CONNECT WITH US  

ಟ್ರಂಪ್‌ ದುರಾಡಳಿತವನ್ನು ತೋರಲಿದೆ ಚಿನ್ನದ ಕಮೋಡ್‌!

ಡೊನಾಲ್ಡ್‌ ಟ್ರಂಪ್‌ ನೇತೃತ್ವದಲ್ಲಿನ ಅಮೆರಿಕ ಸರ್ಕಾರ 100 ದಿನಗಳನ್ನು ಪೂರೈಸಿದರೂ ಅವರ ವಿರೋಧಿಗಳ ಸಂಖ್ಯೆಯೇನೂ ಕಡಿಮೆಯಾದಂತೆ ಕಾಣುತ್ತಿಲ್ಲ. ಟ್ರಂಪ್‌ ದುರಾಡಳಿತವನ್ನು ಜಗತ್ತಿಗೇ ತೋರಿಸುತ್ತೇವೆ ಎಂದು ಇಂಡಿಯಾನಾದ ಕಲಾವಿದರ ತಂಡ ತಯಾರಾಗಿದೆ. ಅದಕ್ಕಾಗಿಯೇ "ಟೇಕ್‌ ಎ ಟ್ರಂಪ್‌' ಎಂದು ಬರೆಯಲಾಗಿ ರುವ ಚಿನ್ನದ ಬಣ್ಣದ ಕಮೋಡೊಂದನ್ನು ನಿರ್ಮಿಸಿದೆ. ಕಳೆದ ಶನಿವಾರ ಟ್ರಂಪ್‌ ಸರ್ಕಾರಕ್ಕೆ 100 ದಿನಗಳು ತುಂಬಿದ ಸಂದರ್ಭದಲ್ಲಿ ಅದನ್ನು ಪ್ರಥಮ ಬಾರಿಗೆ ಪ್ರದರ್ಶಿಸಿದರು.

ಕೇವಲ 1 ವಾರದಲ್ಲಿ ಇಂಡಿಯಾನಾದ ತುಂಬ ಈ ಕಮೋಡ್‌ ಗಳು ಕಾಣಿಸುತ್ತಿವೆ. ಅಲ್ಲದೇ ಕಿರೀಟಧಾರಿ ಹಂದಿಯೊಂದನ್ನು ಇದರ ಮೇಲೆ ಚಿತ್ರಿಸಲಾಗಿದೆ.  ಇದನ್ನು ಜಾರ್ಜ್‌ ಆರ್ವೆಲ್‌ರ "ಅನಿಮಲ್‌ ಫಾರ್ಮ್' ಪುಸ್ತಕದಿಂದ ಎರವಲು ಪಡೆಯಲಾಗಿದೆ ಎಂದು ತಂಡ ಹೇಳಿದೆ. ಚಿನ್ನದ ಬಣ್ಣದಲ್ಲೇ ಏಕೆ ಕಮೋಡ್‌ ನಿರ್ಮಿಸಿದ್ದು ಎಂದು ಪ್ರಶ್ನೆ ಕೇಳಿದರೆ ಈ ರೀತಿ ಉತ್ತರಿಸಿದ್ದಾರೆ. "ನಮ್ಮ ಅಧ್ಯಕ್ಷರು ಮಹಾನ್‌ ಚಿನ್ನದ ವ್ಯಾಮೋಹಿ, ಅವರ ಸುತ್ತಲೂ ಚಿನ್ನದ ವಸ್ತುಗಳೇ ಇರಬೇಕೆಂದು ಅವರು ಬಯಸುತ್ತಾರೆ' ಎಂದಿದೆ.

Trending videos

Back to Top