ಫ್ಯಾನ್ ಆಫ್ ರೆಬೆಲ್ಸ್ಟಾರ್
Team Udayavani, Mar 19, 2019, 5:41 AM IST
ಕನ್ನಡದಲ್ಲಿ ಈಗಾಗಲೇ ಸ್ಟಾರ್ ನಟರ ಅಭಿಮಾನದಿಂದ ಅದೆಷ್ಟೋ ನಾಯಕ ನಟರು, ನಿರ್ಮಾಪಕರು, ನಿರ್ದೇಶಕರು ಅವರ ಕುರಿತಾದ ಚಿತ್ರಗಳನ್ನು ಮಾಡಿದ್ದಾರೆ. ಅಷ್ಟೇ ಅಲ್ಲ, ಅಭಿಮಾನಿ ಪಾತ್ರ ಮಾಡುವ ಮೂಲಕ ಚಿತ್ರ ಮಾಡಿರುವುದೂ ಇದೆ. ಈಗ “ಫ್ಯಾನ್ ಆಫ್ ರೆಬೆಲ್ಸ್ಟಾರ್’ ಎಂಬ ಚಿತ್ರವೂ ಸೇರ್ಪಡೆಯಾಗುತ್ತಿದೆ. ಹೌದು, ಇದು ಪಕ್ಕಾ ಅಂಬರೀಶ್ ಅಭಿಮಾನಿಯೊಬ್ಬನ ಕಥೆ ಹೊಂದಿರುವ ಚಿತ್ರ.
ಈ ಚಿತ್ರವನ್ನು ರಾಕೇಶ್ ನಿರ್ದೇಶನ ಮಾಡುತ್ತಿದ್ದಾರೆ. ಈ ಹಿಂದೆ “ತರೆಲ ನನ್ಮಕ್ಳು’ ಮತ್ತು “ಪತಿ ಬೇಕು ಡಾಟ್ ಕಾಮ್ ಚಿತ್ರ ನಿರ್ದೇಶಿಸಿದ್ದರು. ಈಗ “ಫ್ಯಾನ್ ಆಫ್ ರೆಬೆಲ್ಸ್ಟಾರ್’ ಚಿತ್ರ ನಿರ್ದೇಶನಕ್ಕೆ ಅಣಿಯಾಗಿದ್ದಾರೆ. ಕಥೆ, ಚಿತ್ರಕಥೆ, ಸಂಭಾಷಣೆ ಜವಾಬ್ದಾರಿಯೂ ಅವರದೇ. ಇನ್ನು, ಈ ಚಿತ್ರದ ನಾಯಕ ಸೇರಿದಂತೆ ನಿರ್ಮಾಪಕರು ಸಹ ಅಂಬರೀಶ್ ಅವರ ಅಭಿಮಾನಿಗಳು. ಹಾಗಾಗಿ, ಅವರೆಲ್ಲರೂ ಸೇರಿ ಈ ಚಿತ್ರ ಮಾಡುತ್ತಿದ್ದಾರೆ.
ಇನ್ನು, ಅಂಬರೀಶ್ ಅವರ ಅನೇಕ ಚಿತ್ರಗಳಲ್ಲಿ ಕೆಲಸ ಮಾಡಿದ, ಅವರ ಜೊತೆ ಇದ್ದಂತಹ ತಂತ್ರಜ್ಞರೇ ಇಲ್ಲೂ ಕೆಲಸ ಮಾಡಲಿದ್ದಾರೆ. ಹಾಗಾಗಿ ನಾಯಕ ಯಾರು, ನಿರ್ಮಾಪಕರು ಯಾರು, ಯಾರೆಲ್ಲ ತಂತ್ರಜ್ಞರು ಈ ಚಿತ್ರದಲ್ಲಿ ಕೆಲಸ ಮಾಡುತ್ತಾರೆ ಎಂಬಿತ್ಯಾದಿ ವಿಷಯವನ್ನು ಬಿಟ್ಟುಕೊಡದ ನಿರ್ದೇಶಕರು, ಎಲ್ಲವನ್ನೂ ಚಿತ್ರದ ಮುಹೂರ್ತ ವೇಳೆ ಹೇಳಲಿದ್ದಾರಂತೆ.
ಏಪ್ರಿಲ್ ಎರಡನೇ ವಾರದಲ್ಲಿ ಮಂಡ್ಯದಲ್ಲಿ ಚಿತ್ರಕ್ಕೆ ಮುಹೂರ್ತ ನೆರವೇರಲಿದ್ದು, ಅಂದು ಚಿತ್ರತಂಡವನ್ನು ಪರಿಚಯ ಮಾಡುವ ಯೋಚನೆ ನಿರ್ದೇಶಕರದ್ದು. ಅಂಬರೀಶ್ ಅವರ ಪಾರ್ಥಿವ ಶರೀರವನ್ನು ದರ್ಶನಕ್ಕೆ ಇಡಲಾಗಿದ್ದ ಕ್ರೀಡಾಂಗಣದಲ್ಲೇ ಚಿತ್ರದ ಮುಹೂರ್ತ ಸಮಾರಂಭ ನಡೆಯಲಿದೆ. ರಾತ್ರಿ ಸಮಯದಲ್ಲಿ ಚಿತ್ರಕ್ಕೆ ಮುಹೂರ್ತ ನಡೆಯುತ್ತಿದ್ದು, ಅಂದು ವಿಶೇಷ ಕಾರ್ಯಕ್ರಮ ಮೂಲಕ ನಾಯಕ, ನಾಯಕಿ, ತಂತ್ರಜ್ಞರು ಮತ್ತು ನಿರ್ಮಾಪಕರು ಯಾರು ಎಂಬುದನ್ನು ಹೇಳಲಾಗುವುದು ಎನ್ನುತ್ತಾರೆ ನಿರ್ದೇಶಕ ರಾಕೇಶ್.
