CONNECT WITH US  
echo "sudina logo";

ಏಳು ಚಿನ್ನದ ಗಟ್ಟಿ ಕದ್ದ ಬಳಿಕ ಬೇಸ್ತುಬಿದ್ದ ಕಳ್ಳ

ಒಬ್ಬ ಕಳ್ಳನಿಗೆ ತನ್ನ ಜೀವಮಾನದಲ್ಲಿ ಆಗಬಹುದಾದ ಬಹುದೊಡ್ಡ ಆಘಾತ ಏನಿರಬಹದು? ತಾನು ಕಳ್ಳತನ ಮಾಡುವಾಗಲೇ ಪೊಲೀಸರ ಕೈಗೆ ರೆಡ್‌ಹ್ಯಾಂಡ್‌ ಆಗಿ ಸಿಕ್ಕಿಕೊಳ್ಳುವುದು ಇರಬಹುದಾ? ಇಲ್ಲ. ಅದಕ್ಕಿಂತ ದೊಡ್ಡ ಆಘಾತ ಎಂದರೆ, ತಾನು ತುಂಬಾ ಉಪಾಯ ಮಾಡಿ ಕಷ್ಟಪಟ್ಟು ದೋಚಿರುವ ಚಿನ್ನದ ಗಟ್ಟಿಗಳು ಚಿನ್ನವೇ ಅಲ್ಲ, ಅವು ನಕಲಿ ಎಂದು ಗೊತ್ತಾಗುವುದು. ಇಂಥದ್ದೊಂದು ಆಘಾತ ಚೀನಾದ ಕಳ್ಳನೊಬ್ಬನಿಗೆ ಆಗಿದೆ. ಇದಕ್ಕಿಂತ ದೊಡ್ಡ ಆಘಾತ ಎಂದರೆ, ಈತ ಹೊಂಚು ಹಾಕಿ ಕಳ್ಳತನ ಮಾಡಿದ ಮಳಿಗೆ ನಿಜದಲ್ಲಿ ಚಿನ್ನ ಮಾರಾಟದ ಮಳಿಗೆಯೇ ಅಲ್ಲ. ಆತ ದೋಚಿದ್ದು ಪ್ರದರ್ಶನಕ್ಕೆ ಇರಿಸಿದ್ದ ನಕಲಿ ಚಿನ್ನದ ಬಾರುಗಳನ್ನು.

ಈತ ಮುಖಕ್ಕೆ ಬಟ್ಟೆ ಸುತ್ತಿಕೊಂಡು ನಕಲಿ ಗಟ್ಟಿಗಳನ್ನು ಇರಿಸಿದ್ದ ಗಾಜಿನ ಕಪಾಟನ್ನು ಸುತ್ತಿಗೆಯಿಂದ ಒಡೆದು, ಏಳು ಗಟ್ಟಿಗಳನ್ನು ಕದ್ದುಕೊಂಡು ಪರಾರಿಯಾಗುವುದು ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಈ ಮಳಿಗೆ ಹಣಕಾಸು ನಿರ್ವಹಣೆ ಸಂಸ್ಥೆಯಂತೆ. ಈತ ಇದನ್ನು ಚಿನ್ನದ ಅಂಗಡಿ ಎಂದು ಏಕೆ ಭಾವಿಸಿದ ಎಂಬುದೇ ಸೋಜಿಗದ ಸಂಗತಿ.

Trending videos

Back to Top