ನಾಯಿಗಳಿಗೆ ಬೆಕ್ಕೇ ಬಾಸ್
Team Udayavani, Mar 25, 2018, 4:44 AM IST
ನಾಯಿಗಳಿಗೆ ಬೆಕ್ಕು ಬಾಸ್ ಆಗುವುದು ಎಂದರೆ ಸುಮ್ಮನೇನಾ? ಸೇಂಟ್ ಲೂಯಿಸ್ನಲ್ಲೊಂದು ಬೆಕ್ಕಿದೆ. ಅದರ ಹೆಸರು ಡೀಓಜೀ(ಡಾಗ್). ಇದು ನಾಯಿಗಳಿಗೆ ತರಬೇತಿ ನೀಡುವ ಬಾಸ್. “ಸಪೋರ್ಟ್ ಡಾಗ್, ಇಂಕ್. ಇನ್’ ಎಂಬ ಸಂಸ್ಥೆ ಹಲವಾರು ಉದ್ದೇಶಗಳಿಗೆ ನಾಯಿಗಳನ್ನು ಸಜ್ಜುಗೊಳಿಸುತ್ತದೆ. ಓಡಾಡಲು ಸಮಸ್ಯೆ ಉಳ್ಳವರು, ಅಂಧರಿಗೆ, ಕಿವುಡರಿಗೆ ಸಹಾಯ ಮಾಡಲು ನಾಯಿಗಳನ್ನು ತರಬೇತುಗೊಳಿಸುತ್ತದೆ.
ಹೀಗೆ ತರಬೇತಿ ನೀಡುವ ಮೊದಲು ನಾಯಿಗಳ ತಾಳ್ಮೆ ಮತ್ತು ಜಾಣ್ಮೆಯನ್ನು ಪರೀಕ್ಷಿಸಲಾಗುತ್ತದೆ. ಈ ಕೆಲಸವನ್ನು ಡೀಓಜೀ ಮಾಡುತ್ತದೆ. ನಾಯಿಗಳಿಗೆ ಈ ಬೆಕ್ಕು ಕೊಡುವ ಕಾಟ ಒಂದೊಂದಲ್ಲ. ಇದು ನೀಡುವ ಕಾಟ ಸಹಿಸಿ, ಇದರಿಂದ ಪಾರಾಗುವ ಉಪಾಯ ಬಲ್ಲ ನಾಯಿಗಳು ಮುಂದಿನ ತರಬೇತಿಗೆ ಆಯ್ಕೆಯಾಗುತ್ತವೆ.