ದಿನವೂ ಮರಳು ತಿಂದು ಆರೋಗ್ಯ ಹೆಚ್ಚಿಸಿಕೊಂಡ ಅಜ್ಜಿ !

Team Udayavani, Mar 16, 2017, 3:57 AM IST

ವೃದ್ಧಾಪ್ಯದಲ್ಲೂ ಉತ್ತಮ ಆರೋಗ್ಯ ಕಾಪಾಡಿಕೊಂಡಿರುವ ಯಾರಿಗಾದರೂ ನಿಮ್ಮ ಆರೋಗ್ಯದ ಗುಟ್ಟೇನು ಎಂದು ಕೇಳಿದರೆ, ಉತ್ತರ ಏನು ಬರಬಹುದು? ನಾವು ಮನೆ ಊಟ ಮಾತ್ರ ಮಾಡುತ್ತೇವೆ , ಪ್ರತಿದಿನ ವ್ಯಾಯಾಮ ಮಾಡುತ್ತೇವೆ ಅಂತ ಇರಬಹುದೇ? ಆದರೆ ವಾರಾಣಸಿಯ 78ರ ವೃದ್ಧೆ ಕುಸುಮಾವತಿ ಉತ್ತರ ಕೇಳಿದರೆ ನೀವು ಎಚ್ಚರ ತಪ್ಪುವುದು ಖಚಿತ. ಅವರ ಅರೋಗ್ಯದ ಗುಟ್ಟು ಮರಳು. ಅವರು 15 ವರ್ಷ ಇದ್ದಾಗಿನಿಂದಲೂ ಮರಳು ತಿನ್ನುತ್ತಿದ್ದಾರಂತೆ. ಅವರು ಮರಳಿಗಾಗಿ ಇಡೀ ನಗರವನ್ನು ಜಾಲಾಡುತ್ತಾರಂತೆ. ಕಡೆ ಪಕ್ಷ ಮರಳು ಎಲ್ಲಿಯೂ ಸಿಗದಿದ್ದರೆ ತಮ್ಮ ಮನೆಯ ಗೋಡೆಯನ್ನು ಕೆರೆದು ಮರಳು ಸಂಗ್ರಹಿಸಿ ತಿನ್ನುತ್ತಾರಂತೆ. ನಾನು 63 ವರ್ಷಗಳಿಂದ ತಪ್ಪದೇ ಮರಳು ಸೇವಿಸುತ್ತಿದ್ದೇನೆ. ನನಗೆ ಯಾವುದೇ ಖಾಯಿಲೆಯೂ ಈವರೆಗೆ ಇಲ್ಲ. ಅಲ್ಲದೇ ತಾನು ಗಟ್ಟಿಯಾದ ಮರಳನ್ನು ಈಗಲೂ ಅಗೆದು ತಿನ್ನುತ್ತೇನೆ ಎಂದು ಅವರು ಹೇಳುತ್ತಾರೆ. ಕುಸ್ಮಾ ಈಗಲೂ ಹೊಲಗಳಲ್ಲಿ ಕೂಲಿ ಕೆಲಸ ಮಾಡುತ್ತಾರಂತೆ.