ಭೂಕಂಪ ಸಂಭವಿಸುವ ಮೊದಲೇ ಬೆಕ್ಕು ಜಾಗೃತ

Team Udayavani, Jul 17, 2018, 4:04 AM IST

ಭೂಕಂಪ ಸಂಭವಿಸುವುದಕ್ಕೂ ಮೊದಲೇ ಬೆಕ್ಕು, ನಾಯಿ ಮತ್ತಿತರ ಪ್ರಾಣಿಗಳಿಗೆ ತಿಳಿಯುತ್ತದೆ. ಅವು ತೀರಾ ವಿಚಿತ್ರವಾಗಿ ವರ್ತಿಸುತ್ತವೆ ಎಂದು ನಾವು ಕೇಳಿದ್ದೇವೆ. ಇದಕ್ಕೆ ಇಂಬು ನೀಡುವಂಥ ವಿಡಿಯೋ ವೊಂದನ್ನು ಜಪಾನ್‌ನ ಕ್ಯಾಟ್‌ ಕೆಫೆ ಯೊಂದು ಹರಿಬಿಟ್ಟಿದೆ. ಕಳೆದ ತಿಂಗಳು ಜಪಾನ್‌ನ ಒಸಾಕಾ ಪ್ರದೇಶದಲ್ಲಿ 6.1 ಕಂಪನಾಂಕ ತೀವ್ರತೆಯ ಭೂಕಂಪ ಸಂಭವಿಸಿ, 5 ಜನರಆಹುತಿ ಪಡೆದಿತ್ತು.

ಭೂಕಂಪ ಸಂಭವಿಸುವ 10 ಸೆಕೆಂಡುಗಳ ಮೊದಲು ಕೆಫೆಯಲ್ಲಿ ತಮ್ಮದೇ ಪ್ರಪಂಚದಲ್ಲಿ ಮುಳುಗಿದ್ದ ಬೆಕ್ಕುಗಳೆಲ್ಲ ಜಾಗೃತವಾಗುತ್ತವೆ. ಕೆಲ ಬೆಕ್ಕುಗಳು ಕೋಣೆಯ ಅತ್ತಿಂದಿತ್ತ ಓಡಾಡುತ್ತವೆ. ಬೆಕ್ಕುಗಳು ಈ ರೀತಿ ಭಯಕ್ಕೀಡಾದಂತೆ ವರ್ತಿಸಿದ ಕೇವಲ 10 ಸೆಕೆಂಡುಗಳಲ್ಲಿ ಭೂಕಂಪ ಸಂಭವಿಸುತ್ತದೆ. ಈ ವಿಡಿಯೋ ಈಗ ಜಗತ್ತಿನಾದ್ಯಂತೆ ಚರ್ಚೆಗೆ ಒಳಗಾಗಿದೆ.