ಬಾಕ್ಸ್ನಿಂದ ಕೆಳಗೆಬಿದ್ದ ಐಫೋನ್-ಎಕ್ಸ್:ಅಭಿಮಾನಿಗಳ ಆಕ್ರೋಶ
Team Udayavani, Nov 10, 2017, 6:16 AM IST
ಐಫೋನ್-ಎಕ್ಸ್ ಮಾರುಕಟ್ಟೆಗೆ ಬಂದ ಬಳಿಕ ಹೊಸದೊಂದು ಟ್ರೆಂಡ್ ಆರಂಭವಾಗಿದೆ. ಅದೇನೆಂದರೆ ಫೋನ್ನ ಬಾಕ್ಸ್ ತೆರೆಯುವುದನ್ನು ವಿಡಿಯೋ ಚಿತ್ರೀಕರಿಸಿ ಜಾಲತಾಣಗಳಲ್ಲಿ ಪೋಸ್ಟ್ ಮಾಡುವುದು.
ವ್ಯಕ್ತಿಯೊಬ್ಬ ಇದೇ ಕೆಲಸ ಮಾಡಲು ಹೋಗಿ ಐಫೋನ್ ಅಭಿಮಾನಿಗಳ ಆಕ್ರೋಶಕ್ಕೆ ಕಾರಣನಾಗಿದ್ದಾನೆ. ತನ್ನ ಬ್ರಾಂಡ್ ನ್ಯೂ ಐಫೋನ್-ಎಕ್ಸ್ನ ಬಾಕ್ಸ್ ಅನ್ನು ಲೈವ್ ಸ್ಟ್ರೀಮಿಂಗ್ನಲ್ಲಿ ತೆರೆಯಲು ಆತ ಮುಂದಾದ. ಆದರೆ ಫೋನ್ ಬಾಕ್ಸಿನಿಂದ ಜಾರಿ ಕೆಳಗೆ ಬಿತ್ತು. ಈ ವಿಡಿಯೋ ಜಾಲತಾಣಗಳಲ್ಲಿ ಹರಿದಾಡುತ್ತದೆ. ವ್ಯಕ್ತಿ ಆತನ ಫೋನ್ ಕೆಳಗೆ ಬೀಳಿಸಿಕೊಂಡಿರುವುದಕ್ಕೆ, ಆತನಿಗೆ ಸಂಬಂಧವೇ ಇರದ ಐಫೋನ್ ಅಭಿಮಾನಿಗಳು ಜಾಲತಾಣಗಳಲ್ಲಿ ಆತನ ವಿರುದ್ಧ ಕೆಂಡಕಾರುತ್ತಿದ್ದಾರೆ.