3ರ ಹರೆಯದ ಬಿಲ್ಲುಗಾರ್ತಿಯ ಸಾಧನೆ

Team Udayavani, Aug 22, 2018, 4:20 AM IST

ಚೆನ್ನೈನ 3 ವರ್ಷದ ಪುಟ್ಟ ಬಾಲಕಿ ಪಿ. ಸೌಜನ್ಯಾ ಈಗ ಆರ್ಚರಿಯಲ್ಲಿ ಗಿನ್ನೆಸ್‌ ದಾಖಲೆ ಸೇರುವ ಸಾಧನೆ ಮಾಡಿದ್ದಾಳೆ. ಮೂರೂವರೆ ಗಂಟೆಗಳಲ್ಲಿ 1,111 ಬಾಣಗಳನ್ನು ಈಕೆ ಗುರಿಮುಟ್ಟಿಸಿದ್ದಾಳೆ. ಈಕೆಯ ಗುರಿ ಇದ್ದದ್ದು 8 ಮೀಟರ್‌ಗಳು. ಗಿನ್ನೆಸ್‌ನ ಮಾರ್ಗಸೂಚಿಯಂತೆ ಗಂಟೆಗೆ ಒಮ್ಮೆ 5 ನಿಮಿಷಗಳ ಬಿಡುವು ಪಡೆದಿದ್ದು ಬಿಟ್ಟರೆ, ಆನಾಯಾಸವಾಗಿ ಎಲ್ಲಾ ಬಾಣಗಳನ್ನು ಗುರಿ ತಲುಪಿಸಿದ್ದಾಳೆ.

ಈಕೆಯ 2ನೇ ವರ್ಷದ ಹುಟ್ಟುಹಬ್ಬಕ್ಕೆ ಪೋಷಕರು ಬಿಲ್ಲುಬಾಣ ಉಡುಗೊರೆ ಕೊಟ್ಟಿದ್ದರಂತೆ. ಈಕೆ ಗುರಿಯಿಟ್ಟು ಬಾಣ ಬಿಡುವುದನ್ನು ನೋಡಿ ಆಕೆಯನ್ನು ಶಿಹಾನ್‌ ಹುಸೆ„ನಿ ಎಂಬುವವರ ಬಳಿ ತರಬೇತಿಗೆ ಕಳುಹಿಸಿದರಂತೆ. 1 ವರ್ಷದಲ್ಲಿ ಆಕೆ ತಯಾರಾಗಿ ಈ ಸಾಧನೆ ಮಾಡಿದ್ದಾಳೆ.