ಸ್ಮಶಾನದಲ್ಲಿ ಸ್ಥಳ ನಿಗದಿಗೆ ಬಂತು ಲಾಟರಿ ವ್ಯವಸ್ಥೆ

Team Udayavani, Jul 16, 2018, 5:50 AM IST

ಬಸ್‌ನಲ್ಲಿ ಸೀಟು ಕಾಯ್ದಿರಿಸಲು ಟವೆಲ್‌ ಹಾಕೋದು ಗೊತ್ತು. ನಾವು-ನೀವು ಎಲ್ಲರೂ ಅದನ್ನು ಮಾಡಲೇ ಬೇಕಾಗುತ್ತದೆ. ಸ್ಮಶಾನದಲ್ಲಿ ಗೋರಿಗಾಗಿ ಲಾಟರಿ ವ್ಯವಸ್ಥೆ ಜಾರಿ ಆದರೆ? ಥೂ… ಏನು ಮಾತು ಅಂತ ಕೇಳ್ಬೇಡಿ. ಜರ್ಮನಿಯ ಬವಾರಿಯನ್‌ ಆಲ್ಪ್ ಪರ್ವತ ಪ್ರದೇಶ ಬಳಿ
ಇರುವ 17ನೇ ಶತಮಾನದಷ್ಟು ಹಳೆಯದಾಗಿರುವ ಸ್ಮಶಾನದಲ್ಲಿ ಅಂತ್ಯಸಂಸ್ಕಾರಕ್ಕೆ ಇಂಥ ವ್ಯವಸ್ಥೆ ಜಾರಿಯಾಗಿದೆ.

ಇಲ್ಲಿ ರಮಣೀಯ ಪ್ರಕೃತಿ ಇದ್ದು, ಇತ್ತೀಚಿನ ವರ್ಷಗಳಲ್ಲಿ ಅಲ್ಲಿಯೇ ಶವ ಹೂಳಲು ಬೇಡಿಕೆ ಹೆಚ್ಚಾಗಿತ್ತು. ಆದರೆ ಅದಕ್ಕೆ ಆ ಸ್ಥಳದ ಉಸ್ತುವಾರಿ ಹೊತ್ತಿರುವ ಅಧಿಕಾರಿಗಳು ಸ್ಪಂದನೆ ಕೊಟ್ಟಿರಲಿಲ್ಲ. 17ನೇ ಶತಮಾನದ ಸ್ಮಶಾನದಲ್ಲಿಯೇ ಮಣ್ಣು ಮಾಡಬೇಕು ಅಥವಾ ಅಲ್ಲಿಯೇ ಚಿರ ವಿಶ್ರಾಂತಿ ಪಡೆಯಬೇಕು ಎಂಬುವವರ ಆಶಯವೋ ಗೊತ್ತಿಲ್ಲ. ಅಧಿಕಾರಿಗಳು ಹೊಸತಾಗಿ 200 ಶವ ಹೂಳಲು ವ್ಯವಸ್ಥೆ ಮಾಡಿದ್ದಾರೆ. ನಂಬುವಿರೋ ಬಿಡುವಿರೋ ಗೊತ್ತಿಲ್ಲ. ಅದಕ್ಕಾಗಿ 280 ಮಂದಿ ಅರ್ಜಿ ಸಲ್ಲಿಸಿದ್ದಾರೆ. ಅದಕ್ಕೆ ಸಂಬಂಧಿತ ಇಲಾಖೆಯ ಅಧಿಕಾರಿಗಳು ಯಾವಾಗ ಲಾಟರಿ ಮೂಲಕ ಸ್ಥಳ ಆಯ್ಕೆ ಮಾಡುತ್ತಾರೋ ಗೊತ್ತಿಲ್ಲ.