CONNECT WITH US  

ಭಯಾನಕ ದೃಶ್ಯ:ತಾಯಿಯ ಎದುರೇ ಕೊಚ್ಚಿ ಕೊಚ್ಚಿ ರೌಡಿಶೀಟರ್‌ ಹತ್ಯೆ!

ಬೆಂಗಳೂರು: ಕಮಲಾನಗರದ ಚಂದ್ರಪ್ಪ ರಸ್ತೆಯಲ್ಲಿ ಬುಧವಾರ ಬೆಳ್ಳಂಬೆಳಗ್ಗೆ ರೌಡಿ ಶೀಟರ್‌ನೊಬ್ಬನನ್ನು ಮನೆಯಿಂದ ಹೊರಗೆಳೆದು ಆತನ ತಾಯಿಯೆದುರೇ  ಬರ್ಬರವಾಗಿ ಕೊಚ್ಚಿ ಕೊಲೆಗೈಯಲಾಗಿದೆ. ದೃಶ್ಯವನ್ನು ನೋಡಿ ನೆರೆ ಕೆರೆಯವರು ಬೆಚ್ಚಿ ಬಿದ್ದರು. 

ಸುನಿಲ್‌ (28) ಎಂಬಾತನನ್ನು ನಾಲ್ಕೈದು ಜನದುಷ್ಕರ್ಮಿಗಳು ಮನೆಯಿಂದ ಎಳೆದು ರಸ್ತೆಗೆ ಎಳೆತಂದು ಹತ್ತಾರು ಜನರ ಎದುರೇ ಬರ್ಬರವಾಗಿ  ಮಾರಕಾಯುಧಗಳಿಂದ ಕೊಚ್ಚಿ ಕೊಲೆಗೈದು ಪರಾರಿಯಾಗಿದ್ದಾರೆ. 

ಮಗನನ್ನು ಬಿಟ್ಟು ಬಿಡಿ ಎಂದು ತಾಯಿ ಅಂಗಲಾಚಿ ಬೇಡಿಕೊಂಡರೂ ಬಿಡದ ರೌಡಿಗಳು ಬರ್ಬರವಾಗಿ ಕೊಚ್ಚಿದರು. 

ಹತ್ಯೆಯ ಬಳಿಕ ಸ್ಥಳದಲ್ಲಿ ಬಿಗುವಿನ ವಾತಾವಣ ನಿರ್ಮಾಣವಾಗಿದ್ದು ಬಸವೇಶ್ವರನಗರ ಪೊಲೀಸರು ಭದ್ರತೆ ಕೈಗೊಂಡಿದ್ದಾರೆ. ಪೊಲೀಸರು ಸ್ಥಳದಲ್ಲಿ ಪರಿಶೀಲನೆ ನಡೆಸಿ ತನಿಖೆ ಮುಂದುವರೆಸಿದ್ದಾರೆ. 

ಹಳೆ ವೈಷಮ್ಯದ ಹಿನ್ನಲೆಯಲ್ಲಿ ಸ್ಪಾಟ್‌ ನಾಗನ ಕಡೆಯವರು ಕೊಲೆ ಮಾಡಿದ್ದಾರೆ ಎಂದು ಹೇಳಲಾಗಿದೆ. ಈ ದೃಶ್ಯವನ್ನು ಕೆಲವರು ಮೊಬೈಲ್‌ ನಲ್ಲಿ ಸೆರೆ ಹಿಡಿದಿದ್ದು ನೋಡಲು ಭಯಾನಕವಾಗಿದೆ.

Trending videos

Back to Top