ಪಕ್ಕದ ಮನೆ ಶೌಚಾಲಯ ಸೇರಿ ಬದುಕಿದ ಹಾವು
Team Udayavani, May 23, 2018, 6:25 AM IST
ಶೌಚಾಲಯದೊಳಗೆ ಭಾರೀ ಗಾತ್ರದ ಹಾವುಗಳು ಕಾಣಿಸಿಕೊಂಡು ಮನೆಯವರನ್ನು ಬೆಚ್ಚಿಬೀಳಿಸುವಂಥ ಸಂಗತಿಗಳ ಬಗ್ಗೆ ನೀವು ಓದಿದ್ದೀರಿ. ಚೀನಾದ ಮನೆಯೊಂದರಲ್ಲೂ ಇಂಥದ್ದೇ ಘಟನೆ ನಡೆದಿದೆ.
ಭಾರಿ ಗಾತ್ರದ ಹಾವೊಂದು ಮನೆಯ ಶೌಚಾಲಯದಲ್ಲಿ ಪತ್ತೆಯಾಯಿತು. ಹಾವನ್ನು ಕಂಡು ಮಹಿಳೆ ಆಕೆಯ ತಂದೆ ಮತ್ತು ಇನ್ನಿತರರ ಸಹಾಯ ಪಡೆದು ಹಾವನ್ನು ಹೊರಹಾಕಿದರು. ಇದಾದ ಕೆಲ ಹೊತ್ತಿನ ಬಳಿಕ ಪಕ್ಕದ ಮನೆಯಿಂದ ಜೋರು ಅರಚಾಟ, ಕಿರುಚಾಟ ಕೇಳಲು ಆರಂಭಿಸಿತು. ಅವರು ಏನನ್ನೋ ಹುಡುಕುತ್ತಿರುವುದಾಗಿ ಕಂಡುಬಂದಿತು. ಏನೆಂದು ವಿಚಾರಿಸಿದಾಗ, ಅವರು ಸ್ನೇಕ್ ವೈನ್ ಮಾಡಲೆಂದು ಹಾವನ್ನು ತಂದು ಚೀಲದಲ್ಲಿ ಕಟ್ಟಿಟ್ಟಿದ್ದರು. ಅದು ತಪ್ಪಿಸಿಕೊಂಡಿತ್ತು’. ಸದ್ಯ ಪಕ್ಕದ ಮನೆ ಶೌಚಾಲಯ ಸೇರಿ ಆ ಹಾವು ಬದುಕಿಕೊಂಡಿತು.