ಇರಲಾರದೆ ಇರುವೆ ಬಿಟ್ಕೊಂಡವನಿಗೆ ಆಯಿತು ತಕ್ಕ ಶಾಸ್ತಿ

Team Udayavani, Jul 23, 2018, 5:56 AM IST

ಕೆಲವರ ಜಾಯಮಾನವೇ ಹಾಗೆ. ಇರಲಾರದೆ ಇರುವೆ ಬಿಟ್ಟುಕೊಂಡರು ಅಂತಾರಲ್ಲ ಹಾಗೆ. ಅಮೆರಿಕದ ಸವಾನ್ನಾ ಎಂಬಲ್ಲಿರುವ ರೆಸ್ಟೋರೆಂಟ್‌ಗೆ ವ್ಯಕ್ತಿ ಪ್ರವೇಶಿಸಿದ. ಅಲ್ಲಿ ಗ್ರಾಹಕರ ಬೇಕು ಬೇಡಗಳನ್ನು ನೋಡಿಕೊಳ್ಳುತ್ತಿದ್ದ ಮಹಿಳಾ ವೈಟರ್‌ ಜತೆ ಅಸಭ್ಯವಾಗಿ ವರ್ತಿಸಿ ಮುಂದೆ ಹೋದ. ಅದು ಏನಾಯಿತೋ ಗೊತ್ತಿಲ್ಲ. ಎಮಿಲಾ ಹೋಲ್ಡನ್‌ ಎಂಬ ಮಹಿಳಾ ವೈಟರ್‌ ವ್ಯಕ್ತಿಯ ಹಿಂದೆ ಹೋಗಿ, ಆತನಿಗೆ ಎರಡು ಏಟು ಹಾಕಿ ನೆಲಕ್ಕೆ  ಉರುಳಿಸಿದಳು. ಸಿಸಿಟಿವಿಯಲ್ಲಿನ ದೃಶ್ಯಾವಳಿ ರೆಡ್‌ಇಟ್‌ ನಲ್ಲಿ ಅಪ್‌ಲೋಡ್‌ ಆಯಿತು. ಅದು ಕಾಳ್ಗಿಚ್ಚಿನಂತೆ ಹಬ್ಬಿತು. ಅಂದ ಹಾಗೆ ಈ ಘಟನೆ ನಡೆದದ್ದು ಜೂ.30ರಂದು. ಬೆಳಕಿಗೆ
ಬಂದದ್ದು ಮಾತ್ರ ಕೆಳದಿನಗಳ ಹಿಂದೆ. ಪೊಲೀಸರು ಕೂಡ ಸಿಸಿಟಿವಿ ದೃಶ್ಯಗಳನ್ನು ಆಧರಿಸಿ ಅನುಚಿತವಾಗಿ ವರ್ತಿಸಿದವನಿಗೆ ಕಾನೂನಿನ ಅನ್ವಯ ಕ್ರಮ ಕೈಗೊಂಡರು ಬಿಡಿ. ಅನುಚಿತವಾಗಿ ವರ್ತಿಸಿದ ಕಿಡಿಗೇಡಿಯನ್ನು ಆತನ ಪತ್ನಿ ಮತ್ತು ಮಕ್ಕಳ ಎದುರೇ ಪೊಲೀಸರು ಬಂಧಿಸಿ ಎಳೆದೊಯ್ದರು.