ಕೆಮಿಸ್ಟ್ರಿ ಆಫ್ ಕರಿಯಪ್ಪನ ಬಗ್ಗೆ ಪ್ರೇಕ್ಷಕರ ಭವಿಷ್ಯವಾಣಿ!
Team Udayavani, Feb 15, 2019, 4:50 AM IST
ಹಳ್ಳಿ ಸೀಮೆಯ ಬದುಕು, ಭಾವಗಳನ್ನ ಹಾಸ್ಯ ಶೈಲಿಯಲ್ಲಿ ದಾಟಿಸೋ ಧಾಟಿಯ ಚಿತ್ರ ಕೆಮಿಸ್ಟ್ರಿ ಆಫ್ ಕರಿಯಪ್ಪ. ಇದರ ಆಂತರ್ಯದ ಮಜಾ ಎಂಥಾದ್ದೆಂಬುದು ಟ್ರೈಲರ್ ಮೂಲಕವೇ ಜಾಹೀರಾಗಿದೆ. ಇದಕ್ಕೆ ವ್ಯಾಪಕವಾದ ವೀಕ್ಷಣೆ, ಮೆಚ್ಚುಗೆಗಳೆಲ್ಲವೂ ಧಾರಾಳವಾಗಿಯೇ ಸಿಕ್ಕಿವೆ. ಇದೇ ತಿಂಗಳ ಹದಿನೈದರಂದು ಬಿಡುಗಡೆಯಾಗಲಿರೋ ಈ ಸಿನಿಮಾ ಬಗ್ಗೆ ಈಗ ಪ್ರೇಕ್ಷಕರೇ ನಿಖರವಾಗಿ ಗೆಲುವಿನ ಭವಿಷ್ಯ ಹೇಳಲಾರಂಭಿಸಿದ್ದಾರೆ!
ಟ್ರೈಲರ್ ನಲ್ಲಿರುವಂಥಾದ್ದೇ ಮನೋರಂಜನೆ ಇಡೀ ಚಿತ್ರದಲ್ಲೂ ಇದ್ದರೆ ಖಂಡಿತಾ ಸೂಪರ್ ಹಿಟ್ಟಾಗುತ್ತೆ ಅಂತ ಪ್ರೇಕ್ಷಕರೇ ಅಭಿಪ್ರಾಯ ಪಡುತ್ತಿದ್ದಾರೆ. ಖಂಡಿತಾ ಇಡೀ ಚಿತ್ರದಲ್ಲಿ ಅಂಥಾದ್ದೇ ಛಾಯೆಯಿದೆ ಅನ್ನೋ ಭರವಸೆಯನ್ನ ನಿರ್ದೇಶಕರೂ ಕೊಟ್ಟಿದ್ದಾರೆ. ಈ ಬೆಳವಣಿಗೆಗಳೆಲ್ಲವೂ ಕರಿಯಪ್ಪನ ಕೆಮಿಸ್ಟ್ರಿಗೆ ದೊಡ್ಡ ಗೆಲುವು ಸಿಗೋ ಸೂಚನೆಯನ್ನೇ ರವಾನಿಸುತ್ತಿವೆ.
ಒಂದು ಸಿನಿಮಾ ಪ್ರಚಾರದ ಪಟ್ಟುಗಳಾಚೆಗೆ ಪ್ರೇಕ್ಷಕರನ್ನು ಸೆಳೆಯೋದೇ ಗೆಲುವಿನ ಮೊದಲ ಹೆಜ್ಜೆ. ಆ ನಿಟ್ಟಿನಲ್ಲಿ ಕೆಮಿಸ್ಟ್ರಿ ಆಫ್ ಕರಿಯಪ್ಪ ಪಕ್ಕಾ ಗೆಲುವಿನ ಹಾದಿಯಲ್ಲಿದೆ. ಪ್ರೇಕ್ಷಕರ ಅಭಿಪ್ರಾಯವೂ ಇದೇ ಆಗಿದೆ.