ಈಸ್ಟರ್ ಅತಿಥಿ ಮೊಸಳೆ ಭಾರಿ ಫೇಮಸ್
Team Udayavani, Apr 21, 2017, 6:45 AM IST
ಮುದ್ದಾದ ಕೋಳಿ ಮರಿ, ಮೊಲದ ಮರಿ ಗೊಂಬೆಗಳು ಈಸ್ಟರ್ ಸಂಭ್ರಮದಲ್ಲಿ ಮನೆಗಳನ್ನು ಅಲಂಕರಿಸುತ್ತವೆ. ಆದರೆ ಇಲ್ಲೊಂದು ದೈತ್ಯ ಮೊಸಳೆಯೊಂದು ಮನೆಯನ್ನು ಅಲಂಕರಿಸಿದೆ. ಅಮೆರಿಕದ ಸೌತ್ ಕ್ಯಾರೋಲಿನಾದ ಮನೆಯ ಬಾಲ್ಕನಿಯಲ್ಲಿ 9 ಅಡಿ ಉದ್ದದ ಮೊಸಳೆಯೊಂದು ಆಶ್ಚರ್ಯಕರ ರೀತಿಯಲ್ಲಿ ಬಂದು ಸೇರಿದೆ.
ಮನೆ ಯಜಮಾನಿ ಬಾಗಿಲು ತೆರೆದು ನೋಡಿದಾಗ ಆಕೆಗೆ ನಿಜಕ್ಕೂ ಖುಷಿಯಾಗಿದೆ. ತನ್ನ ಮಗಳು ಎಷ್ಟು ಚಂದ ಈಸ್ಟರ್ ಬನ್ನಿ ಮಾಡಿದ್ದಾಳೆ ಎಂದು ಗ್ರಹಿಸಿದ್ದಾರೆ. ಯಾವಾಗ ಮೊಸಳೆ ಆಕೆಯ ಮೇಲೆ ದಾಳಿ ಮಾಡಲು ಮುಂದಾಯಿತೋ ಆಗ ಆಕೆಗೆ ಅದು ನಿಜವಾದ ಮೊಸಳೆ ಎಂದು ಗೊತ್ತಾಗಿ ಗಾಬರಿಗೊಂಡು ಬೇಸ್ತುಬಿದ್ದರು!