ಮುಖ ನೋಡುತ್ತಿದ್ದಂತೆ ವಯಸ್ಸು ಹೇಳ್ತಾರಂತೆ

Team Udayavani, Apr 23, 2017, 5:55 AM IST

ಹೊಸ ವೈದ್ಯನಿಗಿಂತ ಹಳೆ ರೋಗಿ ಎಷ್ಟೋ ಉತ್ತಮ  ಎಂಬ ಗಾದೆಯೊಂದು ನಮ್ಮಲ್ಲಿ ಬಹಳಷ್ಟು ಬಾರಿ ಉಪಯೋಗಿಸಲ್ಪಡುತ್ತದೆ. ಹೊಸದಾಗಿ ಕಾಲೇಜಿನ ಮೆಟ್ಟಿಲು ಹತ್ತಿದ ವಿದ್ಯಾರ್ಥಿಗಳು ಕೀಟಲೆ ಮಾಡಿ ಅನುಭವಿ ಪ್ರಾಧ್ಯಾಪಕರ ಕೈಗೆ ಸಿಕ್ಕಿಬೀಳುತ್ತಾರಲ್ಲ ಅದೂ ಹೀಗೆಯೇ. ಬಾರ್‌ ಅಟೆಂಡರ್‌ಗಳಿಗೂ ಅಂಥದ್ದೇ ಒಂದು ವಿದ್ಯೆ ಸಿದ್ಧಿಸಿದೆಯಂತೆ. ಬಾರ್‌ ಅಟೆಂಡರ್‌ಗಳಿಗೆ ಬಾರ್‌ಗೆ ಬರುವ ಗ್ರಾಹಕರ ಮುಖ ನೋಡುತ್ತಿದ್ದಂತೆ ಅವರ ವಯಸ್ಸು ಹೇಳುವ ವಿದ್ಯೆ ಕರಗತವಾಗಿರುತ್ತದಂತೆ. ಗ್ರಾಹಕ ಅಪ್ರಾಪ್ತ ವಯಸ್ಕನೋ ಅಥವಾ ಪ್ರಾಪ್ತ ವಯಸ್ಕನೋ ಎಂದು ಮುಖ ನೋಡುತ್ತಿದ್ದಂತೇ ಅಳೆದುಬಿಡುತ್ತಾರಂತೆ.

ಬಾರ್‌ ಅಟೆಂಡರ್‌ ಕೆಲಸದಲ್ಲಿ 3 ವಾರಗಳಿಂದ 40 ವರ್ಷಗಳಷ್ಟು ಅನುಭವ ಹೊಂದಿರುವ 10 ಬಾರ್‌ ಅಟೆಂಡರ್‌ಗಳ ಮೇಲೆ ಈ ಪ್ರಯೋಗ ಮಾಡಲಾಯಿತಂತೆ. ಬಾರ್‌ಗೆ ಬರುವ ಗ್ರಾಹಕರಲ್ಲಿ ಅಪ್ರಾಪ್ತರು ಇದ್ದರೆ ಅಟೆಂಡರ್‌ಗಳು ಮದ್ಯ ನೀಡಲು ನಿರಾಕರಿಸಿದ್ದಾರೆ. ಇನ್ನೂ ಕೆಲವರು ಗುರುತಿನ ಪತ್ರ ತೋರಿಸಲು ಕೇಳಿದ್ದಾರೆ.