರುವುದಕ್ಕೆ ಹೆಮ್ಮೆ ಇದೆ'ಎಂದಿದ್ದಾರೆ ಸುದೀಪ್‌. ಇದೇ ವೇಳೆ ಇಂಥದ್ದೊಂದು ಅನುಭವ ಕೊಟ್ಟ ನಿರ್ದೇಶಕ ಕೃಷ್ಣ ಮತ್ತು ಚಿತ್ರದ ಸಾಹಸ ನಿರ್ದೇಶಕರು, ಇತರೆ ಕಲಾವಿದರು ಮತ್ತು ತಂತ್ರಜ್ಞರನ್ನು ನೆನೆದಿರರುವ ಸುದೀಪ್‌ ಪೈಲ್ವಾನ್‌ ಚಿತ್ರಕ್ಕೆ ಕಾರಣರಾದ ಎಲ್ಲರಿಗೂ ಧನ್ಯವಾದಗಳನ್ನು ಸಮರ್ಪಿಸಿದ್ದಾರೆ.

Trending videos

Back to Top