ಎಲ್ಲಾ ಸರಿ, ಈ “ಫ್ಯಾನ್ ಆಫ್ ರೆಬೆಲ್ಸ್ಟಾರ್’ ಚಿತ್ರದ ಕಥೆ ಏನು? ಇದಕ್ಕೆ ಉತ್ತರಿಸುವ ನಿರ್ದೇಶಕ ರಾಕೇಶ್, “ಅಂಬರೀಶ್ ಅವರನ್ನು ನೋಡಿ ಬೆಳೆದ ವ್ಯಕ್ತಿ, ಅವರಿಂದ ಸ್ಫೂರ್ತಿಗೊಂಡು ಹೇಗೆ ತನ್ನ ಬದುಕು ಕಟ್ಟಿಕೊಳ್ಳುತ್ತಾನೆ ಮತ್ತು ಅಂಬರೀಶ್ ಅವರಂತೆಯೇ ನಾಡು, ನುಡಿ ಜಲಕ್ಕಾಗಿ ಹೇಗೆಲ್ಲಾ ಹೋರಾಡುತ್ತಾನೆ ಎಂಬಿತ್ಯಾದಿ ವಿಷಯ ಇರಲಿದೆ. ಮಂಡ್ಯದಲ್ಲೇ ಸುಮಾರು 68 ದಿನಗಳ ಕಾಲ ಚಿತ್ರೀಕರಣ ನಡೆಯಲಿದೆ.
ಐವರು ಅಂಬರೀಶ್ ಅಭಿಮಾನಿಗಳು ನಿರ್ಮಾಣದ ಜವಾಬ್ದಾರಿ ಹೊತ್ತಿದ್ದಾರೆ. ಅವರೊಂದಿಗೆ ಉದ್ಯಮಿಯೊಬ್ಬರೂ ಸಾಥ್ ನೀಡುತ್ತಿದ್ದಾರೆ. ಅವರೂ ಸಹ ಅಂಬರೀಶ್ ಅಭಿಮಾನಿ ಎಂಬುದು ವಿಶೇಷ ಎನ್ನುವ ರಾಕೇಶ್, ಸುಮಲತಾ ಅಂಬರೀಶ್ ಅವರನ್ನು ಅಂದಿನ ಮುಹೂರ್ತ ಕಾರ್ಯಕ್ರಮಕ್ಕೆ ಆಹ್ವಾನಿಸಲಾಗುತ್ತಿದೆ. ಉಳಿದಂತೆ ಅಂಬರೀಶ್ ಅವರ ಅನೇಕ ಆಪ್ತರು ಸಾಕ್ಷಿಯಾಗಲಿದ್ದಾರೆ ಎಂಬುದು ನಿರ್ದೇಶಕರ ಮಾತು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Dandeli: ಯಂತ್ರದಡಿ ಸಿಲುಕಿದ ಕಾರ್ಮಿಕ: ಕಾಲುಗಳಿಗೆ ಗಂಭೀರ ಗಾಯ
Americaದಲ್ಲಿ ಮುಂದುವರಿದ ಹತ್ಯೆ: ಅಮೆರಿಕದಲ್ಲಿ ಮತ್ತೊಬ್ಬ ವಿದ್ಯಾರ್ಥಿ ಶವ ಪತ್ತೆ!
PSL ಗೆದ್ದ ಇಸ್ಲಾಮಾಬಾದ್ ಯುನೈಟೆಡ್: ಪಂದ್ಯದ ವೇಳೆ ಸಿಗರೇಟ್ ಸೇದಿದ ಆಟಗಾರನ ವಿಡಿಯೋ ವೈರಲ್
ಉಚಿತವಾಗಿ ಕೆಲಸಕ್ಕೆ ಬರಲು ನಿರಾಕರಿಸಿದ್ದಕ್ಕೆ ಕಾರ್ಮಿಕರ ಗುಡಿಸಲಿಗೆ ಬೆಂಕಿಯಿಟ್ಟ ವ್ಯಕ್ತಿ
Mandya: ದಾಖಲೆ ಇಲ್ಲದ 99.20 ಲಕ್ಷ ಜಪ್ತಿ ಮಾಡಿದ ಚುನಾವಣಾಧಿಕಾರಿಗಳು