ಇಂಗ್ಲೆಂಡ್‌ನ‌ಲ್ಲೊಂದು ತಮಾಷೆಯ ಟೋಪಿ ಉತ್ಸವ!

Team Udayavani, Sep 7, 2017, 8:30 AM IST

ಮಾನವರ ತಲೆ ಮೇಲೆ ಅರಣ್ಯ, ರಾಕೆಟ್‌, ಈಗಷ್ಟೇ ತಯಾರಾದ ಬೆಳಗಿನ ಉಪಹಾರ, ಇನ್ನೇನೇನೋ. ತಲೆ ಮೇಲೆ ಇವೆಲ್ಲಾ ಯಾಕೆ ಬಂದವು ಎಂದರೆ ಬ್ರಿಡ್‌ಪೋರ್ಟ್‌ ಟೋಪಿ ಉತ್ಸವದಿಂದಾಗಿ ಬಂದವು. ಇಂಗ್ರೆಂಡ್‌ನ‌ ಬ್ರಿಡ್‌ಪೋರ್ಟ್‌ ಪಟ್ಟಣದಲ್ಲಿ ನಡೆವ ಈ ಟೋಪಿ ಉತ್ಸವ ಮೇಲ್ನೋಟಕ್ಕೆ ತಮಾಷೆಯಾಗಿ ಕಾಣುವ, ಆದರೆ ಸಮಾಜಕ್ಕೆ ಉತ್ತಮ ಸಂದೇಶಗಳನ್ನು ರವಾನಿಸುವ ಒಂದು ಉತ್ಸವ.

ನಗರದ ಜನತೆ ಚಿತ್ರ ವಿಚಿತ್ರ ಟೋಪಿಗಳನ್ನು ಹಾಕಿಕೊಂಡು ಒಂದೆಡೆ ಸೇರಿ ಟೋಪಿ ಬದಲಿಸಿಕೊಂಡು
ಸಂಭ್ರಮಿಸುತ್ತಾರೆ. ಬಣ್ಣ ಬಣ್ಣದ ಟೋಪಿ ಮೇಲೆಸಂದೇಶಗಳನ್ನು ಚಿತ್ರಿಸಿರುತ್ತಾರೆ. ಜೊತೆಗೆ ತಲೆ ಅಥವಾ ಮೆದುಳಿಗೆ ಸಂಬಂಧಿಸಿದ ಸಮಸ್ಯೆಗಳಿಗೆ ಸಹಾಯ ಮಾಡುವ ದತ್ತಿ ಸಂಸ್ಥೆಗಳಿಗಾಗಿ ಹಣ ಸಂಗ್ರಹಿಸುತ್ತಾರೆ.