ಚಳಿ ಚಳಿ ತಾಳೆನು ಈ ಚಳಿಯಾ…

Team Udayavani, Jan 18, 2018, 6:58 AM IST

ಕೊಂಚ ಯೋಚನೆ ಮಾಡೋಣ. ಮಾಮೂಲಿ ಚಳಿ ಇದ್ದರೇ ಕಣ್ಣು ಬಿಡಲು ಕಷ್ಟ. ಇನ್ನು ಸೊನ್ನೆಗಿಂತಲೂ ಕಡಿಮೆ ತಾಪಮಾನ ಇದ್ದರೆ ಕಣ್ಣು ಮಿಟುಕಿಸಲೂ ಸಾಧ್ಯ ಉಂಟೇ ಎಂಬುದನ್ನು ಕಲ್ಪಿಸಬೇಕು.

ರಷ್ಯಾದ ಯಕುಟಿಯಾ ವ್ಯಾಪ್ತಿಯಲ್ಲಿ ಬರುವ ಒಮಿಯಾಕೋನ್‌ ನಲ್ಲಿ ವಾಸಿಸುವುದು ಕೇವಲ 500 ಮಂದಿ. 2013ರಲ್ಲಿ ಈ ಗ್ರಾಮ -98 ಡಿಗ್ರಿ ಸೆಲ್ಸಿಯಸ್‌ ತಾಪಮನ ದಾಖಲಾಗಿತ್ತು. ಈ ವಾರದಲ್ಲಿಯೇ ಈ ಸ್ಥಳದ ತಾಪಮಾನ -74 ಡಿಗ್ರಿ ಸೆಲ್ಸಿಯಸ್‌ ಇತ್ತು. ಇನ್ನು ಸ್ಥಳೀಯ ನಿವಾಸಿಗಳು ಅಳವಡಿಸಿಕೊಂಡಿರುವ ಉಷ್ಣತಾಮಾಪಕದ ಪ್ರಕಾರ  -88 ಡಿಗ್ರಿ ಆಗಿದೆ.

ಹೀಗಾಗಿ 1930ರ ಬಳಿಕ ಅದು ಅತ್ಯಂತ ಕನಿಷ್ಠ ತಾಪಮಾನ ಎಂದು ದಾಖಲೆಯೂ ಆಗಿದೆ. ಹೀಗಾಗಿ ಇಲ್ಲಿ ಒಟ್ಟಾರೆ ಜೀವನವೇ ಕಷ್ಟ. ಈ ಸ್ಥಳಕ್ಕೊಂದು ಹೆಗ್ಗಳಿಕೆ ಇದೆ ಅದೇನೆಂದರೆ ಇಂಥ ಕನಿಷ್ಠ ತಾಪಮಾನದಲ್ಲಿ ಯಾವತ್ತೂ ವಾಸಿಸುವ ಸ್ಥಳವೆಂದರೆ ಇದುವೇ ಆಗಿದೆ. ನ್ಯೂಜಿಲೆಂಡ್‌ನ‌ ಛಾಯಾಚಿತ್ರ ಪತ್ರಕರ್ತ ಅಪೋಸ್‌ ಚಾಪೆಲ್‌ ಈ ಸ್ಥಳಕ್ಕೆ ಹೋಗಿ ಅಲ್ಲಿನ ಫೋಟೋಗಳನ್ನು ತೆಗೆದಿದ್ದರು.