CONNECT WITH US  

ಮಾಧ್ಯಮಗಳಿಗೆ ಟ್ರಂಪ್‌ ಪ್ರಶಸ್ತಿ ಕೊಡ್ತಾರಂತೆ

ಹಾಲಿವುಡ್‌ನ‌ ವಾರ್ಷಿಕ ಪ್ರಶಸ್ತಿ ಪ್ರಧಾನ ಸಮಾರಂಭಕ್ಕಾಗಿ ಎದುರು ನೋಡುತ್ತಿದ್ದ ಅಮೆರಿಕದ ಮಂದಿಯ ಚಿತ್ತ ಈಗ ಬೇರೊಂದು ಪ್ರಶಸ್ತಿಯೆಡೆಗೆ ನೆಟ್ಟಿದೆ.

ಸಿನಿಮಾ ಪ್ರಶಸ್ತಿಗಳಿಗಿಂತಲೂ ಈ ಪ್ರಶಸ್ತಿ ಆಮೆರಿಕನ್ನರ ಆಸಕ್ತಿ ಕೆರಳಿಸಿದೆ. ಕಾರಣ, ಆ ಪ್ರಶಸ್ತಿಯನ್ನು ಘೋಷಿಸುತ್ತಿರುವವರು ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌. ಟ್ರಂಪ್‌ ಮತ್ತು ಮಾಧ್ಯಮಗಳ ಸಂಬಂಧ ಅಷ್ಟಕ್ಕಷ್ಟೇ. ಆದರೂ ಅವರು ಪ್ರಶಸ್ತಿ ಕೊಡುವುದಾಗಿ ಘೋಷಿಸಿದ್ದಾರೆ. ಈ ಪ್ರಶಸ್ತಿ ಹೆಸರು "ಮೋಸ್ಟ್‌ ಡಿಸ್‌ಆನೆಸ್ಟ್‌ ಆ್ಯಂಡ್‌ ಕರಪ್ಟ್ ಮೀಡಿಯಾ' (ಅತ್ಯಂತ ಅಪ್ರಾಮಾಣಿಕ ಮತ್ತು ಭ್ರಷ್ಟ ಮಾಧ್ಯಮ) ಪ್ರಶಸ್ತಿ.

ಈ ಕುರಿತು ಟ್ವಿಟ್‌ ಮಾಡಿರುವ ಅವರು, ಸೋಮವಾರ ಸಂಜೆ 5 ಗಂಟೆಗೆ ನಾನು ವರ್ಷದ "ಮೋಸ್ಟ್‌ ಡಿಸ್‌ಆನೆಸ್ಟ್‌ ಆ್ಯಂಡ್‌ ಕರಪ್ಟ್ ಮೀಡಿಯಾ' ಪ್ರಶಸ್ತಿ ಘೋಷಿಸಲಿದ್ದೇನೆ. ನಕಲಿ ಮಾಧ್ಯಮಗಳ ಅಪ್ರಾಮಾಣಿಕತೆ, ಕೆಟ್ಟ ವರದಿಗಾರಿಕೆಗಳ ಆಧರಿಸಿ ಪ್ರಶಸ್ತಿ ನೀಡಲಾಗುವುದು ಎಂದಿದ್ದಾರೆ. ಟ್ರಂಪ್‌ರ ಚಿಕ್ಕ ಕದಲಿಕೆಯನ್ನೂ ಟ್ರೋಲ್‌ ಮಾಡುವ ಟ್ವಿಟರಿಗರು ಅದನ್ನೂ ಬಿಟ್ಟಿಲ್ಲ.

Trending videos

Back to Top