ವ್ಯಕ್ತಿಯ ಗುದನಾಳದೊಳಗೆ 6 ಇಂಚಿನ ಲೋಟ ಪತ್ತೆ!
Team Udayavani, Sep 8, 2017, 4:17 AM IST
ಮಾನವರ ದೇಹದ ಒಳಗೆ ಸೂಜಿ, ಬ್ಲೇಡು ಇತ್ಯಾದಿ ಸಣ್ಣ ವಸ್ತುಗಳು ಪತ್ತೆಯಾಗುತ್ತಿದ್ದವು. ಆದರೆ ಚೀನಾದ ವ್ಯಕ್ತಿಯೊಬ್ಬನ ದೇಹದಲ್ಲಿ ಗಾಜಿನ ಲೋಟ ಪತ್ತೆಯಾಗಿದೆ. ಅದೂ ನಂಬಲು ಸಾಧ್ಯವೇ ಇಲ್ಲದಂಥ ಅಂಗದಲ್ಲಿ. ಹೌದು. 6 ಇಂಚಿನ ಗಾಜಿನ ಲೋಟವೊಂದು ವ್ಯಕ್ತಿಯ ಗುದನಾಳದಲ್ಲಿ ಸೇರಿತ್ತು. ವೈದ್ಯರು ಅದನ್ನು ಶಸ್ತ್ರಚಿಕಿತ್ಸೆ ಮಾಡಿ ತೆಗೆದಿದ್ದಾರೆ.
2 ದಿನಗಳಿಂದ ನೋವು ಅನುಭವಿಸಿದ್ದ ವ್ಯಕ್ತಿ ಆಸ್ಪತ್ರೆಗೆ ಧಾವಿಸಿದ್ದ. ಆತನನ್ನು ಎಕ್ಸ್-ರೇಗೆ ಒಳಪಡಿಸಿದಾಗ ವೈದ್ಯರಿಗೆ ಗುದನಾಳದಲ್ಲಿ ಲೋಟವೊಂದು ಪತ್ತೆಯಾಯಿತು. ಕೂಡಲೇ ಶಸ್ತ್ರಚಿಕಿತ್ಸೆ ನಡೆಸಿ ಲೋಟ ತೆಗೆದಿದ್ದಾರೆ. ಶಸ್ತ್ರಚಿಕಿತ್ಸೆ ಸ್ವಲ್ಪ ತಡವಾಗಿದ್ದರೂ ಆ ವ್ಯಕ್ತಿಯ ಜೀವಕ್ಕೇ ಮುಳುವಾಗುತ್ತಿತ್ತು ಎಂದಿರುವ ಅವರು ಗುದನಾಳದಲ್ಲಿ ಲೋಟ ಸೇರಿದ್ದಕ್ಕೆ ಆಶ್ವರ್ಯವನ್ನೂ ವ್ಯಕ್ತಪಡಿಸಿದ್ದಾರೆ.