ಮಹಿಳೆಯರಿಬ್ಬರು ಕಿತ್ತಾಡಿದ ಬಳಿಕ ಕ್ಷಮೆ ಕೇಳಿ ಮರಳಿದರು!
Team Udayavani, Nov 29, 2017, 5:42 AM IST
ವಿಮಾನಗಳಲ್ಲಿ ಕೆಲವೊಂದು ಅಹಿತಕರ, ಮುಜುಗರದ ಸಂಗತಿಗಳು ನಡೆಯುವುದುಂಟು. ಇತ್ತೀಚೆಗೆ ಸಂಸದರೊಬ್ಬರು, ವಿಮಾನದ ಸಿಬ್ಬಂದಿಗೆ ಚಪ್ಪಲಿಯಿಂದ ಹೊಡೆದು ಸುದ್ದಿಯಾಗಿದ್ದು ನೆನಪಿರ ಬಹುದು. ಇದೀಗ ಇಂಥದ್ದೇ ಇನ್ನೊಂದು ಘಟನೆ ನಡೆದಿದೆ.
ಆದರೆ, ಇಲ್ಲಿ ನಡೆದಿದ್ದು ಮಹಿಳೆಯ ರಿಬ್ಬರ ಕಿತ್ತಾಟ! ಮಹಿಳಾ ಪ್ರಯಾಣಿಕರೊಬ್ಬರು ಏರ್ಇಂಡಿಯಾ ಮಹಿಳಾ ಸಿಬ್ಬಂದಿಗೆ ಕಪಾಳಮೋಕ್ಷ ಮಾಡಿದ್ದು, ಆ ಸಿಬ್ಬಂದಿಯೂ ನಾನೇನೂ ಕಮ್ಮಿಯಿಲ್ಲ ಎಂದು ಏಟನ್ನು ಮರಳಿಸಿದ್ದಾರೆ. ಇದು ದೆಹಲಿಯ ಏರ್ಪೋರ್ಟ್ನಲ್ಲಿ ನಡೆದಿದ್ದು. ಮಂಜಾನೆ 5ಕ್ಕೆ ದೆಹಲಿ-ಅಹ್ಮದಾಬಾದ್ ವಿಮಾನದಲ್ಲಿ ಮಹಿಳೆ ಟಿಕೆಟ್ ಕಾಯ್ದಿರಿಸಿದ್ದರು.
ನಿಯಮದಂತೆ, 4:15ರೊಳಗೆ ಚೆಕ್ ಇನ್ ಕೌಂಟರ್ಗೆ ಆಗಮಿಸಬೇಕಿತ್ತು. ಆದರೆ, ಅವರು ಬಂದಿದ್ದು 4:18ಕ್ಕೆ. ಅಷ್ಟರಲ್ಲಿ ಕೌಂಟರ್ ಮುಚ್ಚಿತ್ತು. ಸಿಬ್ಬಂದಿ, ಪುನಃ ತೆರೆಯಲು ನಿರಾಕರಿಸಿದರು. ಇಬ್ಬರ ನಡುವೆ ವಾಗ್ವಾದ ತಾರಕಕ್ಕೇರಿ ಪ್ರಯಾಣಿಕ ಮಹಿಳೆ, ಸಿಬ್ಬಂದಿಯ ಕಪಾಳಕ್ಕೆ ಹೊಡೆದಿದ್ದಾರೆ. ಸಿಬ್ಬಂದಿಯೂ ಆಕೆಯ ಕಪಾಳಕ್ಕೆ ಬಾರಿಸಿದ್ದಾರೆ.
ಕೊನೆಗೆ ಇಬ್ಬರೂ ಪರಸ್ಪರ ಕ್ಷಮೆ ಯಾಚಿಸಿ, ಆದದ್ದೆಲ್ಲ ಮರೆತುಬಿಡಿ ಎಂದು ತಮ್ಮ ದಾರಿ ಹಿಡಿದರೆ, ಅಲ್ಲಿದ್ದವರು ಕಕ್ಕಾಬಿಕ್ಕಿ!