ನಾಯಿಗೂ ದೊರಕಿತು ನಿರುದ್ಯೋಗ ಭತ್ಯೆ!
Team Udayavani, Feb 3, 2018, 9:12 AM IST
ರೈಡರ್ ಅಮೆರಿಕದ ಸೀಫುಡ್ ರೆಸ್ಟೊರೆಂಟ್ ಒಂದರಲ್ಲಿ ಕೆಲಸ ಮಾಡುತ್ತಿದ್ದರು. ಅವರು ಅಲ್ಲಿ ಕೆಲಸ ಕಳೆದುಕೊಂಡರು. ಈಗ ಅವರಿಗೆ ಸರ್ಕಾರ ನೀಡುವ ನಿರುದ್ಯೋಗ ಭತ್ಯೆ 23,106 ರೂ. ಇದರಲ್ಲಿ ವಿಶೇಷವೇನಿದೆ ಎಂದು ಕೇಳುತ್ತೀರಾ? ವೇತನ ಭತ್ಯೆ ಪಡೆಯುತ್ತಿರುವ ರೈಡರ್ ವ್ಯಕ್ತಿಯೇನೂ ಅಲ್ಲ. ಜರ್ಮನ್ ಶಫರ್ಡ್ ತಳಿಯ ಒಂದು ನಾಯಿ. ಈ ವಿಷಯವನ್ನು ರೈಡರ್ನ ಮಾಲೀಕರಾದ ಮಿಷೆಲ್ ಹ್ಯಾಡ್ಡಾಕ್ ಫೇಸುºಕ್ನಲ್ಲಿ ಹೇಳಿಕೊಂಡಿದ್ದರು. ನಾನು ಮಿಷೆಲ್, ನನ್ನ ನಾಯಿ ಹೆಸರು ರೈಡರ್. ನನ್ನ ನಾಯಿ ಹೆಸರಿಗೆ ನಿರುದ್ಯೋಗ ಭತ್ಯೆ ಮಂಜೂರಾಗಿದೆ ಎಂದು ಪೋಸ್ಟ್ ಹಾಕಿದ್ದರು. ಇದಾಗಿ ಕೆಲ ದಿನಗಳ ನಂತರ ಮಿಷೆಲ್ ರೈಡರ್ ಎಂಬುವವರೊಬ್ಬರು ಪೊಲೀಸರಿಗೆ ದೂರು ನೀಡಿದರು.
ನಾನು 20 ವಾರಗಳ ಕಾಲ ನಿರುದ್ಯೋಗಿಯಾಗಿದ್ದೆ. ನಿರುದ್ಯೋಗ ಭತ್ಯೆ ನೀಡಲು ಕೋರಿದ್ದೆ. ಆದರೆ ಅದು ಬೇರೆ ಯಾರಿಗೋ ದೊರಕುತ್ತಿದೆ. ಯಾರೊ ನನ್ನ ಗುರುತನ್ನು ಕದ್ದಿದ್ದಾರೆ ಎಂದು ದೂರಿದ್ದರು. ನಾಯಿ ರೈಡರ್ಗೆ ಸಿಗುತ್ತಿದ್ದ ಭತ್ಯೆ ಯಾರದ್ದು ಎಂದು ಸರ್ಕಾರಕ್ಕೆ ಈಗ ತಿಳಿಯಿತಂತೆ.